وأنا الهبايب ماتحرك غترتي وعقالي

الهبايب ~٨~

تجمد مرزوق بمكانه وهو يهذري بنفسه : انا جاي لاجل عزوز وشو تروكي ذا يويللل حالييييي
بدا يصد عنها وهو متلطم وهي تناظر فيهم منزل راسه
مريم بملل؛ خلاص يورع تراني مريم خيتك ماني بشخص غريب
مشى تركي وهو يحاول يغض نظره عنها وطلع برا المزرعه وصدت مريم بضحكه ولاهي منتبه ل افعاله وحركاته

~~ الجهه الثانيه ~~
طلعت الجادل بخوف من المشب ولانطقت بحرف واحد ماكانت غير ترجف امام نظر عيونه
شهقت من شافت البنات واقفين جنب الباب : ي حميررررر وش مسوين انتم
سلمى وقفت وركضت لقسم العمه منيره وركضت وراها الجادل وهي تتوعد بها بعد الي سوته والبنات كانوا ميتين ضحك على الموقف
~~ زلزله منصور ~~
عند بطلنا الضايع بين الحديد والجدران الي كان يناظر نافذه الزلزله امام عيونه وخصلات الشعر على وجهه ولحيته الي وصلت لنص رقبته من اهمله وعدم اهتمامه بحاله وصحته وعقله الي كانه مجنون من تخلى على المخدرات ماكان حاس بشهر رمضان الي مر عليه ولاهو حاس بشعور العيد ماكان يحس سوا ب النار الي تحرق جوفه مابين شعور الم وشعور ذنب وشعور التناقض مابين الذنب والحاجه ل الحبوب ماهو. قادر يحدد. شعوره
لف نظره ل العصاء الي امامه العصاء الي يعتمد عليه لاقام بعد ما بتروا رجله بسبب حمود خسر نفسه وصحته واهله ورضى والدينه لاجل الحبوب ورغم المشاعر المتناقضه الي بداخله لحد الان مايقدر ينكر انه محتاج ل الفلوس وهو عارف انه لو طلع بيجلس وضعه نفس اخوانه مالها لا مال الا من مصروفهم ومستحيل يفكر بعواقب الطرق الي بتجلب له المال سوا كانت حرام او حلال اهم ماعليه يشم ريحه الفلوس ويشوفهم قدامه ماكان يفكر اذ ب الطريقه ذي بيكسب رضى الله ولا رضى طريق الشيطان بيكسب رضى والدينه ولا بيكسب رضى نفسه اللومه
~~ بعد شهرين ~~
عبدالعزيز وهو طالع من غرفته ل الباب : جاي جاي
فتح الباب وقابل قدامه مرزوق ونطق ببتسامه : يهلاااااا
مرزوق بنفس الابتسامه : يهلابكككك
عبدالعزيز ببتسامه : حياك حياك
دخلوا ل المقلط الي فايحه منه ريحه الهيل وصوت النجر الي يدقه تركي بوسط المجلس
دخل مرزوق وبدا يسوالف ويضحك ومن سالفه لسالفه لين نطق مرزوق بجديه : عبدالعزيز
عبدالعزيز: سم؟
مرزوق : عزوز انت عارف ان عمري قرب على الثلاثين واني وحيد بهادينا مالي الا امي الي طايحه على الفراش
عبدالعزيز: اي والله اني عارف
مرزوق تنهد تنهيده طويله ثم نطق : وانا اليوم ماني جايك الا لاني ابي القرب منكم ويشرفني اخذ كريمتكم مريم
ابتسم عبدالعزيز بفرحه : والله الساعه المباركه بس ي مرزوق الي اخبره انك عاطل وبدون وظيفه وانا صراحه مابي اظلم اختي صحيح اني اعزها بس
مرزوق بضحكه ؛ ماعليك دخلت العقارات واموري ماشيه ب القصيم باخذ مريم معي ل القصيم وبين فتره وفتره ننزل لكم
عبدالعزيز: على خير ان شاء الله اكلم مريم والله يكتب الخير
تنهد مرزوق براحه وهو من لحظات العيد ماتخطى حركات مريم وصوتها وهي تتدلع بطقطقه
شرب شاهيه ولازال فكره ساهيه على ذيك الليله الي مستحيل ولن ينسى تفاصيلها
~~ عند البنات ~~
الي كانوا جالسين في الغرفه وحوسه مابين الفرش والسوالف لين مانطق عبدالعزيز: مريميييي
مريم : سمممم
عبدالعزيز: تعالي ابيتس
مريم : ادخل مامن احد
عقد حواجبه عبدالعزيز وهو يخبر ان الجادل عندهم ولكن دخل الغرفه وفعلا مافيه الا خواته مجتمعين حول السرير
عبدالعزيز تنهد براحه : مريمي اختي الغاليه وامي الثانيه
سلمى ؛ الله وش ذا الدلع كله وحنا ؟
عبدالعزيز بضحكه : لا مريم اليوم غيررر
سلمى : الله يخلي لي اياد وادهم هم الي عارفين قيمتي
هيا: اسكتي خلينا نشوف وش عنده المصلحجي
لفت على عبدالعزيز: وش تبي من مريم ؟
عبدالعزيز ببتسامه : مو انا الي ابيها النصيب هو الي يبيها
ناظرته مريم بعدم فهم وكمل عبدالعزيز: مرزوق رفيقي خطبك ونبي ردك
مريم نزلت راسها بخجل من ضحكات البنات ونطقت بهدوء: الراي رايك ي اخوي انت ادرى به وتعرفه اكثر مني
ابتسم عبدالعزيز: اجل مبروك عليكم
اعتلت صوت الزغاريط والضحك ب الغرفه وتقدم عبدالعزيز وجلس قبال مريم ونطق. بهدوء : تراتس ما اخترتي الا خيره الرجال وابد اذ شفتي غلط او شي منا ومنا اتصلي علي ومايصير خاطرتس الا طيب
ابتسمت مريم والدموع بمحجره عيونها : الله يخليك لنا ولايحرمنا من حسك وصوتك ب البيت
البنات كلهم بنفس الوقت : امينننن
ابتسم عبدالعزيز وطلع من عندهم ورايح يبشر العمه نوره
~~ بعد اسبوعين وتحديدا يوم الجمعه ليله السبت ~~
طلت مريم ببتسامه من نافذه الغرفه وهو تتامل انوار الاعراس والفرش الحمراء تتوسط سطح البيت والكراسي وسماعات الاغاني صوتها عالي ورقص الجوهره مع الجادل ويد العمه نوره الي تصفق لهم وباقي البنات الي كانوا مابين السوالف والتوزيعات وركض البزران حولين الفرشه
تنهده براحه وهي تتامل كل التفاصيل ذي وتذكر ابوها بدعواتها وتدعي لمنصور ب الفرج
~~ بقسم الرجال ~~
الي كانوا ماليين شوارع الحي ب الفرش والكراسي الحمراء واصوات السامري العاليه وصوت الطبول وريح الهيل والقهوه والبخور واصوات التهاني والتبريكات الي تهل على عيال ابراهيم وعلى مرزوق
جلسوا رجال السامري على الارض وبدوا تطبيل وغناء
توسط جلستهم عبدالعزيز وهو يبدا رقصته بكفوفه وكانه يرفرف بهم فوق الغيم ورغم زحمه الفرشه بسبب طبول ورجال السامري الا انه قدر يخطف الانظار كلها عليه
وماهي الا دقايق والغيوم تجمعت فوقهم وبدت تمطر وبدا نسناس الهواء البارد يهب عليهم ولكن مستمرين ب افراحهم و رقصهم والمطر مازادهم الا فرح وسرور
وقف رقص من ناداه اياد لاجل يزفون العروس والعريس لبيتهم
طلعت مريم وهي لابسه العبايه وتتامل عزوتها واقفين يمينها وامامها مرزوق لاشعوريا بدت تدمع من بدوا اخوانها يودعونها ويسلمون عليها كانت محتاجه لوجود ابوها ومنصور بينهم
طلال ببتسامه ل مرزوق : والله ي هي بتسوي لك مرقوق على كيف كيفك صراحه احسدك
اياد بحده : ترا وراها ظهر ومحزم انتبه لك لاتلعب بذيلك
مرزوق لف نظره ل عيون مريم ونطق : مايحتاج توصي بحطها بين الهدب والرمش
ناصر: ماعليك مرزوق ثقه واملنا فيه كبير
مد كفوفه مرزوق ل مريم لاجل تركب معه السياره ويتوجهون لبيتهم مريم الي مدت كفوفها وكلها رجفه ومشاعر مابين توتر وخوف وفرح ولكنها مرتاحه حيل من كلام اخوانها على مرزوق وطيبته
~~ بسطح البيت ~~
البنات كانوا يتاملون كل عرس الرجال ومبسوطين بكل الحظات والجادل كل فكرها رايح ب عبدالعزيز ورقصه
ترفه بغمزه ل الجوهره : والله عزوزي اليوم ابدع ب الرقص
لفت عليها الجادل بحده وناظرت عيونها بعصبيه ونطقت : ماشاءلله وش الميانه ذي؟ وش عزوزي؟
ترفه ناظرت فيها بضحكه : وانتي شدخلتس؟ ليكون تغارين ؟ولا لحظه لايكون عزوز مسجل ب اسمك وانا مدري ؟
سكتوا البنات كلهم من شافوا نظرات الجادل الي واضح انها تنرفزت من اسلوب ترفه
قربت لها الجادل بنظرات حاده وهي تشمر ثوبها رجعت الجوهره لورا بخوف
الجادل وقفت قبالها تماما : عيدي ماسمعت!
ترفه بسخريه : من وين تبيني ابدا ؟امريني بس
الجادل مدت يدينها وهي تشد شعر ترفه : من هنا
وطاحت ترفه تحت رحمه الجادل اجتمعوا البنات محاولين يسحبون ترفه ولا احد قدر لين ما اجتمعوا العمات عليهم مع ام ترفه
العمه نوره وهي ماسك ترفه : شنوحتسسس عليها جادلل؟؟
ترفه بصراخ : الجاهلههه ذييي ابعدوهاااا عنييي طبعااا بيطلع كذا طبعك دامتس بدون ام وبدون تعليم وبدون تربيه
الكلمات الي طاحت على قلب الجادل نار وقربت لها : انتيييي شكلككك ماشبعتي ضرببببب
تدخلت ام ترفه وهيي تسحبها: خلاصص اسكتيييي فشلتينييييي
اخذت ترفه عبايتها وطلعت من البيت والجادل توجهت لغرفه البنات
سكتوا البنات كلهم من هدء وضع العرس
~~ من بكرا العصر ~~
سلمى بضحكه :والله ي هي رنتها رن خلتها تنطق الشهاده
اياد بضحكه : حي عينهااا بنت الخال
ادهم : هو حي عينها صح بس وش السبب ؟
نطت هيا : علشان ترفه قالت عزوزي والجادل ماقصرت بها
قرصتها الجوهره وهي تحاول تسكتها
هيا بوجع وبصوت عالي : خيررر تقصرين؟ هذا الصدق ماكذبت انا
عبدالعزيز تصنم قدام نظر عيونهم بدون اي حركه والجادل الي كانت تسمع كل مع الدرج ودها تنشق الارض وتبلعها ولكن لحظه ؟ انا ليه اشتعلت نار من قالت عزوزي ؟ ليه ضربت البنت لاجله ؟ ليكوننن؟؟
مسكت راسها وهي تهز راسها ب النفي : لااااا لاااا مستحيل حب مستحيل
مشت ل الغرفه من لمحت زول عبدالعزيز يصعد الدرج
الجوهره ل هيا بعد ماصعد عبدالعزيز: قصصص يقص لسانتس ي العوباء ماتعرفين تقصرين صوتس؟
هيا بضحكه و برود : خليني اوفق راسين ب الحلال
الجوهره : محد يبي منك شي مانبي منتس الا انك تسدين حلقتس
جتهم العمه نوره وماهي فاهمه شسالفه : شنوحتس جوهره على اختس؟
دخل وراها الخال فرحان ببتسامه وهو يسلم عليهم
الجوهره : سلامتس يمه نقاش بسيط
ولفت على هيا تهددها وتقرص يدينها لاتنطق بحرف
اياد بضحكه وهمس ل سلمى : شوفي شلون لازقه جنبها علشان ماتجيب العيد بنا
سلمى ضحكت بهمس : والله ي عمري على عزوز تفشل كله منها العوباء ذي
ادهم دخل معهم ب الناقش بحكم ان سلمى ب الوسط وعلى يمينها ادهم وعلى شمالها اياد
ادهم بهمس : خلوها توفق راسين ب الحلال شتبون بها ؟
الخال فرحان بصوت عالي : والله انصدمت من مرزوق احسبه صغير بحكم انه رفيق عزوز طلع رجال كبير ماشاءالله
العمه نوره: ايههه عبدالعزيز يرافق كل احد كبير ولا صغير انسان ولا حيوان ماتفرق معه
~~ بيت مرزوق ~~
مرزوق : ان شاء الله باكر بنمسك خط ل القصيم وتراني مرتب البيت كله من الالف الى الياء بس خذوا اغراضكم
مريم : ان شاء الله
ام مرزوق بحزن : شلون بترك بيت ابوك ي يمه ؟ هو الي بقى لنا من ريحته
مرزوق تنهد بضيق: وانا بعد ي يمه وش اسوي بشغلي كله هناك ولا اقدر اخليتس لحالك وابوي ذكرى مايغيب ب دعواتنا له
نزلت راسها بضيق ام مرزوق بدون اي رد وقف مرزوق وهو يقبل راسها
طلع من غرفه امه وطلعت وراه مريم
مريم بهدوء : مرزوق
لف عليه مرزوق : سمي ؟
مريم : اكيد بنجي هنا بين فتره وفتره ؟ مارح نجلس كل ايامنا هناك صح؟
مرزوق ببتسامه : والله انا ودي اجلس كل ايامي هناك بس اخواتس داري انهم مارح يرحموني اصلا اليوم اتصل علي طلال يسال عنتس
ابتسمت مريم براحه من فعل طلال : زين
طلع مرزوق لبرا البيت وبقت مريم مع امه
~~ بيت العم ابراهيم ~~
دخلت سميه زوجه الخال فرحان لغرفه البنات الي ماكان فيها الا الجادل جالسه لوحدها
سميه بهدوء: عادي اتكلم معتس؟
الجادل ناظرت فيها بستغراب : شفيه!
تقدمت سميه وهي تجلس امامها : اسمعي الجادل ادري انك كاره وجودي هنا وادري انك تحسبين اني اخذت ابوك منك ومن امك واني السبب بكل شي يصير لك
الجادل بكره :وهذي الحقيقه انتي سبب كل شي
سميه بضيق: لا ي جادل يشهد علي ربي اني مالي ذنب اصلا تدرين اني تزوجته مجبوره ؟ تزوجته بدون حفل ولا فستان ابيض واصلا ماكنت ادري فجاء دخل علي اخوي وقال يلا زوجك ينتظرك اخذني وانا بنت صغيره مافرحت ب الفستان الابيض ولا ب الذهب كل شي راح ل اخواني اعطاهم المهر والذهب وهم اخذوه لهم انا تشوفيني قدامتس
كملت وهي تحرك يدينها : عروس ومافيه بناجر بيدي
ومررت يدينها ل عنقها : عروس مافيه برقبتي سلسال ذهب ابوتس اخذني لاجل نفسه لاجل العيال الي بيرفعون اسمه صدقيني انا مالي ذنب وانا بعد مقهوره على حالي وتعبانه ومهدود حيلي
ناظرت فيها الجادل بصدمه بدون اي رد والدموع متجمعه بعيونها
ناظرت فيها سميه لثواني وطلعت من الغرفه والهم بقلوب الثنتين وكلهم تحت امر فرحان الي مستحيل يحرر قيود احد
~~ بحوش البيت ~~
العمه نوره : عساك قدمت على الجامعه ؟
عبدالعزيز تنهد : لا والله ي يمه ماني مقدم بدخل ب العقارات لاجل اصرف معتس على البيت
ناظرت فيه العمه نوره: لا ي امي انتي مستقبلك اهم ادرس اهون واحسن لك بعدين توك صغير مادخلت العشرين حتى
عبدالعزيز ناظر فيها : ي ميمتي الله يخليتس لنا انا اعرف دربي واعرف وش اسوي زين خلي الدراسه ل اخواني وخواتي وانا بساعدهم بشغلي ذا ومرزوق بنفس المجال يعني ناخذ خبرات منه
تنهده العمه نوره من تجمعت الدموع بعيونها : ليه ي يمه ؟ ليه تحرق نفسك لاجل اخوانك وخواتك انا هنا انتبه لهم والدوله ماهي مقصره تصرف فلوس ل الايتام وحق اخوانك وحقك يجي لكم كل شهر
عبدالعزيز: يمه انتي بعد تعبانه وحق الايتام مايكفي احتياجتهم خليني اشوف دربي واكمله ولو انتي خايفه على طيحتي بنص الطريق تذكري منهم عزوتي ؟ الراجي بيوقفون معي
ابتسمت العمه نوره ورفعت يدينها تدعي له : الله ييسر لك وينور دربك ويسعدك سعاده الدارين
طلعت الجوهره من المطبخ وهو تربط شعرها : ويرزقه الزواجه الصالحه الي تضرب البنات من غيرتها
العمه نوره وقفت وهي تمشي ل المطبخ : سوالف الزواج لاحق عليها
عبدالعزيز بهمس ل الجوهره : تعالي تعالي
جلست الجوهره قدامه: تبيني اعلمك شلون ضربتها؟
ضحك عبدالعزيز بخفه : لا ابي اسالتس هي صدق سوت كل ذا عشاني ؟
الجوهره وهي تهز راسها ب الايجاب ببتسامه : اي صح
عبدالعزيز فز بفرحه : صدززز؟ يعني اروح لها واقول لها عن كل مشاعري ؟ ولا اخذ امي تخطبه ولا اروح اكلم خالي فرحان ؟
الجوهره مسكت راسها : يويلي ويلاههه ي الخفيف اثقل اثقل البنت ماتحب الشخص الخفيف بعدين جرب تروح لخالي فرحان والله غير يتفل بوجهك
عبدالعزيز: ليه وش ناقصني ؟
الجوهره : ناقصتك الوظيفه الي منها بتصرف على زوجتك وبيتك مارح يعطيك وحيدته وانت بدون راتب وبدون وظيفه
تنهد عبدالعزيز وهو يسمح على شعره : هانت هانت
نزلوا العيال والبنات كلهم دفعه وحده
عبدالعزيز ببتسامه : شرايكم بحكم ان الكل اجتمع نطلع البر ؟ نطق الخيام هناك ونغير جو
انتصار : الله ي فاهمنييييي والاجواء تهبل ذي الايام انا معكم تم
والعيال كلهم بنفس الوقت : تم
والبنات ضحكوا ونطقوا : تم
العمه نوره طلعت وهو تشوف عبدالعزيز بوسطهم يلعب مع البنات ويسمع سوالف العيال ويحاول يشوفهم كلهم
ابتسمت بخفه وتجمعت الدموع بعيونها لا شعوريا
عبدالعزيز لف عليها : ها يمه تم او مو تم؟
العمه نوره ببتسامه : تم ليه لا
عبدالعزيز: اجل اجهزوا الخميس الجاي
~~ الخميس ~~
طلعوا عيال ابراهيم وبناته مع الخال فرحان ل البر بعد مارتب عبدالعزيز الخيام والفرش واصوات ضحكات العائله تملي المكان وريحه الطبخ الي مستلمينه العمه نوره وسميه وريحه القهوه وسوالف الخال فرحان الي كان متوسط الجلسه
الجوهره بهمس ل الجادل : شرايتس نقوم نمشي حول الخيام ؟
الجادل بنفس الهمس: يلا
وقاموا من الجلسه يتمشون حول الخيام والعيال نفس الشي ولكن صعدوا فوق جبال الرمل وبدوا يركضون فوق الجبل ويدفون بعض
طلال : جوهرههههه
الجوهره وهي تناظر فيه فوق الجبال : شتبييييييي
طلال: على وين رايحين ؟ اجلسوا عند الحريم
ضربه عبدالعزيز مع كتفه : مالك دخل خلهم ينبسطون
ولف على الجوهره ونطق بصوت عالي : جوهرهههه روحوا بس لاتبعدين حيل
الجوهره : ابشرر
وفعلا بدوا يمشون وهم يضحكون ويتذكرون المواقف القديمه ويركضون ورا بعض ويجلسون شوي ومن سالفه لسالفه ضاعوا بوسط البر ولاحولهم احد والادهى من ذا كله ان المغرب بدا يدخل عليهم
الجادل بخوف : يويليييي جوهرهههه شنسوي؟
الجوهره بنفس التوتر : مدرييي خليني نفترق انتي روحي يمين وانا يسار والي تلاقي الدرب تصوت على الثانيه
الجادل بخوف : صاحيهههه انتييي؟ شلونننن
الجوهره : ماعليتس ذي اسهل طريقه امشي
ناظرت فيها الجادل لثواني ومشت عنها ل جهه اليمين والجوهره لجهه اليسار
وكل وحده بطريقها ميته برد من الهواء البارد الي يضرب على الوجه وشعور الخوف الي يداهمهم كل غربت الشمس
الجوهره بدت تناظر يمين ويسار وضيعت دربها وبدت تمشي يمين ويسار ولاهي لوين رايحه
اما الجادل الي لمحت ضوء الخيام وبدت تصرخ بفرحه : جوهرههههه جوهرههههههه
ماكان فيه اي رد وصوتها كل دقيقه يرتفع اكثر من الدقيقه الي قبلها لين وقف قبالها عبدالعزيز بسياره ناصر ونزل بخوف وهو يسمع بكاء الجادل ويسمع صراخها ب اسم الجوهره : شنوحكك وجوهره ويننن؟
الجادل بدموع : ممدررييي ضعنا بوسط الطريق وهي قالت لي خلينا نفترق والي تلقى الدرب تصوت على الثانيه وماهي موجوده من اليوم اصوت عليها
عبدالعزيز مسك راسه وصرخ بعصبيه : صاحيهههه انتيييي وهيييي ؟ شلونننن تفترقوننن وانتمممم ضايعينننن شلوننننن تنادون بعضضض بوسط البرررر!!!!انتييي بكامل عقلك توافقين على فكرتها ؟؟؟؟
الجادل زادت دموعها : مدرييييي
عبدالعزيز مسك راسه : اركبي خلينا ندورها
الجادل ناظرت فيه بصدمه : اركب معك ؟
عبدالعزيز بصراخ :ايههههه
فزت الجادل بخوف وركبت ب المقعد الخلفي وهو امامها مسك رأسه عبدالعزيز ونطق بهدوء لاجل مايرعب الجادل : جادل ب اي طريق افترقتوا ؟
الجادل بخوف : بطريق فيه جبل
مسح كفوفه بوجهه : البر كله جبال شلون بعرف طريقكم !
ارتفع صوت الجادل وهي تهز راسها وتردد: مدري مدريي
مسك رأسه عبدالعزيز وبدا يقرب ل الخيام الي كانت امام عيونهم تماما
فز الخال فرحان من شاف الجادل نازله من سياره عبدالعزيز ونطق بعصبيه : وششش تسوين معههه
سكتت الجادل وهي تناظر الارض وتشهق من الصياح والخال فرحان من شاف دموعها فهم الموضوع بشكل غلط وقرب لها وهو يمسك يدينها ويصرخ : وشششش صايرررررر !!!!!
دفعه عبدالعزيز بقسوه : لاتفهم غلططط بنتككك والجوهره ضايعينن وانا لقيت الجادل بدربي وانا رايح اشغل كهرب الخيام من قدام الجبال بس الجوهره ضايعه
الخال فرحان ناظر ب الجادل الي منزلها راسها وتبكي ؛ الله يسود وجهك تركتي البنت بوسط الطريقق انقلعيييي من قداميييي
عبدالعزيز بعصبيه : خلاصصصص يكفييي تلومهاااا الجوهرههه هي الي قالت لها تروححح
ناظر فيه الخال فرحان وهو يشوف عصبيه عبدالعزيز الي شوي وينفجر من الصراخ وسكت الخال فرحان بدون اي رد ومشت الجادل ل الخيام وهي تشهق وتفكر ب الجوهره والحريم والرجال كلهم الخوف مسيطر على قلوبهم
~~ عند الجوهره ~~
الي فقدت الامل وهي تشوف ان ماحولها احد لانور و لا سيارات جلست على احدى الجبال وهي تضم رجولها لصدرها ومنزله راسها وتصيح وكانت ترجف من الخوف وهي تسمع اصوات الذيابه والكلاب حولها وبدت تقراء الاذكار وتمسح على يدينها من البرد بحكم ان مامعها جلال او شي يستر جسمها من البرد
حست با انوار السياره الي على راسها وشخص يقول ؛ ي الطيبب
والشخص كان يكرر يناديه ظنه انه ولد بسبب شعره والجوهره لفت عليه بعيون مليانه دموع شاف وجها تحت نور السياره ونطق بخوف : ابن مدرججج انتي انسان ولا جن ؟
الجوهره بدموع : طالبتككك انااا بشنبككك لاتسوي بي شي
الرجال غض نظره عنها : مارح اسوي شي ي بنت الحلال بس اهلتس وينهم بوه ؟
الجوهره زاد صوت صياحها : مدريييي
تنهد الرجال بضيق : اركبي اركبي وانتي بشنبي و وجهي محد لامس منتس شين لا انس ولا جن
ركبت الجوهره خلفه وهي ترجف من الخوف وبدت تناظر ب المخيمات حولها تبي تلمح لو زول احد من اهلها وفعلا لمحت سيارات ناصر والخال فرحان صرخت بفرحه : هذاااا هذااااا
الرجال بستغراب : مخيمكم ؟
الجوهره : ايييي
تقدم لهم الرجال ولفوا نظرهم كلهم على نور السياره الي وقفت قبال عيونهم تماما ونزلت منها الجوهره وهي تركض ل العمه نوره وتشهق من الصياح
العمه نوره وهي تمسح على راسها : بسم الله عليك ي يمه ليكون صار بتس شين ؟
الجوهره كانت ساكته وتبكي على صدرها
عبدالعزيز ل الرجال : حلفت بالله انك تتعشاء معنا
الرجال : يعطيكم العافية والله توي طالع من مخيم وشبعان
الخال فرحان: يابن الحلال ادخل وتستاهل العشاء لانك سترت على عارنا
ناظر عبدالعزيز فيه بحده : اختي ماهي عار
الرجال بتوتر من نظراتهم : خلاص اهدوا بدخل بدخل
وفعلا دخل معهم الرجال وبدوا يتعرفون عليه وتعشاء معهم
ناصر ببتسامه : عاد الله الله ي عقاب لا تقطع الزياره وكثر الله خير اختي الي ضاعت وعرفتني عليك
ابتسم عقاب وهو عند باب سيارته : صدفه بلا ميعاد يلا فمان الله
ناصر : فمان الله
ومشى بسيارته وكملوا جلستهم عيال وبنات ابراهيم واهل الخال فرحان حول النار مع اكواب الشاهي وسوالف الخال فرحان والعمه نوره ونسناس الهواء البارد يهب عليهم والكل مركز على سوالفهم ماعاد الجادل الي مشغوله بمشاعرها ونظرات عبدالعزيز لها
~~ من بكرا الصباح على الساعه ٨~~
دخلوا البيت بعد يوم طويل وممتع وبدوا ينزلون الاغراض من السياره لحوش البيت
جوهره بصوت عالي : عزوززززز تليفون البيت يتصللل
عبدالعزيز نزل الاغراض الي بيدنه وبدا يرتب ثوبه ورفع السماعه ؛ هلا؟
العسكري : ابراهيم الراجي؟
عقد حواجبه عبدالعزيز: لا انا ولده عبدالعزيز الراجي ابوي رحمه الله عليه
العسكري :اكلمك من السجن العام اخوك منصور ابراهيم الراجي تم الاعفاء عنه صدقه ل عيد الاضحى ونبي شخص يجي يوقع الاوراق لجل الخروج
ابتسم عبدالعزيز بفرحه : يلااا ثواني واجي
طلع من المجلس بفرحه وقابلته العمه نوره: على وين ؟
عبدالعزيز حك راسه يحاول يخفي فرحته : بروح مشوار واجي نويصررررر
ناصر : سممم
عبدالعزيز: اعطني مفاتح سيارتك بروح مشوار
رمى عليه ناصر المفتاح وطلع عبدالعزيز ل السجن العام
وماهي الا ثواني الا وهو داخل على مكتب الشرطي وبدا يوقع على اوراق خروجه ولف نظره على الباب من خلص الاوراق وهو يشوف منصور طالع توجه له عبدالعزيز بفرحه ؛ يهلاااااا
منصور بدون نفس وهدوء : هلا
عبدالعزيز ببتسامه : تعال اركب خل امي تكحل عيونها بشوفتك
ركب منصور بدون اي رد وطول الطريق كان عبد العزيز يتكلم مع منصور ولكن بدون اي رد منه وعبدالعزيز ظل ساكت عن خبر وفاه ابوه الي ماعرف عنه منصور
شهقت انتصار بفرحه وصرخت : منصوررررررر
شافته وهو نازل من السياره مع عبدالعزيز
ومنصور طول الوقت كان يجاملهم ولا هو مهتم بدموع امه ولا دموع خواته الي بدوا يبكون من فرحه
منصو بدون اهتمام : ابوي وين ؟
العمه نوره بحزن : ابوك اعطك عمره
سكت منصور وهو يناظر فيهم : متى ؟
ناصر : بعد سجنك ب ثلاث شهور
منصور هز راسه با الايجاب: طيب وزعتوا الورث او لحد الحين ؟
سكتوا الكل وهو يناظرون بعض منصدمين من بروده ولكن نطقت العمه نوره بهدوء : اخوك عبدالعزيز موكلينه ب استلام الورث باقي بس انت توافق عليه وثم يستلم الورث ويقسمه بيننا
منصور ناظر ب عبدالعزيز : انت ي الورع بتاخذ الورث ؟ اعطوني ياها انا اكبر وابخص به وكل شهر اعطيكم مصروف منه
الخال فرحان سحب سميه والجادل ومشى ل المجلس بدون رد
عبدالعزيز مسك على راسه بتعب : منصور الورث مقسم ب الترتيب بيننا وكل واحد بياخذ حقه كامل
منصور بحده: انا قلت كلمتي الكل بيسلمني وكيل عليه
ومشى لغرفته بدون رد
العمه نوره بحده ل البنات والعيال : لحد يسلمه شين كلكم تحت وكاله عبدالعزيز وهو مع الوقت بيلين وبيسلم ورثه
الكل هز راسه با الايجاب وصعدوا غرفهم وهم يحسون بشعور غريب

ان اصبت فهو من فضل الله وان اخطأت فهو من الشيطان ✨🤎