وأنا الهبايب ماتحرك غترتي وعقالي

الهبايب ~٦~

~~ فئ المستشفى ~~
دخلوا الراجي متوجهين ل استقبال المستشفى
وقف العم راجي بيسالهم عن الزياره : سلام عليكم
الدكتور : وعليكم السلام اهلا كيف اقدر اخدمك ؟
العم راجي : ابراهيم الراجي متى نقدر ندخل عليه؟
الدكتور نزل راسه ل الكبيوتر وهو يبحث: اي ابراهيم يمدي تدخلون عليه اليوم غرفه رقم اربعه
العم راجي : يعطيك العافية
توجه العم راجي مع العيال ل الغرفه وكل واحد التفكير مسيطر عليه كيف بيقولون ل العم ابراهيم عن حكم منصور ؟
دخلوا الغرفه وقدامهم العم ابراهيم الي كان مستلقي على السرير ويناظر السقف بحزن وواضح انه غرقان بفكره
العم راجي : سلام عليكم
لف نظره العم ابراهيم وهو يشوف الكل موجود ونطق : وعليكم السلام
توجهوا عياله يسلمون عليه ويقبلون راسه واجتمعوا حول السرير على كراسي المستشفى
العم ابراهيم ل ناصر : ناصر وانا ابوك دور محامي زين لمنصور يمكن انه متهم ظلم مع اني داري ان البرائه بجهه ومنصور بجهه
العم راجي نطق من شاف ناصر متوهق عن الرد : ي ابراهيم اليوم طلع الحكم على منصور بحكم انها قضيه مخدرات واساس منصور معترف بنفسه
فز العم ابراهيم: كم شهر سجن؟
نزل راسه العم راجي : شهر؟ الا سنتين سجن
العم ابراهيم ارتكى على السرير بضيق وهو بكرر : لأحول ولاقوة الا با الله
كان قلبه جدا مؤمن بالله والقضاء والقدر ولكن مايقدر يسيطر على نفسه خصوصنا بعد سماع الخبر كان امله جدا كبير بمنصور
دخل الدكتور بوسط هدوء الغرفه ونطق : السلام عليكم
الكل : وعليكم السلام
الدكتور : الليله ان شاء الله يمدي ل المريض انه يطلع ولكن يحتاج راعيه كبيره ولازم يجي واحد يوقع على اوراق خروجه
قام ناصر : انا بوقع
وفعلا وقع على اورق الخروج وبدا العم ابراهيم يستعد ل الخروج
~~ في الليل ~~
تحديدًا في الطايف
عند الجادل الحزينه الي كانت في السطح تتامل انوار المدينه وضجيج الناس الي فيها وكله كوم والضجيج الي بقلبها وضلوعها كوم ثاني من سمعت ان ابوها وقع عقد قرانه
ركت يدينها على جدار السطح وتتامل القمر بين الغيوم وهي تفكر ان ابوها خلاص بيصير عنده عيال وبنات يلعب معهم ويضحك معهم ويشتري لها كل الي خاطرهم فيه والجادل ؟
الجادل الي انحرمت من حنان وحب الاب ولكن دايم تردد: الحمدالله على نعمه امي موضي الي معوضتني عن كل شي
فزت من انضرب كتفها من الجازي : علامتس
الجادل بكذب : ولاشي ليه السوال؟
الجازي : ابد والله اشوفك بعالم ثانيييي المهم امشي البنات مشغلين المسجل ونرقص تعالي
مشت الجادل واول مادخلت غرفه البنات بدوا يصفقون وهم يصرخون ب اسم الجادل بمعنى ارقصي
ضحكت الجادل بخفه وبدت ترقص تحت تصفيق البنات
~~ عند الخال فرحان ~~
الي اخذ زوجته سميه ل عنيزه بعد ماسمع الخبر من عبدالعزيز
وزوجته كانت ساكته طول الطريق وهي تدعي على حظها ونفسها بحكم انها صغيره حيل بدايه العشرين وفرحان كبر ابوها وانجبرت عليه بسبب عادات وتقاليد اهلها وبسبب ان فرحان قريب حيل ل اخوها وابوها طول الطريق كانت تبكي بصمت ومقهوره على حظها
لين ماشافت انوار عنيزه امام نظر عيونها بدت تمسح الدموع وتشرب الماء لاجل تهدى وتستقبل اهل ابراهيم
وفعلا ماهي الا دقايق وهم عند بيت العم ابراهيم واستقبلهم عبدالعزيز الي عقد حواجبه بستغراب من شاف الحرمه الي معه قصيره ولاهي ام العمه موضي و لحظه ؟ الجادل وين ؟ ليه ماهي موجوده
عبدالعزيز الي اتصل على الخال فرحان لاجل يشوف الجادل بس ماهي موجوده لا هي ولا العمه موضي
مشى وهو يسلم على الخال فرحان بستغراب
الخال فرحان : من موجود بقسم الرجال ؟
عبدالعزيز: بوه عمامي كلهم مع ابوي
الخال فرحان : طيب انا بدخل عند باب الحريم بكلم الجوهره
عبدالعزيز هز راسه با الايجاب
ومشى الخال فرحان ل باب الحريم وخلفه سميه
جت الجوهره ببتسامه على صوت الخال فرحان وكانت تحسب ان الجادل معه : يهلا والله خالي
الخال فرحان ببتسامه : هلابك ي بنتي
عقدت حواجبها الجوهره بستغراب وهي تشوف الحرمه ورا الخال فرحان ولكن سكتت بدون رد
الخال فرحان لف على سميه : هذي زوجي سميه دخليها على الحريم
تجمدت الجوهره بمكانها وهي مو قادر تتقبل حرمه ثانيه مع الخال فرحان غير العمه موضي
الخال فرحان : جوهرهههه وين رحتييي اتكلم معتس انا ؟
فزت الجوهره من وعت على نفسها : هلا ؟ اي حياك حياك
مشت سميه معها بدون رد
ودخلت الجوهره على حوش الحريم الي كانوا مجتمعين فيه حريم الراجي وهو يواسون العمه نوره
الجوهره : يمه
رفعت راسها العمه نوره بستغراب وهي تشوف الحرمه : هلا ؟
الجوهره : هذي زوجه خالي فرحان سميه
فزت العمه نوره: زوجتهه ؟
فكت النقاب سميه ونطقت ببتسامه : اي زوجته الثانيه
ومشت تسلم عليهم وهم تحت وضع الصدمه بدون اي رد او اي صوت
~~ عند الرجال ~~
جلس الخال فرحان بعد ماسلم الرجال وهو ياخذ قهوه من تركي
وقباله تماما كإن عبدالعزيز الي جلس بصدمه وهو يفكر بشكل الحرمه ويقارنها مع الخاله موضي والجادل ولكن مافيه اي شبه الجادل وموضي طوال وهذي قصيره
جلس يفكر وقلبه ناغزه بخوف لين مانطق الخال فرحان بوسط المجلس : والله انا تزوجت الثانيه لعل وعسى الله يرزقني ب عيال يشيلون اسمي ويرفعون راسي
الرجال بدوا يباركون له ويدعون له ب الذريه الصالحه والعيال
ابتسم الخال فرحان وهو متجاهل نظرات عبدالعزيز : الله يبارك فيكم
العم راجي : وام الجادل وش صار عليه ؟
صد الخال فرحان بكره : راحت الله يعوضه بدال البنت الي عندها
نزل راسه العم راجي بضيق وهو يتمنى لو عنده بنت تنور البيت عليه ولكن سكت بدون اي رد وهو عارف تفكير الخال فرحان