وأنا الهبايب ماتحرك غترتي وعقالي

الهبايب~٢٤~

لفت الجوري عـلـى شيخه الي تنادي : جوريييي لياننن تعالوا فطورا
الجوري بنفس النبره : يلااا جينااا
ومسكت يد ليان ومشت شيخه ل المطبخ وهي تشوف امها مريم الي نطقت : ابوتس وينهي بوه ماهو جاي؟
شيخه : مدري قلت لشهد تكلمه
شهد هزت راسها بـ الايجاب: ايه كلمته بس يقول انه نازل القصيم مارح يجي
هزت راسها مريم بـ الايجاب ونطقت : يلا خلونا نطلع نفطر
طلعوا من المطبخ ل الفرشه الخارجيه وهم يفطرون بعد مارتبوا كل شي وقسموا الفطور مابين قسم الحريم ومابين قسم الرجال وماهي الا دقـايق من انتهوا بدا الترتيب لـ العوده ومابين الفوضى والترتيب نطقت انتصار: مريممم تراتس بتروحين معي
مريم : اي ماعليتس اصلا ابونا بـ القصيم
هزت راسها انتصار بـ الايجاب وركبوا سياراتهم وبدوا يمشون دفعه وحده متوجهين لبيوتهم الي جنب بعض وراكان ورا سياره طلال يمشي لين ماوصلوا البيوت بعد طريق طويللل بحكم ان المخيم بعيد عن عنيزه ولكن لمن وقفت سياره مشعل قدام بيت مريم كانت سياره عبدالعزيز واقفه قدام الباب وعبدالعزيز بداخلها نزلت مريم بـستغراب وهي تناظر بـ عبدالعزيز نـطقت من فتح الشباك: اهلين عزوز
عبدالعزيز نزل من السياره : ابيتس بموضوع
مريم هزت راسها بـ الايجاب : حياك الله
وفتحت الباب ودخلت المجلس مع عيالها وبناتها وجلس عبدالعزيز قبالها وهو خايف يفتح الموضوع ولكن نطق والهم ياكل قلبه:الحمدالله على قضاء الله وقدره واللهم لا اعتراض على قدر الله
الكل فز بخوف ونطقت مريم ؛ بسم الله عزوز شصاير؟؟؟؟
نزل راسه عبدالعزيز ونطق ؛ مرزوق اعطاكم عمره
شهق الكل وفزت شيخه والغصه بمحجرتها:وششش ؟؟؟
وقفت مريم وهي تهز راسها بـ النفي : لا لا مستحيل مرزوق مايتركني لحالي
وقفت ابراهيم وهو يمسك مريم وشيخه : يمه تعوذي من بليس
شهد ضلت ساكته وهي تسمع صوت بكائهم وصراخهم اعتلى بكل البيت وابراهيم ماسك شيخه وعبدالعزيز مسك مريم كانت مصدومه وهي تناظر بـ المنظر وتتذكر لحظات نطق عبدالعزيز ل الخبر وقفت بصدمه ومشت لغرفتها وهي تبلع غصتها ولازالت تتكر براسها الموقف وصراخ اهلها الي ماهدى
—-
طلعت من الغرفه بعد بكاء طويل وهي لابسه عبايتها السوداء وتشوف خلاتها والحريم مجتمعين بـ صاله بيتهم واللون الاسود يعم المكان والكل حول مريم وشيخه تنهدت بضيق وبلعت ريقها ونزلت لهم والهم ياكل قلبها اكل
~ بعد خمس ايام ~
جـلسوا كل الرجال حوالين مريم بـصاله بيتهم ونطقت مريم بحزن:والله البيت كله ذكريات معه تكسر القلب ماقدر اتحمل اشوف ظله بكل زاويه بطلع من هابيت
تنهد الكل بضيق ونطق اياد ؛ طيب روحي بيت امي لين ماتتيسر امورك
تنهدت مريم وهي منزله راسها وكمل اياد: ومنها مره وحده تكونين جنب امي
مريم رفعت راسها : تمام بنتظر لين ماتتيسر الامور وتصرف لي الدوله فلوس الأرملة
اياد : الله ييسرها ي رب
قامت مريم لاجل تبلغ بناتها يجهزون امورهم ل النقل وهم حاسين بشعور غريب البيت الي عاشو فيه مع ام مرزوق وتوفت فيه وكبروا فيه مع ابوها والان توفى البيت مليان مابين ذكريات حلوه ولمة اهل ومايين ذكريات شوق والم ل اصحاب المكان
ومن بكرا بدوا يشيلون الاغراض يوم بعد يوم لين ماستقرت مريم مع بناتها و ولدها بـ احدى الشقق وكل يوم وهي تجلس قبال امها لين مادخل عبدالعزيز وبيده كيس : سلام عليكم
مريم : وعليكم السلام يهلا
عبدالعزيز: شلونك عساك بخير؟
مريم : الحمدالله ي احسن من قبل
عبدالعزيز من شاف الفطور كامل : امي كلت؟
مريم هزت راسها بـ النفي: لا والله من اليوم وانا احاول بها بس بدون فايده
ابتسم عبدالعزيز وهو ينزل راسه ل الكيس الي بيده ويطلع فول ؛ انا اعرف امي وش تبي تاكل
لفت عليه الـعـمه نـوره بـبتسامه : وينك تاخرت علي ؟
عبدالعزيز تـقـدم لها وبدا يقطع الخبز وهو يتكلم معها : والله يمه رحت بيت عمي راجي اخذ منه فلوسك وغير كذا تعرفين الطريق زحمه والفوال زحمه بس تدرين لمن قلت لهم انا ولد نوره الكل ابعد عن طريقي
ضحكت العمه نوره بخفه على كلامه ومد عبدالعزيز الخبزه يوكلها ويسولف معها وكل هذا تحت انظار مريم الي كانت تناظر بهم وهي ساكته وتتامل حنيه عبدالعزيز مع العمه نوره تنهدت بدون رد وظلت تتامل بهم وبـ ابتسامه امها وضحكتها الي ما شافتها من يوم ماطاحت على السرير ذي اول مره تشوفها مع عبدالعزيز
~ بيت منصور ~
وقف امام الباب وهو يعدل شماغه ونطق : تامروني بشي!
بشاير هزت راسها بـ النفي :سلامتك وترا اختي بتجي عندنا اليوم
منصور بـبتسامه : الله يسلمك ابد خوذي راحتك
وطلع من البيت متوجه لسيارته وبشاير مشت ترتب الصاله لاجل تستقبل اختها وفعلا ماهي الا دقـايق وطق الباب ودخلت اختها نوف واستقبالتها بشاير بـبتسامه ورحابه صدر ودخلتها ل الصاله ونطقت نوف بـبتسامه : مبروك الحمل ي خيتيييي
بشاير بضحكه سخريه : وليه تظنين اني حامل ؟
نوف بـستغراب: انتي قلتي لي
لفت عليها بشاير وهي تمد لها الفناجل ؛ لاني حامل ولاهم يحزنون
شهقت نوف : بشايررر تكلمي زين
بشاير بخبث : هذاني اتكلم زين كل موضوع الحمل وصور السونار كذب بكذب لاجل اخذ القصر واخذ العز والخير من منصور يالله من فضلك
فزت نوف مـن مكانها بعصبيه ؛ بشايررر اصحي على عقلك واحترمي العشره الي بينكم لاتغرك الفلوس والدنيا وملذاتها تراها فانيههه
قامت بشاير من مكانها ؛ نوففف اهجدي وانا ماسويت كذا علشان الفلوس سويت كذا لاني ما اطيق منصور خير شر وبناتي اكبر غلطه بحياتي هم وابوهم وصبرت السنين ذي كلها لاجل البنات ولا وش الي يخليني اعيش مع تاجر مخدرات
مسكت راسها نوف من كلام اختها ونطقت : صاحيههه انتييي؟ الولد تايبببب له سنيننن وتاب لاجلكك
بشاير بنفس النبره : صحيح انه تاب بس الله اعلم وش وراه ذي الايام والشخص المدمن مايقدر يترك ادمانه
مسكت راسها نوف واخذت شنطتها ؛ لا انتي جايتس شين اليوم بس هين ي بشاير والله لا ارد لك عقلك ومنصور ان ماعرف منك بيعرف مني واليوم قبل بكرا
وطلعت من عندها وتركت بشاير بخوفها ترجف وهي تفكر اذ احد سمع الكلام او لا خايفه تقابل منصور ولاتعرف ان بناتها سمعوا الكلام ومشت لغرفه البنات تتاكد انهم نايمن وثم مشت لغرفتها وهي ترتب شنطتها بخوف وتاخذ صك البيت وطلعت ولاهي عارفه وين تروح او لمين تلجى مافكرت بـ العواقب ولافكرت بـ احد سوى نفسها والفلوس
~~~~~~~~~
دخل البيت وهو يركض بخوف وينادي بصراخ : بشايرررررررررر
فزت ريما من المطبخ وهي تطلع له ابوها الي كان واقف بوسط الصاله وشاد قبضه يدينه ويصرخ بـ علو صوته تـقدمت له ونطقت:هلا يبه علامك؟؟؟
منصور بحده وعصبيه : وينهي بوه امتسسس!!!
ريما ؛ مدري ماهي موجوده يمكن بغرفتها نايـ
ماكملت كلامها من مشت من قدامها منصور متوجه ل الغرفه وفك الباب بقوه وهي يشوف انوار الشمس على جميع الغرفه وكل شي مرتب مكانه ماعاد درج الملابس كان مفتوح وملابس بشاير طايحه على الارض مشى له منصور بشكل سريع وهو يشوفه فارغ والباقي على الارض ولف نظره على الدرج الي حول السرير مفتوح وجواز منصور موجود فقط اما جواز بشاير ماكان له اثر لا الجواز ولا الهويه الوطنيه
ضرب رجله على السرير بقهر ونطق: واطيههه
وجلس على السرير وهو يفك شماغه بقهر يضرب راسه ندمان شلون سلم ل بشاير كل شي و وثق فيها من جد وجديد ماكانه طاح بـفـخ وشر بشـاير مرتين جلس يسال نفسه : انا شلون وثقت بها سلمتها كل شي بنت الحرام الله ياخذك ي ذا القلبب
وقف بعصبيه وهو يضرب الطاوله الي امامه ويصرخ:شلونننن!!!!
فتحت الباب ريما وهي تناظر وضع ابوها والحوسه حوله وشماغه طايح على الارض ومنصور جالس بوسط الغرفه وبوسط الحوسه تـقدمت له بخوف:يبه فيك شي؟
رفـع راسه منصور وهو يناظر بها : اطلعي برا
ريما بعدم اهتمام لكلامه: امي شفيها؟
منصور بحده : اختس وينها بوه؟
ريما : نايمه بـغرفتها
وقف ومسك شماغه ونطق : انتبهي لنفسك ولختك بروح انا مشوار صغير
ومشى من عندها وهو يرفع جواله على صاحبه مفلح:سلام عليكم
مفلح ؛ هلا والله وعليكم السلام
منصور وهو يركب سيارته ولازال على الاتصال: مفلححح شف اسم بشاير عندكم بـ الجوازات قفل كل الرحالات سريعععع
فز مفلح ل الكمبيوتر: سم سم
وقفل منه منصور متوجه ل المطار والشر يطلع من عيونه ويتوعد بـ بشاير
...
وقفت قدام الشباك والتوتر يملاها وهي تناظر بـ حوش البيت وتنتظر دخول سياره ابوها ونطقت بتوتر: ديمه تتوقعين وش صاير !
ديمه بعدم اهتمام وهي تعلب بجوالها : يشيخه تلاقينه موضوع سخيف
لفت عليها ريما : صاحيه انتي ؟ ماسمعتي صراخ ابوي وطلع من البيت معصب وكل ذا صار الصباح والحين بيدخل وقت المغرب ولا بان لهم زول لا هو ولا امي
مسكت راسها ديمه : ي ربي ي كثر هرجك
فزت ريما وهي تركض ل الباب من شافت سياره ابوها تدخل ل الحوش ونزل بعصبيه ومشى لباب بشاير الي فتحته قبل لايقرب لها وصرخت : ابعددددد
منصور بعصبيه : شغاله انتي ؟ تنحاشين ونركض وراك نجيبك !!! بشاير انتي وش ضرب راسك على اخر عمرككك؟؟؟
بشاير بعصبيه قربت له : العيشه معككك هي الي خلتني مجنونه ايههه انجنيتتت من يعيش معك ويتحمل الحياه ذي
طلعت ريما وهي تبلع ريقها بتوتر وخـلفها ديمه وهم يناظرون بـ امهم الي صرخت : مالككك حق ترفع صوتك بوسط بيتي
ضحك منصور بسخريه: صار بيتك !!
بشاير : اي بيتي وان ما احترمت نفسك بطلع اصرخ بوسط الحي وعاد انت ادرى بمكان الشرطه بوسط حينا
مـنصور بلع ريقه وهو يتذكر امكان الشرطه وانهم بوسط حيهم ونطق:تارككك لك البيت انا وبناتي ماحنا ناقصين نعيش مع مجنونه
ضحكت بشاير بعلو صوتها ولفت على بناتها ؛ تبون ابوكم؟ رحوا مع تاجر المخدرات خلوه يعيشكم عيشه حرام
منصور تصنم ودف بشاير على السياره بغضب : ثمني كلامككك وبعدين الله ي الدنيا ي بشايررر صرتي تعايريني بعد السنين ذي ؟
دفعت بشاير بكل غصب وصرخت ل بناتها؛ يلاااا رحوااا مع ابوكم
ريما بدت تبكي ونزلت دموعها من المنظر وصراخهم امام عيونها عكس ديمه الي كانت واقفه وكانها جبل ولا اهتمت لصراخهم وماضي ابوها ولكن نطقت بهدوء: انا مارح اروح عن امي ل اي مكان
ولف منصور بحده على ريما الي كانت تبكي : ريما !
ريما شهقت من نـبره صوت ابوها وركضت بحضن امها وظلت تبكي وهي شاده على عبايه امها وبشاير تنهدت بضيق من حضن ريما ومنصور وقـف يناظر بهم بدون اي رد ومشى من عندهم لبرا البيت وهو يحس بقهر وضيق ويضرب الدركسون ونطق: ليههه بشايررر ليههه بشاير ماتستحق تكون امممم انا اولى بـ بناتي انا اولىى
مع كل كلمه كان يرتفع صوته ويلوم بشاير وكان جاهل وناسي افعاله السابقه مع امه وابوه << الولد العاق>> مات ابوه بسببه وامه الي ماسلمت من شره وضربه ليل ونهار ولا اخوانه وخواته الي كانه شيطان رجيم بينهم! كان جاهل الماضي واغلطه ولاحس ان الـدنيا جالس تدور عليه ويفقد اعز ناس عنده << ريما وديمه >>
وقف قدام بيت امه وهو تعبان وهموم الدنيا كلها على صدره نزل وهو يسحب خطواته بضيق دخل البيت الهادي على وقت غروب الشمس والانوار خفيف بوسط الحوش الكبير دخل لغرفه امه وهو يشوفها تناظر بـ السقف وتتكلم مع حالها قرب لها ونطق : سلام يمه
لفت عليه الـعـمه نـوره ونـطقت بـهـدوء: وعليكم السلام
دخلت مريم ؛ ماشاءالله منصور ؟ غريبه
جلس منصور على الكرسي وهو يحرك عصاه ونطق: وش الغريب ؟
مريم هزت كتوفها : مدري توقعتك مارح تجي الا يوم الجمعه
تنهد منصور بضيق ونطق : ماعليك مني كيف امورك ماشيه تمام؟
هزت راسها مريم بـ الايجاب وهي تمد له الفنجال ؛ الحمدالله
رفـع راسه منصور وهو حاس بانه ماهو قادر يتنهد زياده من قو الهم الي بصدره لين لاحظت عليه مريم ؛ علامك ؟
ناظر بها منصور بضعف : بطلق حرمتي
شهقت مريم : وش ؟ والجنين !
مـنصور انفجر بضيقه : كذابههه ي مريم كذبت علي وسرقتنييي
مسكت راسها مريم بعدم فهم: منصور شتقول انت!
منصور استند على الكرسي وهي يفك ازرار ثوبه بضيق ونطق ؛ماء ماء
فـزت مريم تجيب له كوب ماء وهي تشربه وتغسل وجهه والضيق كان واضح على ملامح منصور وحس بانه ماهو قادر يتكلم او يوصف شعوره بدا يحس بدوخه وهو مايسمع غير مريم تردد<منصور منصور > شهق بقوه وفز مكانه وهو يمسح على جبينه الي سيطر عليه العرق من قو الشعور وبدا يردد :اعوذ بالله اعوذ بالله
مريم مدت يديها لكتفه ونـطقت بـهـدوء :منصور تكلم معي
ناظر بها منصور وهو يحس بحنيه الارض من صوت مريم وبدا يتكلم معها بنبره مخنوقه ومريم كانت تسمع له لين شهقت : حسبي الله على العدو لاحول ولاقوة الا با الله كيف طاوعها قلبها ! عشره واحد وعشرين سنه ماهو شين سهلللل
رفـع راسه منصور : مارح تصدقين ي مريم لاجل مين باعتني !
مريم ناظرت بذهول من نطق منصور : اختها نوف قالت انها باعتني لاجل رجال
شهقت مريم : يويلييييي ويلاهههه ومنهو ذا الرجال !!!
منصور نزل راسه بخنقه: مدري ي بشاير مادري بس اختها قالت كل ذا الكلام وبنفس الوقت الي رحت لها بـ المطار كان فيه رجال غريب بـ استقبالها واول مامسكوه رجال الامن انكر علاقته بـ بشاير
مسكت راسها بشاير وماهي مصدقه ان ذي افعال حرمه كبيره: يويلي حسبي الله ونعم والوكيل بها كيف نست حالها ونست بناتها لاجل واحد ي ربي كيف طاوعها قلبها ! ذا قلب ام ذا
سكت منصور بدون اي رد وهو يسمع دعاوي مريم الي ماوقفت ونظرات العمه نوره الي كانت تناظر بهم بدون فهم لوضعهم ونطقت مريم وهي تطبطب على كتوفه : رح ارتاح ونام وباكر من اصبح افلح
منصور بهدوء: جيبي فراش بنام عند امي
هزت راسها مريم بـ الايجاب وبدت ارنب غرفه امها وتحط فراش منصور على الارض جنب سرير امها وطلعت لشقتها مع بناتها و ولدها ابراهيم وهي مصدومه من بشاير

ان اصبت فهو من فضل الله وان اخطأت فهو من الشيطان ✨🤎 انستا الكاتبه 27ixi1i