وأنا الهبايب ماتحرك غترتي وعقالي

الهبايب ~١٦~

~~ بيت العم ابراهيم ~~
جلست الجادل على عتبه الباب وقدامها راكان يلعب مع بنات ناصر بدت تفكر وهي تناظر فيهم تفكر بـ اللحظه الي صرخت بها العمه نوره كيف الكل فز لهِ من اكبر عيالها لين اصغرهم والكل مشى بصف واحد ل المستشفى عكس امها الي طاحت وصرخت لوحدها ولازلت وحدها ماتعرف وش وضع امها حاليا وش صار بها كانت تشوف عزوه الراجي لبعضهم وجلستهم وقلوبهم مع بعض عكس حياتها الي من تزوجت ماشافت ابوها الا مره وحده لحظه ولدتها بـ راكان اما باقي الايام ؟ كان يجي بيت العم ابراهيم لاجل العمه نوره مايسال عن الجادل وحالها
تنهدت بضيق وهي تفكر تكلم عبدالعزيز بموضوع الطايف وامهِ
لفت على نجلاء الي جالسه خلفها : نجلاء
نجلاء لفت عليها : سمي ؟
الجادل بخوف : تتوقعين عمتي بها شين؟
تنهدت نجلاء بضيق وهي تشوف خوف الجادل عـ العمه نوره وقربت لها : آن شاء الله انها بخير
تغطوا الحريم من دخول العيال المفاجىء والبنات يبكون وراهم وكل وحده سانده الثانيه فزت الجادل بخوف ل الجوهره ونجلاء مسكت باقي البنات وهم يحاولون يفهمون السالفه ولكن مع الاسف ماكان فيه منهم اي رد غير الدموع
جلست الجادل مع البنات ومعها نجلاء لين ما الكل نام وصعدت الجادل الشقه وبقت نجلاء معهم لان ناصر مع العيال بغرفتهم
دخلت الشقه وهي شايله راكان النايم معها وحطته على السرير وثم مشت لغرفتها هي وعبدالعزيز وشافت الصمت يعم المكان وعبدالعزيز جالس على طرف السرير من جهه اليسار ومعطي ظهره ل الباب
تنهدت الجادل بضيق وجلست قريب له : خالتي بها شين؟
عبدالعزيز والضيق باين بصوته : امي صارت مقعده على كرسي
فزت الجادل بخوف وهي حاسه بـ الشعور نفس الي مرت فيه مع امها مرت فيه مع العمه نوره العمه نوره آلي اعتبرتها وحده من بناتها
وقفت بعيد عن عبدالعزيز ونطقت : الاصابه قويه؟
عبدالعزيز وهو منزل راسه : مدري ي جادل مدري ناصر ما اعطاني العلم كله
تنهدت بضيق الجادل ونزلت راسها والدموع تجمعت على الاهداب ونطقت بنبره حزينه : تعب الام اكثر شي يكسر الظهر
رفع راسه عبدالعزيز لها بعيون ذبلانه من الحزن ونطق :‏قرّبي لي لين احس انتس بروحي ‏إلمسيني! يوقف النزف بجروحي ‏كل جرح بـ لمسة ايدينتس طهور
قربت له الجادل وهي تحاول توقف دموعها لاجل تساند عبدالعزيز
~~ من بكرا الصباح ~~
صحى عبدالعزيز وجلس على سفره الفطور وقدامه المطبخ عند الجادل الي كانت تغسل المواعين وراكان طلع من الغرفه يركض ويردد : بابااا
ابتسم عبدالعزيز بخفه : هلا ي عين ابوك انت افطرت ؟
طلعت الجادل من المطبخ: لا ما افطر من اليوم وانا احاول فيه يقول لي بروح العب مع ليان
سحبه عبدالعزيز لحضنه ونطق : لا لا بيفطر مع بابا وبعدين ننزل انا وياك ل عمي ناصر وليان زين ي بابا؟
راكان بزعل : لااااا ابي لياننن
عبدالعزيز اخذ زيتون ونطق : طيارههه طيارههه
فتح فمه راكان ببتسامه وبدا ياكل ولف عبدالعزيز على الجادل : تعالي افطري علشان الي ببطنك
الجادل مشت لهم وهي ماسكه بطنها وبدت تفطر معهم وثم نطق عبدالعزيز: بننزل انا و راكان تجين؟
هزت راسها الجادل بـ الايجاب : بنزل بعدكم
وقف عبدالعزيز وهو ماسك يد راكان ونازلين لبيت العم ابراهيم وشاف عبدالعزيز اخوانه وخواته كلهم مجتمعين بـ الحوش ركض راكان ل بنات ناصر ومشى عبدالعزيز لهم وهو يشوف ابتسامتهم وضحكتهم ولاكانهم الا امس لف عليه ناصر ببتسامه : عزوزززز ماسمعت وش صار؟
عبدالعزيز بستغراب: وش صار؟
ناصر : الحمدالله امي اصابتها خفيفه ويمدي تمشي على العلاج الطبيعي وانا كلمت مركز مختصر ل العلاج وكل جمعه يجون ل امي
ابتسم عبدالعزيز بفرحه : الحمدالله ي رب
الجوهره كانت تناظر فيهم وهي تحس بالم شدت على عبايتها وصرخت بالم وبدت تتنفس بشكل سريع الكل اجتمع عليها وصرخت :بولدد
اخذها عبدالعزيز بسيارته ومعه ناصر متوجهين ل المستشفى وطول الطريق كانت الجوهره تصرخ وتتالم
عبدالعزيز ل ناصر: دق على عقاب خله يجي المستشفى
ناصر رفع جواله وهو يسد اذنه الثانيه من صراخ الجوهره : عقاببب
عقاب بستغراب من الصراخ : هلاا ناصر؟؟
ناصر :زوجتك بتولد تعال المستشفى
عقاب بعدم فهم : هااا؟ شتقول ؟
ناصر بصوت عالي : زوجتكككككك بتولدددددد
فز عقاب من مكانه ونطق : جاي لكم جاي
قفل من ناصر وطلع لسيارته
~~ قسم العمه نوره ~~
دخلوا العيال والبنات ل القسم ومعهم نجلاء
هيا لنجلاء: وين الجادل ليه ماجت ؟
نجلاء: تقول بطنها يوجعه وغير كذا بتجلس مع البزران
هزت راسها هياء بـ الايجاب ودخلوا الغرفه سوا والمره هذي كانت العمه نوره بنتظراهم ببتسامه عرضيه وتناظر فيهم
تقدمت لها هياء والدموع بعيونها : سلام يمه
العمه نوره ببتسامه:هلا هيونه علامك تبكين ؟ الحمدالله والشكر فتره وتعدي وبرجع امشي واركض وراكم
تركي بستغراب : عرفتي ي يمه؟
العمه نوره هزت راسها با الايجاب: اي نويصر جاء اليوم وقال لي كل شي
سكتت لثواني وهي تناظر الكل موجود ونطقت : وين احفادي ؟
انتصار بضحكه : الحين يمه سحبتي على نويصر وعزوز والجوهره وسالتي عن احفادك ؟
ضحكت العمه نوره بخفه: عيالي شبعت منهم بشوف احفادي
ابتسم اياد: المستشفى كله امراض وعدوه وخفنا نجيبهم ويصير لهم شي بكرا ان شاء الله يجون لك
طلعت انتصار من قدامهم والكل كان يسولف مع العمه نوره لمده دقايق طويلهه لين مادخلت انتصار ونطقت : يمه بوه ضيف بيجي لك
عقدت حواجبها العمه نوره بستغراب ولكن نطقت : حياه الله
كل العيال والبنات اجتمعوا على يمين السرير وانتصار وقفت بـ النص ودخل البكر وخلفه زوجته الكل لف بذهول من دخل منصور وشكله كان متغير تماما والعمه نوره الي كانت تناظر فيه وعيونها مليانه دموع كانت تتامل بشكل منصور الي كبر حيلل وتغير شكله
تقدم لهِ منصور وطاح عند رجولها يبكي بشوق وحرقه العمه نوره سكتت وهي تناظر فيه وقلبها متقطع على وضع منصور الي رفع راسه وبدا يتكلم ويوجهه كلامه ل العمه نوره: يمهه يشهد علي ربي اني متندم والندم مالين من راسي لي ساسي عذبتك معي ب المخدرات والسجن وبـ الضرب بس ظنك اني مرتاح بعد ماتركت البيت ؟ لا والله اني ماني مرتاح ي يمه طول الخمس سنين الي راحت وانا وبشاير من مستشفى لمستشفى ومن علاج ل علاج كله لاجل بشاير تجيب لنا لو ولد واحد بس واحد مانبي اكثر بس مع الاسف مافيه فايده
ورجع يمسك رجول امه وهو ينطق: سامحيني يمهه خليني ارتاح من العذاب الي انا فيه الي قاعد امر فيه الحين عقوبه ربي لي انا ما استاهل اكون لا اب ولا اخ ولا ابن
العمه نوره بدموع : شتقول ي يمه ؟ تعوذ من بليس وارفع راسك وانا راضيه عنك قسم بالله اني راضيه طالبتك مابي اشوف دموعك وعيونك
تنهدت بشاير بملل وهي تناظر وضعهم وضلت واقفه بدون اي كلمه الكل كان مستغرب من هدوء بشاير ومن منصور الي قام من عند اقدام امه وجلس جنبها من اليسار وبدت العمه نوره تمسح على دقنه وعلى شعره بهدوء والدموع تملاى عيونها
دخل عبدالعزيز ببتسامه ونطق : يمه الجـ
ماكمل كلامه من شاف منصور جنب امه وماسك يدها
تصنم عبدالعزيز بمكانه لفتره وثم نطق : منصور؟
منصور قام من مكانه وقام يسلم عليه ونطق : يهلا ب ابو راكان
عبدالعزيز وقفت متجمد بدون اي رد وهو يناظر بـ الوضع الي قدامه ومصدوم حيلل من وجود منصور ماتوقع انه بيرجع ويشوفه مره ثانيه
ونطقت العمه نوره ببتسامه:شفيها الجوهره ؟
عبدالعزيز بصدمه : ولدت جابت ولد
ابتسمت العمه نوره ببتسامه والكل ظل ساكت ومصدوم نفسهم نفس وضع عبدالعزيز ماعاد انتصار الي فرحت مع امها
~ الليل الساعه ١٠~
جلس ناصر مع منصور عند دكه الباب
ناصر بستغراب : شلون عرفت عن وضع امي ؟
منصور ناظر فيه : انتصار كانت تتواصل معي بين فتره والثانيه
تنهد ناصر وعدل جلسته وصار قبال وجهه منصور ونطق : بفهم شي واحد بس انت وش كنت تفكر فيه لمن طلعت برا البيت ؟اصلا شلون تغرب نفسك وانت لك عزوه وسند
منصور تنهد بضيق : كل زاويه ب البيت ذا تذكرني بسوء افعالي ي ناصر طلعت ابي ارتاح وغير كذا واضح ان عزوز لحد الحين شايل بقلبه علي
نطق ناصر بحده:مابي اسمع الكلام ذا منك ثاني مره بتجلس بيننا نفسك نفس الباقين وعزوز ترا قلبه لين وحبوب انت بس اعطه وقت والموضوع بيتحسن
تنهد منصور بقله حيله ونطق : آن شاء الله
وقف من مكانه: تبي شي ؟
هز راسه ناصر بـ النفي :سلامتك
مشى منصور ل المجلس الخلفي الي كان فيه فراش له ول بشاير دخل وهو يشوف بشاير تجدل شعرها تنهد بقله حيله وانسدح على فراشه
لفت عليه بشاير ونطقت بسخريه: طلعت ممثل شاطر
منصور كان مستلقي على فراشه ويناظر السقف : متندم حيللل
فزت بشاير:متندم على وش ؟
منصور ؛ اني كذبت على امي
بشاير ؛ ماكذبت بشي حنا صدق ما جانا عيال ولا بنات
منصور ناظر بها : مو موضوع الحمل ي بشاير انا كذبت بمشاعري
بشاير بخبث : حبيبي منصوري انت ماكذبت بشي انت سويت شي لاجل مصلحتك ومصلحة اخوانك وخواتك لاجل تاخذ حقك وحق اخوانك من البزر عزوز وزجته الجادل الي بياكلون حلال عمتي اكل
منصور تنهد وهو يسمح على شنبه : وانا وش مصبرني ومسكتني غير حقي وحق اخواني ؟
صدت عنه بشاير ببتسامه خبيثه ونطق بينها وبين نفسها : اي خذ حقك وبعدها ابشر اوقف حبوب الحمل واجيب لك بزر اسكتك بوه وبعدها خير ان شاء الله
~~ من بكرا العصر ~~
دخل عبدالعزيز وهو يدف الكرسي المتحرك الي بوسطه العمه نوره وقف الكل ببتسامه بحوش البيت وهم يستقبلون العمه نوره
ركض راكان من بينهم وهو يصرخ : جدتيييي
العمه نوره فتحت ذراعها له ببتسامه :هلا ي عين جدتك انت
رفعته لحضنها وهي تبوسه وتقدمت لين بغيره : وانا ؟؟؟
راكان : لا انتي لا بس انا وليان
ولف ل ليان : تعاليي
العمه نوره بضحكه : كلكم تعالوا
رفعتهم الثلاث بحضنها ونطق عبدالعزيز: يمه رجولتس اخاف يتعبونك
العمه نوره: خلهم يتعبوني راضيه
ابتسم الكل من وقف عبدالعزيز العربيه قدام الفرشه الي مجتمعين بها البنات والعيال وزوجاتهم وهم متغطين
العمه نوره: الا صح الجوهره وينهي بوه ؟ مو اليوم تطلع من المستشفى ؟
انتصار هزت راسها بالايجاب: اي بس تقول بتجلس ب بيتها
جلس عبدالعزيز قدام امه ونطق ببتسامه : تدرين يمه انها سمت ولدها عبدالعزيز على اسمي
ضحكت العمه نوره وهي تسمح على شعره: سمي العز
ابتسم عبدالعزيز: الله يسلمك ي يمه
العمه نوره لفت على انتصار : متى عرسكم ؟
ابتسمت انتصار بخفه : آن شاء الله الجمعه الجايه
العمه نوره: الله يتمم لكم
انتصار : امين
ولفت العمه نوره على الباقين : وانتم شوضعكم؟
تركي : والله يمه انا باقي لي سنه واتخرج معلم وصراحه ببالي بنت ابيها
ضحك ادهم : اوخسسس مظبط امورك منهي الي امها داعيه عليها وتبي تاخذك ؟
العمه نوره: بس ادهم !
ولفت على تركي : منهي بنته ي يمه؟
تركي : بنت جارنا العتيبي الوحيده
العمه نوره ببتسامه : ايهههه خلود ؟ معلمه نفسك نفسها وراعيه بيت وطبخ يعني من الاخر بنت رجال ويعتمد عليها
ابتسم تركي : اجل توكلنا على الله
اياد بدا يتنحنح ولفت عليه العمه نوره : شعندك ؟
رفع نفسه اياد وبدا يتكلم : يعني يمه زي مانتي عارفه وانا عارف اني ما اميل ل الدراسه خير شر وصرت على التجاره وبضاعات الملابس والذهب عشان كذا اقدم نفسي انا اياد صاحب العمر العشرين عام اني اطلب موصفات زوجتي و اريد اختي الفضيله سلمى تبحث عنها
سلمى بتقليد ل اسلوبه ؛ اهلا اخي العزيز يشرفني انا سلمى صاحبه العمر ثمن طعش ان استمع ل مواصفاتك بكل رحابه صدر
ضحك اياد ونطق : ابي وحده ي سلمى عندها شامه
ضحك ادهم : العببببب ي الطلب
سلمى : بس ؟ ذا طلبك
اياد هز راسه با الايجاب ونطقت سلمى ببتسامه : تبشر والله باكر ادور لك بـ المدرسه بنت عندها شامه
ولفت على ادهم : وانت؟
ادهم هز راسه بـ النفي: لا لا انا بروح عندي دوره ل الدفاع المدني وثم ان شاء الله افكر اتزوج
دخلت مريم ومعها ابراهيم وشهد وشيخة:ليكون تاخرت ؟
ابتسمت العمه نوره: هلا والله ب احفادي
ضحك ادهم بعلو صوته : انسحب عليك ي مريم يعوضك الله
ركضوا عيال مريم ل العمه نوره ومشت مريم تسولف وتتقهوى مع اخوانها وخواتها
~ من بكرا الصباح ~
دخلت سلمى فصل ثالث ثانوي وهي تناظر ب البنات بنت بنت وتدقق بملامحهم ونطقت وحده من البنات بصوت عالي وبضحكه سخريه:علامك سلمى ؟ شكل يحتاج لك نظاره
سلمى ناظرت بها : ي رب صبرني مالتس دخل
ومشت منهم وهي تجلس جنب فاتن الي تضحك : لا جد علامك تناظرين بهم ؟
سلمى بهدوء: اياد اخوي قال لي دوري لي زوجه تكون عندها شامه
فاتن لفت نظرها عـ بنت : شوفي ساره عندها شامات مو بس شامه وحده
سلمى كشرت بكره : لا ويع ما احبها
فاتن صدت عنها وهي تطلع الكتاب : اجل مالك الا الفسحه نشوف كل البنات ومن كل الاعمار
سلمى هزت راسها بالايجاب وبدت تركز ب الحصص لين مارن جرس المدرسه الي يعلن موعد الفسحه طلع الكل وبدوا فاتن وسلمى يدورون على بنت طول الفسحه لين مانطقت فاتن بتعب : امشي نجلس على الكراسي تعبت معك ومع اخوك هو وذوقه
جلست سلمى جنبها : يستاهل اياد نتعب عشانه
فاتن : اي ماقلنا شي بس مو معقوله ي سلمى كل ما اشرت على بنت قلتي لا لا
ولف فاتن وهي تشوف البنات وتاشر عليهم اما سلمى سرحت بـ فاتن وهي تشوف الشامه الي على خدها وبلوزتها مفتوحه من ناحيه العنق وكل عنقها شامات
ضحكت سلمى بعلو صوتها ولفت عليها فاتن : وجع علامك ؟
سلمى : من اليوم وحنا ندور وانتي موجوده
توسعت عيون فاتن بذهول ونطقت بتوتر : ششددخخللننييي انااا؟
سلمى بدت تلعب بشعر فاتن : شلون شدخلك ؟ انتي تهبلين وتاخذين العقل والشامات ماشاء الله واخوي بعد مو ناقصه شي
فاتن نزلت راسها بخجل : الله يكتب الي فيه الخير
ضحكت سلمى: يويلييي ماعرفتك ي الخجوله مير قومي قومي لانتاخر على الحصص
قامت فاتن و وراها سلمى
~~ الظهر ~~
دخلت سلمى البيت وصرخت ببتسامه : يويوووووو
طلع اياد من شباك المطبخ : لبيههه؟؟؟
سلمى تقدمت له ببتسامه : لقيت لك العروس
اياد نط من الشباك : اسالك بالله ؟ منهييي
سلمى: فاتن ومن غير فاتن ؟
ادهم بضحكه وهو يحط صحن الرز : والله الاسم بطل باقي الشكل ورينا ياها سلمى نبي نقيم
لف عليه اياد : لاحول ولاقوة الا بالله حتى زوجتي تبي تشوفها معي؟
ادهم تقدم لهم : عادي توامك مابها شين
اياد بحده : اقول الخلاء بس كل شي إلا محارمنا
ولف على سلمى : متى نخطب ؟
نطقت العمه نوره الي با العربيه: بكراا
ضحك اياد : عاشتتت ام العز
تقدم الكل ل الغداء

ان اصبت فهو من فضل الله وان اخطأت فهو من الشيطان ✨🤎