Her Daddy's Friend

CHAPTER 20

KANINA PA si Thaddeus naghihintay sa labas ng gate ng bahay nila Sheena. Hindi siya umalis kahit kumakalam na ang kaniyang sikmura dahil sa gutom na nararamdaman.

It’s already passed nine in the evening. He was waiting the light to be turned off. He won’t let this night passed without having even a short talk with Sheena. He wants to clear what he have said an hours ago.

Napangiti ang binata nang mapatay na ang ilaw sa buong bahay. Wala siyang pakialam kung makita man ang pagmumukha niya sa CCTV. Ang importante sa kaniya ay makausap niya ang dalagang kaniyang tinatangi.

Lumabas siya sa kaniyang kotse at walang pagdadalawang isip na inakyat ang may kataasang gate. Napapamura siya kapag nahihirapan siya pero tuloy pa rin. Kahit na nagmumukha na siyang magnanakaw ay wala siyang pakialam.

“Fuck!” he cursed when he heard the sound of his pants being teared because of the sharp things design of the gate.

Itinuloy niya pa rin ang ginagawa kahit napunit na ang kaniyang pantalon. Sa gitna pa naman iyon. Buti na lang ay hindi iyon ganoon kalaki kaya hindi masyadong kita ang suot niyang boxer brief puwera na lang kung iyon ang puntiryang tignan.

Labis-labis na saya ang kaniyang naramdaman nang tuluyan na siyang makababa mula sa taas ng gate. Nasa loob na siya ng gate ng bahay nila Sheena. Walang ingay na nagsimula siyang maglakad papunta sa gilid na bahagi ng bahay nila Sheena kung saan sa itaas na bahagi nito naroon ang kuwarto ng dalaga. Kita niya rin ang naggagandahang iba’t ibang uri ng bulaklak na inaalagaan ng dalaga.

Sobra pang natuwa ang binata ng makita ang malaking puno na nakadikit ang sanga sa balkonahe ng kuwarto ng dalaga. Kaagad siyang lumapit doon. Tinanggal niya ang suot na sapatos at medyas. Pati ang leather jacket ay ibinaba niya na rin saka nagsimula nang akyatin ang puno. Sa tanang-buhay niya ay ngayon niya lamang iyon ginawa at dahil pa sa babae.

NASA MALALIM na nang pagtulog si Sheena. Nakatulugan niya ang pag-iisip sa sinabi ni Thaddeus kanina na mahal siya nito. Hindi niya alam kung totoo iyon o nasabi lang ni Thaddeus iyon dahil sa nakuha na nito ang kaniyang virginity at naroon ang kaniyang ama.

Naalimpungatan siya nang may marinig na kumakatok sa sliding glass door ng balkonahe sa kuwarto niya. Una ay hindi niya iyon pinansin at ipinikit muli ang kaniyang mga mata pero naging paulit-ulit ang pagkatok doon at medyo lumalakas na rin. Kahit labag sa loob ay bumangon siya. Humihikab na bumaba siya sa kaniyang kama. Naramdaman niya ang lamig ng sahig ng kaniyang kuwarto dahil sa hindi niya mahanap ang gawa sa foam niyang tsinelas.

Naglakad siya papunta sa sliding glass door ng balkonahe saka hinawi ang kurtinang nakatakip doon. Nanlaki ang kaniyang mata nang bumungad sa kaniya ang mukha ng lalaking kanina ay iniisip niya lang na bago makalapag sa kaniyang balkonahe ay ilang beses muna itong nahirapan. Ilang beses na nahulog bago pa man makapunta sa sangang nakadikit sa balkonahe. Ebidensiya ang galos na nakuha nito pati ang maliliit na punit sa suot nitong itim na t-shirt.

Ano ang ginagawa nito sa kuwarto niya? Akala niya binalaan na ito ng kaniyang ama? At saka bakit may punit ang damit nito? Ano ba ang ginawa nito?

Pinasadahan niya ng tingin ang binata na hindi pa nagsasalita dahil hingal na hingal pa ito. Hindi rin siya makapagsalita dahil sa gulat na nararamdaman kaya pinasadahan niya na lamang ito ng tingin at ininspeksiyon ang buong paligid para alamin kung saan dumaan si Thaddeus. Nakita niya ang may kalakihang sanga na nakadikit sa balkonahe ng kaniyang kuwarto kaya napatango na lamang siya sa kaniyang isip. Matagal na niyang balak ipaputol iyon pero nawawala sa isip niya. Ang mga dahon kasi niyon ay pumapasok na kuwarto niya kapag humahangin nang malakas at nakabukas iyon.