Love Death (Completed)

One

Uni

"Oh god, we have no room left for you"
(ဘုရားရေ မင်းအတွက် အခန်းမရှိတော့ဘူးပဲ)

Hotel Reception က ဝန်ထမ်း‌၏ပြောစကားကြောင့် fame စိတ်လေသွားသည်။ ဟိုတယ်ခန်းရသွားသဖြင့် မြောက်ကြွကြွဖြစ်နေသော ဝေယံဝင့်ထည်၏ မျက်နှာက ထိုစကားကြောင့် မအီမသာဖြင့်။

"But there's no worries. We may take you to another place which is so special to you. I hope you like it"
(ဒါပေမဲ့ စိတ်မပူပါနဲ့။ ငါတို့မင်းကို တခြားနေရာခေါ်သွားပေးပါ့မယ် အထူးစပယ်ရှယ်နေရာတစ်ခုပေါ့။ မင်းကြိုက်မှာပါ)

သူငယ်ချင်းနှစ်ယောက်သား ဘာစကားမှ မပြောရသေးခင် ထိုအမျိုးသမီးက ခပ်သွက်သွက်ပြောကာ သူ့မန်နေဂျာကို ဖုန်းခေါ်၏။ ဝေယံကတော့ ပုခုံးတွန့်သည်။

"ဟျောင့် မင်း ငါနဲ့ပဲ တစ်ခန်းတည်းနေလိုက်ပါလား။ တခြားနေရာက ဘယ်နေရာလဲမှ မသိတာ။ ပြီးတော့ သွားရေးလာရေးကျ ဘယ်လိုလုပ်မှာတုန်း"

ဝေယံ့စကားကို သူ စကားမပြန်ရသေးခင် Hotel Manager ရောက်လာသည်။ သူ့ဝန်ထမ်းအမျိုးသမီးနှင့် စကားခဏပြောပြီးနောက် သူ့ကို ထိုင်ခုံတစ်ခုဆီ ဦးဆောင်ခေါ်သွား၏။

"We have no more room here but there's a big house near here which will be a part of our hotel. The rooms are clean and ready to stay. We'll send you some staff and guards if you want to stay there. Are you okay with that?"
(ဒီမှာတော့ အခန်းလွတ်ထပ်မရှိတော့ပေမဲ့ ဒီနားမှာ ငါတို့ဟိုတယ်ဖြစ်လာမဲ့ အိမ်အကြီးကြီးတစ်ခုရှိတယ်။ အခန်းတွေကလည်း နေဖို့အဆင်သင့်ဖြစ်ပြီးသားပဲ။ တကယ်လို့ မင်းနေချင်ရင် ငါ ဝန်ထမ်းတွေ အဲ့ဒီကိုပို့ပေးဖို့ စီစဉ်ထားတယ်။ မင်းရော ဘယ်လိုသဘောရလဲ)

"Sounds good. Thank you"
(ကောင်းသားပဲ ကျေးဇူးပါ)

ဘာမှအထွန့်မတက်ဘဲ ချက်ချင်းလက်ခံလိုက်သော fame ကြောင့် ဝေယံမကျေမနပ်ဖြစ်သွားသည်။ ငွေကလည်း နှစ်ခန်းစာ check in လုပ်ပြီးသားဖြစ်နေသည်။ သကောင့်သား fame မှာလည်း အိမ်အကြီးကြီးတွေဆို အရူးအမူးဖြစ်တတ်သည့် ရောဂါရှိမှန်း သူသိထားသည်။ အထူးသဖြင့် British style အိမ်ကြီးတွေ။ ဒီ့အပြင် အိမ်အကြီးကြီးမှာ တစ်ယောက်တည်း၊ ဝန်ထမ်းတွေနဲ့ သွားနေရမယ်ဆိုမှတော့ ဒီသကောင့်သား လက်မခံဘဲ ဘယ်နေလိမ့်မလဲ။ ဝေယံ နည်းနည်းတော့ စိတ်ဆိုးသွား၏။