عالم البنات مختلف تماما عن عالم الشباب كل واحد منهم بيفكر بطريقة وعايش بطريقة تانية مختلفة .. محدش يعرف سر العالمين دول حتى الاخوات نفسهم
ف ناس بيثرها الفضول ويكون نفسها تجرب حياه واحساس العالم التانى ده بيحصل فيه ايه وتعيش تجاربه بكل ما فيها .. يعنى الشاب عايز يجرب احساس البنت ويعرف بتفكر ف ايه ويعرف يوصل لاسرارهم .. والبنت نفسها تعيش حياه الحرية اللى الشباب بيتمتعو بيها من غير اى قيود .. وناس تانية مقتنعة تماما بحايتها ومش عايزة تغيرها .. انما فى تانية يا عين امها دخلت العالم التانى ده غصب واقتدار .. وهنا بقى سؤال يطرح نفسه
* هل الشخص ده هيقدر ينسجم ف الوضع الجديد اللى بيعيش فيه ولا هيبوظ الدنيا ؟
* هل هيقدر يلتزم الحدود اللى اتفرضت عليه ؟
* هل هيقدر يتحكم ف تصرفاته مع الجنس الاخر .. ولا الكائن الحيوانى اللى جواه هيتغلب عليه ؟
ومن غير كلام كتير خلونا نعرف الشخصيات حسب ترتيب ظهورها
هيوك .. شاب مستهتر ف حياته بياخد السنة ف اتنين وثلاثة .. صايع وماشى بمبدا اليوم خمر ونساء وغدا بردو خمر ونساء وطظ ف باقى الاشياء
هيون .. اخت هيوك التؤام وعكسه ف كل حاجة .. بنت مجتهدة ودايما من الاوائل .. بس ف نفس الوقت مزة وشايفة نفسها ع الاخر
تشولا .. الرجل الاسطورة .. رجل المهمات الصعبة .. عنده قدره عجيبه انه يحول اى حد لاى حاجة تانية .. والوحيد اللى بيقدر يرعب هيوك .. بيطلعله من اى حتة حتى لو هيطلعله من بنطلونه
دونى .. ده بطلنا الغنى الوسيم .. مستر نحنوج .. مفيش حاجة بالنسبة ليه مستحيلة .. كل طلباته لازم تتنفذ ماعدا حاجة واحدة .. عامل زى الاتب طالع لهيون وواحد من معجبينها اللى يتعدو ع الصوابع
كيونا .. المعجب التانى للانسة هيون المصونة والجوهرة المكنونة .. شاب ولا كل الشباب بالرغم انه وسيم بس كل تركيزة ف الدراسة وبس .. من النوع الدحيح .. وعمره ما اهتم باى بنت تانية
سينا .. شريكة هيون ف السكن .. بس ميتقالش عليها شريكة ممكن يتقال شريك .. دحيحة لدرجة انها مش مهمتة بنفسها وعاملة زى الواد ف شكلها ولبسها .. وعايشة ف الكليه كانها هوا او شبح خفى ملوش وجود
شيون : نسخة طبق الاصل من هيوك .. اصدقاء الانحراف .. كل حياته مزز ف مزز .. المتحرش الرسمى للشله بتاعته مش عاتقهم لا شباب ولا بنات .. اللى يبات معاه يصحى يلاقى نفسه خايف من شئ ما
كده خلصنا التعريف استنو اول بارت وربنا يستر
هبتدي انزلها من تاني لو لقيت تفاعل كويس هبتدي انزل فيها مفيش تفاعل وكومنتات مش هنزلها
أنت تقرأ
oh boy oh girl
Humorعالم البنات مختلف تماما عن عالم الشباب كل واحد منهم بيفكر بطريقة وعايش بطريقة تانية مختلفة .. محدش يعرف سر العالمين دول حتى الاخوات نفسهم ملحووووظه: القصه b×g يعني مش كابل يا جدعااااااان.. استمتعو ^_^
