أميرة
شارع ضيق.. تقريبا متر او اكثر بقليل.. في نهاية الشارع محل.. المحل الي ياما وياما هربت لعنده.. كل شي يصيبني الشخص الوحيدة الي الجئ له..
أميرة..وكفت بالباب وناديت بإسمه بصوت واضح.. سمعت الهلا..
أميرة : خالو.. خالو باسم..
باسم : ياهلا و مية هلا.. هلا بطولك هلا بوجهك.. تعالي خالو..
تقرب لي حضني على صدرة بقوة.. ويهمس بكلمات بس انا اسمعها..
.. هلا بريحة امچ.. هلا بنسمات الهوئ..
.. بالمهلي خالو.. خالو محله يختص تبديل الزيت و البانزين للسيارات..
.. تعالي ادخلي جوة لتبقين هنا.. هم السيارات سريعة وهم باردة عليچ..
داخل المحل اكو كنبة جلد اسود.. مقابيلها طبلة خشب.. وباقي أدوات العمل..
باسم.. تعالي اكعدي يروح خالچ.. وسولفي شبيچ..
.. هاا خالو شلون عرفت..
.. اعرفچ خالو اعرفچ.. سولفي..
.. بديت احچي له على ياقوت.. وهو بالمقابل يسمع بتركيز..
.. صدك يحچي هذا..
.. ي ولله خالو..
باسم.. هو ليش هيچ سوة ليش ما سئلها من الاساس.. بيا قانون يتصرف..
.. خالو ما ادري.. بس فدوة ياقوت لا يصيبها شي.. من البارحه بس تبچي.. نايمه وتشهك خالو..
يريد يحچي سمعنا صوت من ورة..
عادل .. السلام عليكم
.. ردينا السلام.. سأل مستغرب..
عادل.. شنو شبيها ياقوت..
باسم.. تعال خالي تعال اسمع..
كعد على الكنبة بعيد عني مسافة قليلة.. رفع عينه لعيوني صفن لحظه ورجع نضره لخالو..
.. شكو شصاير..
.. هذا طليق خالتك يريد يجبر ياقوت و يزوجها..
.. شنو.. شنو يزوجها.. وجه الكلام الي..
.. شنو أميرة المن يزوجها..
جاوبت بارتباك .. جبرها على محمد.. اخو بلقيس ..
.. وهو عافها كلها.. يزوجها لهاذا المهتلف.. هو هذا دين خلق غير كلساع لازمي وي وحده شكل..
