إعدام الحر"

5

أميرة

ندى.. أميرة.. أميرة.. شبيچ بس نايمه دكعدي..

.. شنوو.. شكو شبيچ ندى عوفيني..

.. كومي دنروح لياقوت.. مو تردين ترحين.. ابقي براحتچ ضلي نايمه هسه اكول لبابا متريد تروح ..

قبل لا تكوم سحبتها من ايدها وكعتها حتى اكوم قبلها.. لا كمت اروح..

.. اخخ ايدي شبيچ كسرتيني..

.. آسفة حبيبتي..

.. دكومي تريكي كومي.. يا يمه كسرت ايدي..

ضحكت عليها وكمت لكيتهم كاعدين يتريكون..

محمود.. تعالي تريكي..

.. صباح الخير.. هسه بس اغسل..

غسلت ورجعت للمطبخ لكيت ندى مسويتلي مكان يمها و مخليه أكل بصحني..

.. شنو منو سوة الأكل..

ندى باستغراب.. انا شنو ما مالية عينچ..

.. ضحكت.. يممه فدوة لكلبچ اختچ تروح..

.. دكلي عاد..

.. عيوني الذابها طنكورة من الصبح.. شبيك لك..

.. مابيه..

سكتت عفتها من لكيت بلقيس تخزر بينا..

محمود صب استكانين چاي واحد قربه لي.. واحد اخذة بيدة من كام..

محمود.. الحمدلله كملت انا.. كملو على راحتكم حتى نروح بعد..

اكلت شوي وهمه خلصو شلت الصحون اغسلها.. ندى راحت للغرفة..

كملتهن على السريع.. ولحكتها لكيتها محضرة ملابس النا..

.. ي عفيه نداوي هم زين طلعتي..

.. لعد يلا بدلي على السريع بين ما اغسل..

خلصنا كل احنه وطلعت للحديقة برة البيت حتى اشد الأحذية للأطفال..

وهم طلعو..

محمود.. هاا كملتن..

بلقيس.. ي عيني ما عدنا شي..

خلص الطريق وانا افكر بيها.. اريده بس يخلص.. السيارة تمشي واحنا بعدنا..

..كركوك خلصت وبعدنا مواصلين..

.. هسه نوصل..

هو الطريق مو كلش طويل بس لان اريد اوصل الها بسرعة.. صار شطوله عليه..

واخيرا.. طبكت السيارة بسرعة نزلت تقدمت منهم دكيت الباب..

محمد وهو يفتح الباب.. اهلا وسهلا هلا وكل الهلا تفضلي.. تفضل ابو ياقوت ادخل...

.. زاد فضلك ابني..

دخلنا للصالة.. هم كعدو قبل لا اكعد انا صاح عليه محمد..