إعدام الحر"

8

أميرة

بالطريق للبيت.. لبيت بلقيس.. عيوني ما نشف بيها الدمع.. كُلشي ما شفت عيوني غوشن..

هاي ثاني مرة يأخذني محمود بالقوة..

عافها لأمي بالبيت تصرخ.. السيارة تمشي و هو يلعن بيهم..

محمود.. يعني بس اريد افهم انا ما اخلص منكم..
يوميا مطلعيلي سالفة.. زوجت اختچ طلعتي انتِ..

أميرة.. انا شسويت لك هاا شسويت..

.. شوداچ لبيتهم احچي شوداچ..

.. مادري انا صحيت بالمستشفى ما لكيت احد بس همه.. محد منكم.. بعدها اخذوني للبيت..

.. وانت فرحتي مو اي فرصة واجتچ استغليتيها..

.. شنو استغليت.. شنو تحچي..

.. أميرة اسكتي.. انزلي يلا للبيت ما اريد اشوف وجهج..

وكفت السيارة بالباب نزلت رجع شغلها و راح.. مسحت عيوني دكيت الباب دكات خفيفة ما اريد ادخل بس ماعندي مكان غير البيت.. ولا اكدر اروح لغيره..

سمعت صوت ندى قريب.. منو بالباب؟

.. انا أميرة.. سمعتها شهكت فتحت الباب عالسريع.. شافتني سحبتني لحضنها..

.. حبيبتي اختي أميرة.. يعيوني شلون وكعتي وكع قلبي وياچ.. تحچي و تبچي حاولت أهديها بصوت خافت..

سحبت نفسي من حضنها خليت ايدي على حلكها.. اشش اسكتي حبابه تعالي للغرفة تعالي..

.. أميرة متت من شفتچ هيچ والله ردت ابقى يمچ ما خلوني.. عادل ما قبل..

.. ميخالف حبيبتي بس صوتچ.. تعالي نحچي بالغرفة..

هزت راسها سحبتني للغرفة..

فتحت الباب و دخلنا بهدوء خلال ما نسد الباب رجع بچيها أقوى..

.. هسه شبيچ يا عيوني شكو..

.. چنتي مو زينه تعبتي.. چنتي بالمستشفى متتحركين..

.. ميخالف الحمدالله عدت.. اسكتي يلا كافي بچي..

سكتت تمسح بچيها..

.. شكو اليوم بس نبچي..

ندى .. شنو چنتي تبچين؟..

.. اي

.. عليمن..

.. على حظي داده..