إعدام الحر"

4

أميرة

رغم المشاكل الي تواجهنا بالحياة .. يعني بطبيعة الحال.. يوم جيد .. يوم سيئ .. وأيام خالية من اي مشاعر .. الى انُ ملازم نوكف على شي محدد شي واحد ونكعد نفكر بي ياخذ من طاقتنا ومن صحتنا ويتعبنا فكريا و نفسيا .. ببساطة الأشياء التي تذهب غير صالحة لنا .. ما نجحت بكذا شي .. تنجح بغير شي يناسبك .. ما ناسبك هذا الشخص يناسبك غيره .. ايامنا متوكف على احد .. بكد متوكف علينا .. احنه نحددها .. سيئة او جيدة..

أميرة.. صدك احنه الي نختار حياتنا..

ندى.. شفتيها البارحه قبل لا تنام شكد فرحانه..

.. ي حبيبتي فدوة اندار الها.. ولا الي قلب اكعدها من نومها..

.. لازم تكعد تغسل وتتريك حتى تروح للصالون..

.. ما ادري ما اريدها تكعد.. لان هذا اخر يوم ويانه..

.. تصدكين حتى انا.. بس مجبورين نكعدها..

دخلت علينا بلقيس للغرفة بلا ما تتعب نفسها وتدك الباب..

بلقيس.. هاا كعدت وباوعت عليها
.. يا صار ساعة المن وديتجن غير حتى تكعدنها..

.. ياقوت ياقوت يلا كومي بلا هاي السوالف..

ياقوت بتملل كوة تحچي من النعاس .. يا سوالف خاله يا سوالف.. هو النايم من يمته يسولف..

.. دكومي كومي يلا راح اطلع للصالة لحكني عود ..
ولله يا الله وينچ وين حمودي الزركة..

.. انا زركة خاله نعم الله عليچ..

كامت بلقيس طلعت..

ندى.. كومن يلا.. ياقوت الزركة كومي يلا..

ياقوت.. ولچ لا تخليني انهد عليچ من الصبح..

أميرة.. ي ولله راح تزوج صار الها السان..

ياقوت.. ياا شبيچن.. وضحكنا.

راحت العروس و راحت وياها بلقيس.. الله يعينها بس ..

ندى.. ببكاء كاذب.. ليش ما اخذنه وياهن..

.. وين ياخذنچ.. دنضفي نضفي.. راح اروح للستقبال انضفها للزلم..

.. والبيت كله عليه؟

.. لا ولچ.. انضفها واجي..

..ديلا لعد..

خلال ساعات من 3 الئ 4 نضفنه البيت تنضيف تام..

ندى.. عزا ولچ راح تجي ياقوت ويجن النسوان واحنه بعدنه بوسخنه..