إعدام الحر"

7

عادل

بالسيارة خليتها ليورة كعد يمها خالي.. زين احسن من اول.. صعدت بالصدر يم السائق..

عادل.. حرك أخي..

حاير وين اخذها اخر شي قررت لبيتنا.. مشت السيارة مسافة الطريق بعيد شوي بغير منطقة..

أميرة.. وين رايحين..

درت عليها جسمي.. خالي رد..

باسم.. للبيت بابا حبيبتي هسه نوصل..

.. يا بيت مو هذا الطريق..

باسم.. لبيتنا..

أميرة باستغراب ما متوقعتها .. صدك؟ يعني نروح لماما..

باسم.. ي نروح لماما بثينة..

شفت الفرحة نرسمت بعيونها رسم.. زاحت كل التعب..

عادل..
بيت جدي بي هواي رجال و نساء.. من خالات لخوال لأبناءهم.. فوضى عارمة..
انا وامي و اخواني بالبيت الي بصفهم ما كاعدين وياهم مع ذلك متعبين.. خالتي بثينة ببيت جدي..

شايل هم أميرة ممكن ما يتقبلوها.. يتعبوها أكثر.. كلساع ادير جسمي عليها اشوفها فرحانه عيونها تزيح التعب..

ورة ساعة تقريباً وصلنا.. ليل بارد جارح.. مطر خفيف.. قلوب جمر..

نزلت من السيارة لباب البيت فتحته دخلت.. محد كاعد كلها نايمة.. هاربة من البرد..

درت عيني عليهم خالي يباوع الها.. هيه تتلفت أنحاء البيت..

أميرة.. صار شكد ما داخله البيت.. خالو متغير..

باسم.. كلها تتغير خالي ما توكف عالبيت..

هزت رأسها.. اشرت الها بيدي تعالي وراي..

صالة كبيرة.. غرف كثيرة.. اخر غرفة.. اخر باب وكفت يمه.. درت عيني عليها صايره بضهري..

.. ها تدخلين؟

بلا كلام هزت رأسها..

صوت ترتيل قرآن هادء.. دكيت الباب مرتين.. اختفى صوتها..

عادل.. خالة ادخل؟

.. ها يمه عادل تعال تعال ادخل..

فتحت الباب ودخلت اباوع عليها فارشة السجادة و كاعده تقرا..

.. هلا خالة.. هلا امي تعال ابوسك..

ابتسمت الها.. بس تشوفيها تنسيني مو..