إعدام الحر"

11

عادل

كاظم..

وأراكَ واقفاً في الضُعْفِ شامِخاً مابالُ وقْفَتِكَ وأنتَ مكسورٌ
أتشربُ مِن كأسِ خَمرٍ يُنسِيكَ فتثَملُ وتتركُ الواقِعَ مستورٌ
ام أنَّ قوةَ صَبْرِك قد عَفتْكَ مِن هًّم القلبِ اصْبَحَ معذُورٌ

عادل.. مِن هًّم القلبِ اصْبَحَ معذُورٌ.. كاعدين بردهة الحروق.. بعد يوم من الحادثة.. بعد ما خلص حيلي.. اذكر البارحة دم ما بقى بجسمي ..اذكر صريخ خالتي قيد فكري..

بثينة.. يمه.. ولك عادل يمه بنتي وين أخذوها.. جسمها منتفض حاولت اسيطر عليها حتى أهديها..

عادل.. الله يخليچ بس اثبتي.. كولي يا الله مابيها شي هسه تطلع..

.. ولك وين أخذوها ولك يمه بنتي..

.. هسه بس يعالجوها تطلع هسه بس اوكفي..

ما تسيطر على حركتها فقدت.. انا بس اريد اسحب قوة حتى ابقى محافظ على ثباتي..

بثينة.. الله لا يخليهم تطلع بيهم ان شاءالله تمهل ولا تهمل.. ليش هيچ يسون بيها ما كفاهم شي حرگوها.. يمه يا يمه بنتي بنتي.. تصرخ تبچي عيونها راحن..

عادل.. خالتي اروحلچ فدوة بس اهدي.. الله يخلـ.. بعدني ممكمل كلامي اجانه صوت من ورة..

ياقوت.. ولچ يمه اختي.. ولچ أميرة.. يعابيچ الله يا بلقيس ان شاءالله ما تتعدى.. ولكم اختي.. آخر شي مكدرت بعد نحنى ضهرها نزلت رأسها تبچي بصوت..

عادل.. ياقوت الله يخليچ بالمستشفى احنه ميصير.. اهدوا فدوة اروحلكم والله مو اقل منكم انا بس خلي يعالجوها..

ياقوت.. فدوة شلونها هسه شلون صارت.. ماما شلونها.. تحچي و تمشي لامها..

بثينة سحبتها لحضنها.. بعدنا ماما منعرف دخلت للغرفة مطلعوا منها..

.. الله لا يخليچ يا بلقيس روحي ان شاءالله داء بلا دواء.. حرگتها حرگتها..

عادل.. اباوع الهن مفرفحات مثل گلبي .. ساكت عفتهن وحدهن سندت ضهري عالحايط كعدت حاضن رجليه لصدري.. يا ربي دخيلك.. دخيل أسمك.. رد عافيتها يا رب العالمين.. كعدت اردد المناجاة لعلها ساعة استجابة..

حسيت كعد يمي محمد ما درت له بال نهائيا.. بقيت ساكت..

محمد.. عادل.. عادل.. اتنهد ساكت ثواني.. والله ما ادري شكلك.. خجلان منك الله شاهد.. والله انا ما بيدي شي عليها..

عادل.. اسكت اسكت.. ترا حرگتها هاي المرة.. وصلت بيها لهنا..

.. شنو بيدي انا وما سويت..