إعدام الحر"

6

عادل

كاعد بالمستشفى ساند رأسي بيدي .. صافن عليها شلون نايمة بالسدية.. بلا روح مسلوبة.. وجهه شاحب اصفر تعبان..

شنو ذنبها.. شسوت حتى تستحق الي صار بيها اليوم.. مو بشر هيه؟

ليش هيچ تتعامل وياهه بلقيس..

سارح بفكري بلا انتباه..

فزيت على صوت الماي.. درت على مصدرها.. خالي كاعد يتوضأ..

خلص وضوء.. مد سجادتة نحو القبلة وكعد يصلي بلا وقوف.. اسمع صوته يرتل الآيات بصوت خافت..

اخر ركعة خلصها.. سحب المسبحة.. اسمع يتحسب..

حسبي الله ونعم الوكيل.. يردد بيها..

.. بساعتها حظرتني أبيات للأمام الشافعي فيها يقول :

وَلَرُبَّ نازِلَةٍ يَضيقُ لَها الفَتى
ذَرعاً وَعِندَ اللَهِ مِنها المَخرَجُ
ضاقَت فَلَمّا اِستَحكَمَت حَلَقاتُها
فُرِجَت وَكُنتُ أَظُنُّها لا تُفرَجُ

رددت الأبيات بصوت عالي.. اسمعها لخالي حتى يهدء فكرة ويرتاح ..

باسم.. ي ولله يا خالي.. يا عادل..

.. تفرج خالي تفرج.. ما يضل شي كلها تهون وتعدي .. بس انا ما اهون..

.. انت شلون تهون..  عادل انت عكازة للكبر..

.. ابتسمت هزيت رأسي ساكت..

شوية و حچيت..

عادل.. ليش بعدهي نايمة.. خاف مو زين عليها..

.. لا الدكتور كال الابرة تخليها تنام.. ما صار الها هواي من نايمة..

.. صار الها ساعتين.. شلون مو هواي..

.. خليها.. خليها نايمة ترتاح..

.. سكتت بعد ما حچيت.. اجت ببالي شلون نايمة على الأرض كلها تراب.. تسحب النفس بصعوبة..

قبل ساعتين أو أكثر.. كاعد بالورشة على حيلي كدامي محرك عطلان اطكطك بي.. منتضر خالي يجي..

عادل.. اخخ يا خالي ولا تبطل سوالفك.. هسه وكتها تروح..

.. هذا المحرك شصلح منه هسه.. وانا كلشي ما مفتهم..

كمت وكفت للطباخ صغير مخلي على صفحة شغلت الچاي وانا احچي على خالي.. شلون عافني وحدي هسه..