القاسي والبريئة (قصة جزائرية🇩🇿)

✨الحلقة الثالثة✨

في السبيطار:
منار: جدة لازم تشري دواء هاذا وكيما وصيتك لازم تحافظي على رقادك وتان تقلاق بعدي عليه وماعليك غير تنظمي طريقة تع ماكلتك كيما وصيتك
فاطمة: يعطيك صحة بنتي ربي يخليك كعاونتيني
منار: الله يسلمك مدام فاطمة الهاشمي
فاطمة: عيطيلي جدة خرجت من فمك كالعسل
تبسمتلها منار
منار: أنا ماحسيتش من قبل بحنان جدة ولا الجد ونتي أول وحدة نعيطلك جدة
فاطمة:كاينة أنا عيطيلي وراح نزورك كاش مرة تان
منار: إيه مرحبا بيك في أي وقت
فاطمة: هيا نخليك بنتي
تكات منار على كرسي وغلقت عينيها ميتة بالتعب ماتحس غير بواحد فتح الباب بقوة كالعادة شكون من غيرها
إيناس:منار نسيت نقولك حقا
منار:واش كاين تان دايما تزدمي عليا هكذا راني عيانة
إيناس: أيهم جا اليوما سقسى عليك وكمالقاكش راح
منار: هذا جدو مايخطينيش واش يسحق من جدي
إيناس: يا الكلبة باين من وجهو بلي يحبك
منار: ياربي بقالي الحب أنا أخر همي وعلابالك مستحيل نخمم فيه ونتي واش قلتيلو يخي مابهدلتينيش
إيناس:مابهدلتكش غير ماتخافيش
منار: أفف هيا نخرجو عييت
في القصر:
سارة: واش جدتي واش قالك الطبيب
فاطمة: لقيت طبيبة عجبتني بزاف يكثر خيرها هيا لدخلتني
سارة: هيا مليح مهم داويتي يخي شريتي دوا
قبل ماتنطق فاطمة
مراد: وشمن دوا
فاطمة: مراد وين كنت وليدي توحشتك
مراد: كنت هنا جدتي واش صرالك وشمن دوا
فاطمة: ماتقلقش وليدي برك رحت عندي طبيبة تع تغذية ونصحتني
مراد تقلق كيفاه تروح لسبيطار وحدوخر من غير سبيطار تاعو باسكو خايف كاش عدو يأذيها
( مراد عندو سبيطارات هو دارهم)
مراد: كيفاه تروحي لسبيطار غير لسبيطارات تاوعي
فاطمة: سمحلي وليدي بصح كان لازم باسكو قالو فيه أطباء ملاح هكا سمعت عليه سارة ورحت
مراد: ونتي تبعي في جد تع سارة*****
سارة راحت طلعت لفوق باسكو تعرف غشو واعر خافت لكشما يديرلها
فاطمة: اا وليدي ماتسبش قدامي
مراد: جدة ماتزيديش تعاوديها ولي روحي لسبيطارات تاوعي برك
فاطمة: فهمت وليدي خلاص ماتتقلقش وشبيك تبان تعبان
مراد: مابيا والو راني عيان برك
فاطمة: حاجة باينة نتا نهار كامل في الخدمة ليل ونهار ماتقعدش كامل
مراد: ادعيلي جدتي
فاطمة: ندعيلك وليدي دعواتي راهم يرافقوك
وقالت في قلبها: ربي يبعثلك طفلة تنسيلك همومك وتداويك ،ماعلابالهاس علاه جا في بالها منار
مراد: المهم راني رايح عندي شغل
فاطمة: وين راك رايح في هذا الليل اقعد ترتاح
مراد: جدة نروح وتمتم نولي مانطولش
باسها من راسها وراح
فاطمة: ربي يكون في عونك وليدي
ماتلقي غير مريم جات
مريم: كأنو نتي ولدتيه مشي أنا
فاطمة: مانكثرش معاك الهدرة ماتنسايش واش درتي مكلاه نفكرك
مريم: مشي لازم تفكريني كل يوم فهمتي عجوزة وراكي دايرتنا هنايا كشغل مانعرف واش
فاطمة: الزمي حدودك وبعدي على مراد أنا لراني صبرتو عليك لكان راكي ميتة دوك
مريم ضحكت
مريم: علاه وليدي يقتلني ماتتقعديش باينة نتي تحرشيه
فاطمة: ربي يهديك
راحت فاطمة خلاتها ماحبتش تكثر معاها الهدرة باسكو علابالها بلي ماتسلكش معاها
في دار مصطفى:
مصطفى: المهم لازم الاوراق يكونو واجدين وترتبو كلش هذا هو صح
*****: حاضر سيدي
كوبا عليه ،وفي لحظة شاف ميساج
ميساج من المجهول ( في الحلقات القادمة تعرفو شكونو)
"كاين مهمة الأسبوع الجاي في تجارة الأسلحة في ساحل لازم تدي رجالك وتان سليمان معاك باش تخدعوهم وتدو الأسلحة وإذا فشلتو علابالكم عقابكم"
مصطفى تنهد تنهيدة
(تفكرتو سليمان هو نفسو لهدر عليه مراد في الحلقة لفاتت)
خديجة: هيا منار نوضي تاكلي
منار: عييت نوض عييت بزاف
خديجة: معليش بنتي تمتم تكملي وتعاودي ترقدي
منار: راني متوجعة في كرشي بسباب لغاڨل 🙂
خديجة: نوضي كولي ونديرلك تيزانة تخففلك شوية
منار: أوك
هبطت منار وتلاقات مع باباها
مصطفى: صفا بنتي
منار :حمد لله بابا  ونتا
مصطفى: حمد لله بنتي هيا نروحو ناكلو
في طابلة ياكلو في صمت حتى كسرت منار صمت هذاك
منار: غدوة عيد ميلاد وليد وراح نديرلو حفلة في الميتم ونتوما جو معايا تان
خديجة/مصطفى : اوك بنتي
في الميتم:
نور: وي سيدي راح نصرف عليهم
مراد: نحسك كشم درتي من ورايا علابالك واش ندرلك فهمتي
نور خافت بزاف وقريب بالت تحتها من غزرتو
نور: ايه سيدي راني متهلية
مراد وهو خارج تلاقا بوليد
وليد: اوه مراد توحشتك عندك بزاف ماجيتش عندي
مراد عنقو خاصتن كوليد عزيز عليه ومراد معاه يتبدل ويولي وحدوخر ليشوفو مايصدقش عيونو بلي هو نفسو هذاك قاسي
مراد: حتى أنا توحشتك يا بطلي
وليد: لالا نتا بطلي الأكبر أنا صغيور
مراد: لالا نتا راجل ديرها في بالك
وليد: بطلي غدوة عيد ميلاد وكاين حفلة يخي جي
مراد: كيفاه مانجيش ليك راح نجي ليك اوه وليت راجل
وليد: لالا مزالني صغير
تبسملو مراد
مراد: المهم علقداه
وليد: لحشية على 6
مراد: أوك نجي ليك يا بطل