القاسي والبريئة (قصة جزائرية🇩🇿)

✨الحلقة عشرين ✨

وهيا قاعدة تشوف فيهم حتى فيقها من سرحتها صوتو
أدهم: تفضلي اشربي
منار شافت في الكاس وترددت وخاصتن كهي جامي شربت في حياتها وخافت ترفض ويشك فيها وشداتو وراح دير روحها قدامو زعما تشرب
منار : مرسي
أدهم: اهيه عندك كاش واحد في حياتك
منار: نو ماعنديش علاه
أدهم: مليح كماعندكش باسكو عجبتيني
منار مالقات ماتقول واصلل اخر همها هذا وبقالها واحد تعجبلو وابتسمتلو ونطقت
منار: مرسي كعجبتك مالا اصلا انا شكون لمنعجبلوش
ضحكلها ونطق
أدهم: ثقة في نفس زايدة
منار: وي
وضحكتلو وهو غاس في ضحكتها تحت أنظار عيون لراهي تراقب كل تفصيلة
شدلها ادهم يدها وباسها منار توترت بزاف بصح صبرت روحها حتى لحق مراد عندهم
مراد: تسمحلي مسيو أدهم عندي هدرة مع شريكتي
أدهم: بيانسور نتلاقاو ايفا ماتنسايش راني هنايا
وغمزلها وراح ومنار حست روحها دخلت في متاهة وندمت اصلا علاه جات بصح دوكا طفرت لازم طبق مهمة فيقها من سرحتها كحكمها من يدها وجرها وراه وهيا متحملة حتى وصلو لسالدوبان وفتح الباب ودخلها
مراد: قلتلك استغليه مشي تقعدي تتمعشقي معاه
منار قعدت ساكتة ماردتلوش وممبا ماشافتش في وجهو
مراد حكملها وجها وطلعو عندو شافها بلي حالتها ماتعجبش
مراد: راني نهدر معاك جابلي ربي
طلقتلو يديه
منار: راني نسمع مرانيش طرشة وماتزيدش تمسني فاهم ماعندكش الحق تمسني
مراد: عندك زهر راكي هنايا لكان راني كسرتلك فمك لراكي تهدري بيه
منار: هذا فيمن فالح
مراد قرب منها
مراد قرب لوذنها وهمس
مراد: فالح غير فيك
بعد عليها وشاف فيها اما هي عينيها محطتهمش فيه
مراد:دوكا تروحي عند أدهم وديري روحك تشربي معاه وبعدتيك طيحي الكاس عليه ونتي استغلي وروحي معاه زعما باش تنظفيلو وفماك تدي الفيديو لراح يكون في فيستا تاعو فاهمة
منار: امممممم فهمت
خرجو ومنار راحت بدات مهمة وسيحت على حوايج ادهم الشراب
منار: ااا سمحلي ادهم مشي قصدي
أدهم: عادي دوك نروح نبدل
منار:, نجي معاك نعاونك معليش يخي
أدهم: إيه ارواحي
راحت منار معاه ودخلت داخل شمبرة ونحا ادهم فيستا وحطها فوق الفوتاي
أدهم : ندخل نغسل ونجي
منار : أوك
دخل برك منار راحت جابت فيستاتو قاعدة تحوس فيها بصح مالقات والو فيها
منار: افففف ياربي ماكان والو فيها
قاعدة تخمم حتى طاحت عينها على واحد الباطة راحت رفدتها و جات تفتحها لقاتها مغلوقة وتتفتح بالمفتاح
منار: افف ياربي مغلوقة سور يكون هنايا كاين فيديو
حتى خطرت على بالها فكرة نحات مساك كحل من شعرها ودخلاتو في بلاصة مفتاح وحاولت تفتحو بصح والو ماحبش يتفتح
منار: ياربي قريب يخرج ويلقاني
حتى راحت للفيستا تاعو و حوست مليح لقات فيها مفتاح صغير وابتسمت
منار : اوه وأخيرا
داتو وفتحت بيه باطة ولقات فيها بزاف حوايج مشي غير فلاش ديسك لفيه فيديوهات قررت تدي كامل واش كاين فيها وحطت باطة في بلاصتها وغلقتها حتى سمعت صوت الباب راح يتفتح وخبات كلش
أدهم: راني بدلت
منار بتوتر: سمحلي والله ماكان قصدي نسيح عليك
ادهم قرب ليها وهي توترت وبعدت حتى لصقها في الحيط وقرب منها
أدهم: نو عادي كلش منك حلو
منار عرفت قصدو خاصتن كي قاعد يشوف فيها بنظرات تقززت من روحها ومنو
منار: مرسي
جا راح يبوسها وهيا خلاص مابقالهاش وتبكي ماحملتش حتى صونا تلفونو وسلكها منو
أدهم: افففف مشي وقت تلفون
ادهم: وي شكون معايا ايه راني جاي
كوبا تلفونو ونطق
أدهم: اقعدي هنايا دوك نجي
منار ابتسمتلو فوق قلبها وخرج وتنفست وخلات دموعها يطيحو
منار: وين وصلت روحي وصلت بيا يتقربو مني وليت كيما هاذوك نساء تع ليل أنا ماتربيتش هكا  معنتهت لكان مشي تلفون صونا راني راني
حتى سمعت الباب تفتح
مراد: جدك نتيا يا****** قاعدتلي هنايا مانعرف واش ديري هيا يخي ديتي واش طلبت منك
هي قعدت ساكتة ومسحت دموعها ومراد لاحظ بلي كشما بيها حتى راح عندها
مراد: وشبي خ***** كشما دارلك هذاك******
منار غزرت في عينيه ونطقت
منار : كنتا كي هو كلكم كيفكيف بصح نتا اسوء منهم كامل دمرتلي حياتي رجعتني رخيسة نتا  مراكش إنسان نتا
ماكملتش هدرتها حتى جبدها ليه ولصقها فيه
مراد: بلعي خ***** تع فمك واش دارلك انطقي
منار: بعد عليا بعد ماتقربش مني أما حق عندك تقرب مني
مراد: ماتنوضليش لع*****
منار: هامليك لتحتاجهم دوكا اطلقني
مراد فاق بلي كشما صرالها باسكو حالتها ماتعجبش
مراد: هيا نخرجو  دوكا
في بلاصة خلاف:
خديجة: هدرت معاه ولا مزال
مصطفى: ماحبش يرفد
خديجة: كيفاه راك واثق فيه وإذا كشما يديرلها
مصطفى: مايديرلها والو
خديجة: راح تهبلني ياربي انت قلبي محروق عليها ونتا هنايا مقابلني مادير والو
مصطفى: خديجة بلعي فمك لفيا مكفيني فاهمة ماتوجعليش راسي
حتى صونا تلفونو
مصطفى: وي بوص
مجهول: سمانة الجاية كاينة مهمة راح تشارك فيها نتا وسليمان
مصطفى: حاضر وكتاه اجتماع
مجهول: غدوة
مصطفى: أوك بوص