القاسي والبريئة (قصة جزائرية🇩🇿)

✨الحلقة التاسعة والثلاثون✨

كانت متكسلة وتتفرج حتى سمعت واحد يطبطب راحت فتحت الباب لقات سارة
منار: اهلين سارة كشما حتجتي
سارة: حبيت اليوما نتعشاو كيفكيف ومنها نهدرو
منار: اوك حبيبتي هيا نتعشاو في بالكون كاين طابلة
سارة: نتعشاو هنايا
منار: ايه وشفيها
سارة: خايفة ندخل ويلقاني مراد يديرلي حالا
منار: يخاه علاش واش يديرلك
سارة: مايحب حتى واحد يدخل لشمبرتو نتي اول وحدة تدخلي
منار: ماتخافيش هيا نروحو ناكلو في بالكون كاين طابلة صغيرة ونهدرو يلا راني هنا يخي
سارة: أوك
قعدو في الكراسا و بداو ياكلوا
منار: امممممم ماكلة بنينة
وقاعدة تتبنن حتى سارة حارت فيها
سارة: يوه منار راكي تحبي الماكلة بزاف
منار: امممممم نموت عليها امممممم
سارة: والله تباني كشغل وحدة متوحمة هههههه
منار حصلتلها الماكلة حتى مدتلها لما
سارة: يخاه ياطفلة كولي بلعقل
منار: اممم الله غالب نحب الماكلة
سارة: هههههه كيفاه نديرو غدوة حابة نشوف أنس توحشتو
منار: اوه شوفو لطفلة عشقت وطاحت في الحب وهو علابالو تحبيه
سارة: وي علابالو واعترفلي ككنتي غايبة نتي
منار: يو مليح ان شاء الله تكمل علاقتكم على خير
سارة: ان شاء الله خايفة من مراد اذا يعرف يذبحنا
منار: ماتخافيش نحاول نقنعو واصلا يخي هو صاحبو في الخدمة
سارة: ايه
كملوا الماكلة وراحت سارة لشمبرتها راحت منار تكسلت في سرير وغطات حتى حست روحها راح تتقيا ناضت تتجري راحت لسالدوبان تقيات كامل واش كلات حتى دخل مراد وسمعها تتقيا راح يجري دخل لقاها تغسل في فمها قرب منها
مراد: وشبيك تتقياي
منار تخلعت كلقاتو جا وماعندهاش واش جاوبو
منارخ: ااا من ماكلة ماحملتهاش
قرب منها حكملها وجها وغسلهولها بشوي ومنار تشوف فيها وفرحانة في اهتمامو حتى قالت في قلبها
منار: زعما لكان يعرف بلي راني حاملة بولدو يهتم فيا هكذا
حتى فيقها من سهوتها كي رفدها وعنقاتو ماحبت تقول حتى كلمة داها قعدها على حجرو وهي توترت خاصتن كقاعد يشوف فيها بنظرات مافهمتهش
مراد: وشبيه وجهك صفر علاش حالتك هكا نديك لسبيطار
منار: ماكلة برك ماحملتهاش معدتي هذا مكان ماتقلقش روحك
مراد: مرانيش مقلق عليك
منار: إيه أصلا انا بالنسبة ليك والو مجرد بنت عدوك وزيادة في حياتك هكا
طاحو دموعها
مراد: اممممم ماتبدايش دوكا راني عيان
منار تقلقت ومسحت دموعها
منار: علاش راك مقعدني في حجرك نزلني
مراد: نفحتلي تساليني
منار : نزلني عيانة راني
مراد قرب وغرس راسو في رقبتها وتخدر من ريحتها وهي غلقت عينيها ودموعها طاحو ويدان حتى حبت تبعدو ماقدرتش
منار: بعد اهئ وقت ماتحب تقرب مني تقرب بعد عليا أهئ
مارجعلهاش حتى باسها في رقبتها وبعد شاف في عينيها لمعمرين دموع حتى قرب وباسها في عينها وزاد عين لوخرا وبعد حتى حلت عينيها وشافت فيه
مراد: حبسي بكا علاش بكا فهميني
منار: منك فاهم
مراد: وأنا راسي واجعني منك
منار : مراد حابة منك حاجة اول مرة نطلبك عيشك اقبل
مراد: اهدري
منار : حابة نجي نشوف شركة لتخدم فيها اموا من جهة نشم لهوا عيشك
مراد تقلق ماراهوش حاب يشوفها واحد من غيرو وهيا تقلو جي فماك
مراد: منين علابالك عندي شركة
منار: جدة خبرتني
منار كذبت ماحبتش تقول سارة باش مايتوسوسش
مراد: انساي نقبل طلبك
منار: ربي يعيشك اقبل حابة نشم شوية هوا نتا مراكش حاس بيا راني محبوسة
مراد: خبرتك لا معنتها لا فاهمة
منار: مالا أنا بالنسبة ليك والو اول طلب عيشك
مراد: ثاني طلب باسكو طلبتي مني من قبل تشوفي يماك
منار: ماما تان توحشتها حابة نشوفها بصح راني صابرة علاجالك ونتا مراكش حاس بيا
مراد: ماتهبلينيش يا حطبة مرانيش حاب نتقلق
منار عنقاتو وهو حار فيها
منار: عيشك اقبل حابة يخي راني جاية ليك و لشركتك ونتا مسؤول عليها علاه مراكش حاب عيشك خليني نجي
مراد بادلها الحضن وبقاو هكاك حتى بعدت وشافت فيه وكانو قراي لبعضاهم وانتبهت بلي راهي لاصقة فيه حشمت وخدودها حمارو هبطت راسها وهو لاحظ حشمتها حتى طلعلها راسها
مراد: زينة قلبي حاشمة مني
منار ذابت في كلمة زينة قلبي فرحت
منار: انا زينة قلبك
مراد: امممممم
منار تشاهات تبوسو بصح حشمت عرفت بلي وحمها بداها وراح يعذبها ولدها حتى فاقت على روحها
منار : قابل نجي غدوة عندك لشركة
مراد: بشرط
منار: ايه نقبل بشرط
مراد: بصح مازال ماعرفتيهش
منار: معليش نقبل
مراد: تبوسيني
منار توترت ماجاش لبالها شرط هكذا حتى نطقت
منار: امممممم اوك وغدوة تروح معايا سارة باسكو ماحبيتش نجي ونمشي وحدي قابل
مراد: امممم أحسن ماجي وحدك هيا نفذي شرطك
قربت منو وباستو في خدو وهو تقلق حتى عيط عليها
مراد: انا خوك يا حطبة تبوسيني من خدي ماتنوضليش*****
منار: ماتعيطش عليا مشي شوية برك تعيط عليا
مراد: نتي تخلي العبد يعيط
منار قربت منو وحطت شفايفها على شفافو اصلا هيا كانت شاهية تبوسو جات تبعد حتى قربها ليه وبدا يبوسها بعنف وهي متفاعلة معاه حتى عضاتو وهو عيط وبعد
مراد: خ***** وشبيه س****** تعضي
منار ضحكت: تشهيت نعضك عضيتك ماخليتهاش في قلبك وفي قلب
استوعبت واش جات تقول
مراد: وفي قلب شكون تان
منار: والو انا غلطت برك وجعتك
مراد: خلاص روحي ارقدي
منار عنقاتو ماحبتش تطلقو وهو حار فيها وشبيها
منار : ترقد معايا فاهم
مراد: مراكيش تشوفي فيا بحوايج تاع خدمة جيت برك قابلتيني بالقيا ممبا تدواش ماخليتينيش ندوش
منار: حطني وروح دوش
حطها في سرير وراح خذا دوش خرج راح لدريسينغ لبس سروال ومن فوق عريان كالعادة راح رقد قدامها وهي حضناتو وقاعدة تشم في ريحتو هو ماراهوش فاهم حالتها
منار: ريحتك تهبل
مراد: وشبيك اليوما ماراكيش نورمال كشما كليتي وحاجة أثرت فيك
منار: لالا راني مليحة برك عيانة
مراد: ارقدي دوكا خلي العبد ترونكيل يا حطبة
منار:مانيش حطبة
مراد: حطبة تاعي
منار زادت حضناتو وهو زير عليها ويشم في ريحتها حتى غفاو في حضن بعض

رايكم جماعة ❤️