القاسي والبريئة (قصة جزائرية🇩🇿)

✨الحلقة 70✨

كان الصمت سيد المكان وصوت الأنفاس برك لتتسمع مايقاطع هذا الهدوء إلا تلفون يصوني خرجاتو من صاكها ورفدت
ياسين:آلو إيناس صفا
إيناس : وي حمد الله كشما صرا ياسين في الخدمة
ما إن سمع الإسم وفكرة انو راهي تهدر مع راجل زير على قبضة يديه وزاد في سرعة ماعلابالوش علاش ماعجبوش الحال
ياسين: سقسى عليك المدير بصح راني حليتها قلتلو بلي صحبتها في سبيطار وكان لازم عليك تروحي
إيناس: مرسي ياسين مانننساش خيرك
ياسين:بلا مزية راكي كي ختي وكيفاه راهي صحبتك ولات صفا
إيناس:حمد الله راهي لباس
ياسين:هيا حمد لله نخليك دوكا
إيناس:نتلاقاو إن شاء الله بسلامة
مشي جايبة لخبر لهذاك لراهو قدامها لي شاعلة فيه النار ما إن سمعها قالتلو نتلاقاو فرينا بقوة حتى خبطت راسها راحت وولات من كثر ما فرينا بقوة
حولت عينيها ليه وهي شادة قلبها ومخلوعة هدرت بصوت عالي
إيناس: وشبيك هبلت اذا راك حاب تموت موت وحدك ماتقتلنيش معاك
حكمها من ذراعها بقوة لدرجة تأوهت
هدر وهو مزير على سنيه
مجد: ماترفعيش صوتك عليا فاهمة
اول مرة حست بخوف منو عمرها ماشافتو وصل لهذي درجة هدرت بصوت مخنوق غالبة عليه الغصة وعينيها لي راح يدمعو في عينيه لي غالبة عليهم الغضب
إيناس:اطلقني من يدي وجعتني
في لحظة سهى في عينيها اللامعين بدموع وهي ماقدرتش تتحمل وجع من كثر مازير على يديها حتى طاحتلها دمعة من عينيها لحاولت تحكمها ماقدرتش ماتحبش تضعف قدام أي واحد خاصتن اذا كان راجل من دمعة ولاو دموع فاق من سهوتو على صوتها ضعيف لمخلط بغصة وبكا
إيناس: مجد اهئ اهئ اطلق ذراعي
تصدم كي شافها تبكي طلق ذراعها لي ترسم فيه اصابع يديه من كثر شدة تاعو القوية ،بخفة حكمها من خصرها مقربها ليه وهي خرجت من فمها شهقة قرب من وجها رفد يدو وحطها على خدها بإبهمو مسحلها دموعها غمضت عينيها بدون ارادتها ماقدرتش يتحكم في روحو قرب وباسها بحنية هي مااستوعبتش فعلو كانت في حالة غياب من كثر خوفها كي شافتو لاول مرة مقلق هكا ووجع تاع ذراعها حطت يديها على صدرو وبدات تدفعو وهو والو ماحبش يبعد مشي متحملة تصرفو حس بيديها تحاول تدفعو بصح راهي تدفع في حجر ، ماحس غير بدموعها  لقاعدين يهبطو بعد بشوي منها قابل وجهو مع وجها لي عينيها كانو مغلوقين وتبكي بساكت طلق يديه من خصرها فور ماحست طلق من خصرها بعدت لزجاج طونوبيل
ماجا وين يهدر حتى دار وجهو لجهة لوخرا من كف لي مدتهولو
إيناس: أخر مرة  تقرب ليا واش حاسب روحك ااا لهذي درجة نتا شخص حقير
دور وجهو لناحيتها وهدر بهدوء عكس البركان لشاعل داخلو
مجد: خليني متحكم في روحي أحسنلك ماتخلينيش نتعامل معاك بطريقة ماتعجبكش وسڨمي هدرتك
إيناس ضحكت بفقصة
إيناس: نسڨم هدرتي نتا لسڨم تصرفك معايا نتا لي غالط لفجأة مانعرف واش صرالك كي المهبول فرينيت وزيرتلي على ذراعي لواقيلا تكسرت ڨاع
مارجعلهاش علابالو اذا بقى معاها يهدر ماتخلاصش بيناتهم

في القصر:
فتحلها باب الطونوبيل جا يرفدها حبساتو
منار: لالا ماترفدنيش راني حابة نمشي
مراد: كيما تحبي
عاونها هبطت دخلوا داخل لقاو خديجة وسارة والجدة فاطمة يڨسرو
رحبوا بيهم
قعدت منار معاهم
فاطمة:صليحة (رئيسة الخدم)
جات تجري وقفت قدامها
فاطمة: صليحة وجدوا طابلة الفطور
صليحة: حاضر
خديجة: يخي ماراكي تحسي بحتى وجع بنتي
منار: لالا ماما راني مليحة حمد لله
سارة: منار قوية
منار: ههه كيما نتي سرسورة
فاطمة: لازم تاكلي بنتي هذا هو صح
منار: إيه نحاول مع انو ماعنديش شهية
مراد: تاكل بسيف على جدها
صوتو جا فجأة عليهم
منار: أصلا أنا كلش يجي بسيف عليا
مراد:نتي لتخلي لواحد يسيف عليك
دور عينيه على صالون مالمحش خوه ولا إيناس
مراد: ماجاش مجد
منار: مزال يخي إيناس معاه طولو يخي مشاو معانا مافهمتش علاش طولو
دخلت إيناس عليهم حالتها تبان شوية أنورمال بصح حاولت تتصنع أنو راهي مليحة ومجد موراها
منار: أيوه شرفتو كنا نهدرو عليكم علاش طولتو
مراد: علاش طولت مجد
مجد: سيركيلاسيون
راح وخلاه طالع لشمبرتو
مراد شك انو حاجة صرات حتى حالة إيناس مشي عاجباتو
منار: إيناس وشبيك
إيناس: راني عيانة برك
منار:افطري وارقدي دار دارك تان
إيناس: لالا نروح لداري منار
منار: لالا نتي راكي ختي تقعدي هنايا دبري راسك وماغضتكش أنا كي راني مريضة ومصابة برصاصة
إيناس ابتسمتلها
إيناس: كيفاه ماتغيضنيش ختي لعزيزة
عنقو بعضاهم

في بلاصة خلاف:

مجهول: كيفاه هاذي مالحقتش السلعة
خبط طابلة
ڨارد مهبط راسو ونطق: سيدي كاين شخص مجهول ماخلاش سلعة نستلموها و
مخلاهش يكمل هدرتو وجاتو رصاصة في راس
مجهول:مخدم حيوانات عندي
عيط بأعلى صوتو خرج من بيرو نيرانو شاعلة أمر الڨارد يحوسو على الفاعل لماخلاش السلعة يستلمها
ڨارات طونوبيل على جنب لي خرج منها فاضل لفهم انو كاينة حاجة
فاضل: واش كاين واش صرا
مجهول: نتا وين كنت انطق
فاضل: كنت في داري وين كنت
شنق عليه ونطق بحدة
مجهول: ياويلك تكون عندك يد في موضوع هذا
فاضل: واش راك تخلط ووشمن موضوع ماراني فاهم والو
مجهول: هجموا على رجالي في الساحل ومااستلمناش السلعة لكانت مهمة بزاف بالنسبة ليا وهذا المسؤول راح نلقاه ويا لوكان تحت لرض
فاضل: يخي واحد ماعلابالو بأمر سلعة وأصلا مايعرفوكش نتا لجيت تستلمها راك مجهول الهوية وأنا خاطيني موضوع هذا
مجهول: دوكا تعيط لرئيس المركز تخبرو بواش صرا ويحققوا في موضوع فهمت دوكا
فاضل: إيه راح نعيط اطلقني
طلقوا بقوة جبد تلفونو ودار رقمو حتى تفتح الخط ودار الباف باش يسمع معاه
فاضل: آلو سيدي الرئيس
الرئيس: علابالي بواش صرا كيفاه تتهاونو في أمر هاذي السلعة يخي علابالكم بلي مهمة مسيو فاضل.
فاضل: سيدي ماتوقعناش بلي يكونو راح يكشفوا هاذي العملية خاصة أنو سرية و
ماخلاهش يكمل ونطق بعصبية
رئيس: بسباب تهاونكم سلعة هاذي كانت مهمة بزاف وكانت راح تساعدنا لذلك إذا ماكشفتش شكون عطل هاذي مهمة وجدوا رواحكم نتا و*****(مجهول)
كوبا عليه ديراكت
في القصر:
كملوا فطور دارو قعدة في الجاردة كانوا مجموعين كاملين من غير مجد
صونا تلفون مراد ناض من مكانو باش يهدر
ڨارد: تمت المهمة سيدي
ابتسم بجنب ونطق: هيا مليح سلعة وصلت في للمصنع بأمان
ڨارد : إيه سيدي
مراد: وزع الرجال مانسحق حتى غلطة تصرا مفهوم
ڨارد: حاضر سيدي
كوبا عليه ماحس غير كي وقف قدامو مجد
مراد: وشبيه وجهك مقلوب
مجد: راني عيان برك وزيد مقلق من خدمة لطايحة علينا في شركة
مراد: كاين أنس راهو يخدم يعاونا وزيد أنا تان نخدم وخلاص نتعاونو كامل علاه مكبرها
مجد: امممم نتا بالنسبة ليك كلش ساهل
قاطعهم جاسر لوقف قدام مجد لي بدورو رفدو في يدو
مجد: واش اا فصعون
جاسر: ماتقوليش فصعون راك كبير اا عمي
مجد ضحك ومراد تان
مجد: هههه تعلمت تهدر كالكبار اا جاسر
جاسر: امممم تعلمت منك
مجد: ههههه لالا خرجت لباباك
مراد: واذا خرج ليا واش خصو يخي صح اا ولدي
جاسر: إيه صح بابا زين حاجة مانقصاتو
مراد: ايوه يا ولدي ارواح عندي
خذاه من مجد
مجد: تتفاهمو نتوما عليا هكا يا جاسر دير لعمك
جاسر: معليش سامحنا
مراد: ههههه راهو طلب منك سماح
مجد: مسامح مسامح أصلا والفت معاملتكم
فاطمة عيطتلهم باش يجو يشربو أتاي

علابالي قطعت عليكم فترة وطولت وراح نرجع بإذن الله ومبقاش بزاف للنهاية تاع كرونيك نتمنى تتفاعلوا معايا وصحة عيدكم كل عام ونتوما بخير 🫀🤍🥀