القاسي والبريئة (قصة جزائرية🇩🇿)

✨الحلقة 53✨

جاسر جات في بالو فكرة انو يخليهم حتى يروحو يرقدو ويخرج سمع الباب راح يتفتح مثل انو مزالو راقد دخلت ليه إيناس لقاتو راقد عاودت خرجت
إيناس: مزالو راقد
هيثم: ايه تعب،انا نروح نرقد عييت نهار كامل نجري
أدهم: اصلا نتا شكارة تع رقاد أنا عندي خدمة نروح نفريها دوكا
إيناس: انا نروح مالا نرتاح شوي
كل واحد دخل لشمبرتو وجاسر فتح الباب بشوي مالقا حتى واحد في صالون راح باش يفتح الباب تع برا لقاه مغلوق تأفف
جاسر: اففف علاه غلقوه
لمح مفتاح فوق طابلة مالحقش يجيبو راح جاب كرسي وطلع فوقو وجابو ماعرفش يفتح الباب مع هو صغير حاول حاول حتى تفتحلو وفرح وخرج وغلق الباب باش مايفيقولوش خرج البرا وزفر
جاسر: اففف كيفاه ندير مانعرفش طريق ودار تع بابا ممبا
كان واقف في طريق ويشوف ناس حارت فيه طفل صغير ووحدو
...................................................................
كان يهدر في تلفون ويسوق
مجد: خلاص خلاص كوبي دركا ماتزيدش الهدرة معايا قلبو معمر ونتا تزيد على*******
كوبا عليه ديراكت اصلا كان مقلق من إيناس كي شافها مع أدهم كان يسوق حتى يشوف جاسر في طريق مع لول كذب روحو مش مصدق حتى حبس الطونوبيل وهبط منها وتأكد بلي صح هو في طريق وحدو استغرب واش راهو يدير وحدو هنايا راح ليه
مجد: يا بطل واش راك دير هنا وحدك
هز جاسر راسو ليه وعرفو بلي نفسو لشافو في سبيطار
جاسر: نتا نفسو لشفتك في سبيطار مع خالتي إيناس
مجد: ايه نفسو راك عرفتني  جاوبني واش راك دير هنا
جاسر: حاب نروح لبلاصة
مجد: وشمن بلاصة
جاسر: عرفت بلي عندي بابا وحاب نروح عندو
مجد تصدم معنتها اصلا كان علابالو بلي جاسر ماعلابالوش بلي مراد باباه وهاذوين عرف
مجد: وسمو باباك
جاسر: مراد على مانظن لقبو القاسي
مجد تبسملو ورفدو في يديه
مجد: راح نديك عند باباك يا فصعون
جاسر: وانت وين تعرفو
مجد باسو في خدو
مجد: عارف انو انا خوه وأنا عمك
جاسر فرح
جاسر: ياي معنتها نتا عمي و راح تديني نشوف بابا
مجد: راح نديك يا فصعون
جاسر: علاه تقولي فصعون يا عمي مجد
مجد عجبلو الحال كي قالو عمي دمعة طاحتلو ومسحها وهدر مع نفسو: جابلي ربي راح نشبعو بكا ليوما
مجد: راح نديك تشوف باباك هيا نديك لدار يمكن يكون فماك
جاسر: امممممم مهم نشوفو
مجد: ونتا كيفاه قدرت تهرب والحراس كاينين يخي
جاسر غمزلو وحكى: بطرقي الخاصة
مجد تصدم فيه نفس تصرفات تع مراد
ركبو مجد معاه في طونوبيل متجهين للقصر
.........................................................................
كان مراد في المصنع يخدم خدمتو بعدما وصلولو اخبار على سعيد وفاضل على مكانهم الأصلي حتى يصوني تلفونو ورفد
فاطمة : ولدي عيشك ارواح حبيت نشوفك ودرتلك ماكلتك مفضلة حتى سارة وأنس هنايا
مراد: علاه تعبي روحك يا جدة نتي راكي مريضة وتعبي روحك
فاطمة: معليش ولدي مشي خسارة فيك ارواح راني نستنا فيك
مراد: امممممم جاي
كوبا عليها وناض راح ركب طونوبيلتو وديمارا ديراكت للقصر وصل نزل دخل كان تعبان تلاقى بفاطمة
فاطمة: جيت ولدي هيا تتعشى
مراد: دقيقة جدة نروح ندوش ونهبط عيان
فاطمة: ايه معليش ولدي
كان طالع في دروج حتى يسمع صوت طفل صغير يضحك ماأمنش مع لول قال راني تخيل حتى سمع صوت مجد تان يضحك دار يشوف حتى يشوفو رافد جاسر ويضحكو هو استغرب ومن جهة فرح كي شاف جاسر هنايا في دارو شافو جاسر وهبط من حضن مجد وراح يجري لمراد ومراد تان هبط يجري من دروج
جاسر: بابا
مراد مااستوعبش كلمتو وعنقو جاسر ومراد عنقو تان وزير عليه فرحان كشافو مرة زاوجة تان
جاسر: حبيتك من نهار تلاقينا ومع لخر خرجت بابا
مراد مافهم والو جمد في بلاصتو بعد عليه وحكمو جاسر من وجهو بيديه صغار
جاسر: فرحان بزاف كي نتا بابا
مراد تصدم ماقدرش يستوعب حتى بداو يطيحولو دموع من عينيه لسانو تربط ماقدرش يهدر قعد هكاك جامد ودموع يطيحولو
جاسر: نتا بابا حقيقي وماما منار
مراد جمد في بلاصتو ومش مصدق ليسمع فيه ودموع يطيحولو حتى يهدر بصعوبة
مراد: سمعتو واش قال قال بلي أنا باباه
فاطمة تبكي بصوت ومجد دموع يطيحولو حتى نطق
مجد: ايه هو ابنك ومنك ومن دمك نتا ومنار
مراد ماقدرش يستوعب كامل مصدوم في الحقيقة لي عرفها من جهة فرحان بزاف ومن جهة زاد حقدو على منار وعلى أنانيتها
حتى نطق
مراد: نتا ولدي
جاسر: امممممم ونتا بابا
مجد وفاطمة وسارة وأنس عرفو وكانو فماك يشوفو ودايرين حالا بالبكا متأثرين بالمشهد ليشوفو فيه
باسلو مراد يديه صغار وقاعد يبوس فيه في وجهو وحضنو وهو يبكي بالسكات ودموع يطيحولو لدوك مش مستوعب انو عندو وليدو اصلا من لول حس انو طفل هذا قريب ليه خاصتن الشبه لبينهم قاعد حاضنو لمدة ومزير عليه حتى بعد عليه
جاسر: بابا ماتبكيش يخي راني هنايا
مراد: امممممم فرحان كي جيت ولدي
جاسر: حتى أنا فرحان كي جيت بابا
مراد: نتا جاسر القاسي
جاسر: جاسر القاسي رجع اسمي شباب معاه دوكا
مراد ابتسملو وزاد عنقو ولوخرين يشوفو ودموع يطيحولهم  مشهد يبكي بزاف وصعيبة انو تعرف عندك ولد بعد 5 سنين
حتى يسمعو صوت الحس في خارج والحراس حتى دخل هيثم يعيط
هيثم: جاسر جاسر وينك
شاف هيثم جاسر مع مراد جمد في بلاصتو وفهم بلي تكشفت الحقيقة دخلت موراه إيناس معاها أدهم وشافو الحالة كيفاه وفهموا الحكاية حتى دخلت منار اخر وحدة تجري قلبها حبس من انو تكشفت الحقيقة مش قادرة تتقبل فكرة انو جاسر يبعد عليها موحال يصرا هذا الشئ بقات تشوف حتى جا يجري جاسر عندها وهي عنقاتو ومزيرة عليه
جاسر: ماما هذا بابا وماخبرتينيش
منار تربط لسانها وتسمرت في بلاصتها حتى بعدت على جاسر
منار: ولدي علاه خرجت بلا ماتقولي
جاسر دار شنوفة شنف عليها وهدر
جاسر: زعفان منك كي خبيتي عليا بابا
منار دموع طاحولها ومسحتهم تمتم حتى يقرب مراد
مراد: مجد خلي جاسر معاك
منار خافت من فكرة انو جاسر يبعد عليها ماتحس غير بيد مراد حكمها من يدها بقوة وجرها وراه وهي تحاول تنحي يدها منو عرفت بلي نهايتها خاصتن كي شافت عينيه مظلمين والحقد ليبان فيهم
فاطمة: ولدي اتهدن بلاك كشما تأذيها
هيثم: ماعندكش الحق تديها هكا
مراد: ليتدخل يعرف حسابو مع******* فاهمين
سكتو كامل مالقاو مايديرو خايفين كشما يديرلها وهو في حالتو هاذي
دخلها لشمبرة ورماها فلرض وخبط الباب وغلقو بالمفتاح حط يدو ورا راسو في شعرو  مافاقت غير بيد خانقتها من رقبتها الغش عماولو عينيه حتى فاق على روحو كشافها راح تفقد وعيها طلقها طاحت فلرض تكح وبدا يعيط
مراد: كيفاه هاذي تخبي ولدي عليا كيفاه قدرتي تبعديه عليا كيفاه كيفاه لهذي درجة وصلتي أنانية لهذي درجة نصفقلك على مجهودك وعلى لعبتك
منار بقات ساكتة ودموعها يطيحو في سكات  غاضتها حالتو وقلبها يبكي دم عليه عارفة انو جرحاتو وبزاف حتى حكمها من شعرها وزيرلها عليه ونوضها خبطها مع الحيط وظهرها حساتو تكسر وقرب وجهو منها
مراد: راح نعذبك كيما خليتيني نتعذب في غيابك راح تشوفي وجهي لماشفتيهش وراح نعذبك عند طريق نبعد عليك جاسر كيما بعدتيه عليا وكيما قسمتيلي قلبي راح نقسملك قلبك
منار: موحال تقدر ديرها موحال أنا أمو ماتقدرش تبعدني عليه
مراد: نديرها فاهمة نديرها وندير ماكثر راح نوريلك ليلعب بمراد القاسي واش يصرالو راح نشويك كيما شويتيني
منار شافت في عينيه ماشافتش مراد لراهو قدامها وحش
منار: لالا موحال تبعدو عليا جاسر ابني وانا ربيتو موحال تبعدو عليا
مراد ضحك ضحكة وخوفتها
مراد: من يوما انساي انو عندك ولد حطيها في عقلك خ***** هذا وراح نعذبك
منار: لالا مانخليكش تبعدو عليا فليلة هاذي عيشك خليه عندي ليلة هاذي برك
مراد: نتي أسوء مرا شفتها في حياتي راكي تشوفي في هذا القلب
أشار بيدو لقلبو
مراد: حرقتيه وراح يحرقك كيما حرقتيه
منار قلبها تقسم وعرفت بلي خلاص قتلاتو وقلبها حست خناجر تغرسو فيه دوك واش يصبرها كياخذ جاسر لكانت صابرة بيه على فراقو كانت تشوف في جاسر تصرفاتو وتفاصيلو وريحتو وشكلو وكلش
بعد عليها وراح فتح الباب وهي موراه وتبكي وتحلل فيه
منار: مستحيل نخليك ديرها مراد مستحيل تبعدو عليا
هبط لتحتا وهيا لحقاتو تجري تحتا وشافو مجد وجاسر فماك راحت منار تجري عند جاسر عنقاتو وتبكي ولي فماك كامل تأثرو وفاطمة حطت يدها في فمها وتبكي وإيناس وسارة كيفكيف اما مراد بارد كلي ماكان والو بصح قلبو محروق من داخل مدمر حتى بعد عليها جاسر ومسحلها دموعها بيديه صغار
جاسر: علاش تبكي مامي مانيش زعفان منك خلاص سامحيني ومسامحك انا ثاني
منار باستلو يديه جا مراد يديه من منار حتى تحبسو فاطمة بكلامها
فاطمة : عيشك ولدي خليه عندها فليلة هاذي وغدوة افرزوها صعيبة تبعد الولد على يماه
مراد: وصعيبة تان بعد الولد على باباه
فاطمة: عارفة وجعك يا ولدي برك ليلة هاذي خليه عندها
مراد: امممممم غدوة نفرز كلشي وتنسى ولدها
فاطمة سكتت مالقات ماتقول حتى جاسر راح عند مراد ومراد رفدو بين يديه
جاسر: بطل تاعي نتا
مراد: ياه ونتا فصعون تاعي
جاسر: خرجت كيفك فصعون
مراد ضحك وعنقو ومنار دموع يطيحولها عاجبها الحال كراهي تشوف المشهد هذا بصح قلبها تحرق على واش يستناها
مراد: شوف يا فصعون بات اليوما مع ماماك وغدوة نجي ليك
جاسر: علاش مانباتوش كامل كيفكيف
مراد شاف في منار ومنار تان علابالهم هذا شئ مستحيل العيلة شافت نظراتهم عارفين انهم مزال الحب في قلوبهم برك مجروحين وميبسين راسهم
مراد: معليش جاسر غدوة نجي ليك أوك
جاسر: ايه
باسو مراد من خدو

جماعة اتفاعلو تعبت وانا كتبت هذا البارت وهو أطول بارت ونتمنى عجبكم مشهد جاسر ومراد واعطوني رايكم في تعليق على البارت ❤️