القاسي والبريئة (قصة جزائرية🇩🇿)

✨الحلقة 64✨

في القصر:

أنس: لدوك ما بان عليهم والو خايف كشما يصرا
مجد: بصح نتا يخي بعثت رجال وراه كيفاه ضيعوه
أنس: ماعلاباليش
مجد بالعياط: افففف مالازمش يصيرلهم شئ وحنا لازم نتدخلو فاهم
دخلو في هاذي دقيقة عليهم هيثم وأدهم وايناس وهوما كانو قاعدين في صالون
هيثم: ونراه مراد
أنس: مابان عليهم والو لحد الآن
إيناس: كيفاه هاذي لدوك مزال مابان عليهم والو هو سباب في كلشي انا مهم تكون منار مليحة كانت لباس بيها مع جاسر حتى هو رجع لحياتنا ودمرها ط*****
مجد بالعياط: سكري****** تع فمك لنجي نكسرهولك سڨمي هدرتك
إيناس بالعياط: مادخلش روحك في فمي حرة فيه ونهدر واش نحب كي نتا كي خوك ل*****
قرب ليها مجد مابقاش ويضربها حتى يوقفو أدهم
أدهم: خلاص قي زوج اسكتو علينا مش وقت مضاربتكم
مجد: اقعد بعيد نتا مادخلش روحك
أدهم: كيفاه ماندخلش روحي وماعندكش اصلا الحق تعيط عليها ك*****
ضربو مجد بوكس على وجهو حتى سال من فمو دم
هيثم: مشي وقت تمسخيركم ونتا وقت ضرب في وقت خوك مابان عليه والو
إيناس: خامج
مجد جنون حمرة دارو بيه من كلمتها حكمها من يدها وزير عليها وهيثم يحاول ينحيلو يدو وانس تان بصح بلا فايدة
مجد: ايناس ماتزيديش الهدرة بزاف سڨمي هدرتك ماتخلينيش نتعامل معاك بطريقة******
إيناس: بعد يدك عليا
زاد زيرلها على يدها حتى توجعت
مجد بالعياط: اخر مرة تهدري معايا بهاذي طريقة فاهمة
إيناس: بعد يدك عليا دوكا
بعد عليها وراح خرج
هيثم: إيناس حتى نتي ماتخليش لسانك يسبقك مش وقت هاذا شئ
إيناس: خلاص ماتزيدش عليا ادهم راك مليح
أدهم: مليح
أنس: دوك نزيد رجال باش يزيدو يحوسو أكثر

في الغابة:

صوت رصاص داير حالا رجال موراهم يجرو لمحو دار تبان مهجورة
مراد: هيا ندخلو هنا
دخلو تخباو في بلاصة مغطية ومنار حاسة بخوف
منار: مراد خايفة
مراد: من واش تخافي وانا راني معاك ولكان مانيش خايف عليك راني واجهتهم
منار: خايفة عليك منهم هوما حيوانات
مراد: أنا مرانيش قليل منهم انا القاسي زعيم المافيا وراح نوريلهم الشيطان واش يدير
شافت منار نظراتو ماتنكرش بلي خافت كانو مش نفسو مراد كيما يعاملها
منار : خايفة عليك و
ماكملتش هدرتها وسمعو صوت منار ترعبت
مراد: اقعدي هنا دوك نرجع
منار شداتو من يدو ودموعها بداو يطيحو
منار: لالا عيشك ماتروحش اديني معاك اهئ اهئ
مراد مسحلها دموعها
مراد: مايصرا شئ نشوف برك ونرجع مانطولش
منار: اوعدني ترجع وماطولش
مراد: وعد اا زينة عيد قلبي
باسها من راسها وراح خرج بشوي وهي بسيف باش طلقتلو يديه

محضنة روحها مرو 10 دقايق بدا القلق يجيها
منار: ياربي احميه ياربي كون معانا
دموعها يطيحو وهي تمسح فيهم وتحاول تقوي روحها
منار: وشبيك هكا رجعتي ضعيفة لازم تقوي نفسك مالازمش تنهاري الوقت هذا لازم تكوني قوية
سمعت صوت مشي خوف تسلل قلبها قوات روحها ورفدت في يدها حطبة طويلة وراحت تمشي بشوي وتخبات في بلاصة قدام الباب شافت راجل باين من هيئتو يكون من رجال لراهم يحوسو عليهم سمعت هدرتو
*****: نحوسو هنا تان ونشوفو
سمعت واحد رجعلو من برا
******: حوس نتا داخل مليح وانا برا علابالك اذا مالقيناهمش سعيد يذبحنا
*******: إيه عارف لازم نلقاوهم
شافتو دخل خبطاتو على راسو وطاح مغمي عليه وهي ترجف رفدت سلاح لطاح في الارض منو باش تحمي نفسها بيه حمدت ربي كي تعرف التصويب
خرجت بشوي حتى يعارضها راجل لوخر ضرباتو بسلاح في رجلو طاح ماسمعت غير صوت رصاص مش بعيد وتمتمت
منار: مراد
خوف تسلسل قلبها خايفة يصرالو شئ راحت تجري من جهة صوت رصاص حتى تشوف رجال محاوطين بمراد كاش 4 رجال و2 ميتين
جا واحد منهم يضربو بالسلاح ومراد كان لاهي بواحد حتى تصوب عليه منار سلاحها وجابتو جثة على لرض ومراد استغرب وزادت صوبت سلاحها على كامل رجال حتى طاحو جثة دور مراد راسو شاف منار
راحت تجري عندو وحضناتو وهو حضنها بعدت عليه شوي شافتو مجروح من جهة فمو وفي حاجبو حطت يدها على حاجبو ودمعة طاحتلها
مراد: بطلتي سلكتني
منار: مزية لحقت سواسوة راهم جرحوك في وجهك
مراد: راح نلقنهم درس غالي مزال مايعرفونيش مليح
منار: امممممم المهم انك بخير
مراد: منين تعرفي تستعملي سلاح
منار: من بكري عندي مهارة تع تصويب وبابا علمني كي كنت صغيرة
مراد: امممممم نتي مرت القاسي اا زينة قلبي
حضناتو وهو تان حتى بعدو شافت في كتفو لقات جرحو ينزف
منار: جرحك راهو ينزف فورصيت على كتفك
مراد: معليش مش وقتو هيا نزيدو نمشو
منار: كيفاه هذا نزيدو نمشو جرحك راهو ينزف وراح تحس بدوخة وشبيك مش حاس
مراد: هاذي بالنسبة ليا والو ذقت كترمن هك
مراد شاف فيها بضبط في عينيها  كي هدر ماعلابالهاش علاش حست في عينيه ألم كهدر هاذي الهدرة حكمها من يدها وجرها وراه هدرت مع نفسها
منار: واش عشت حتى رجعت هكا يجي نهار وتحكيلي عارفة راح تحكيلي
كملو يمشو حتى تشوف منار زوج طونوبيل كحولة مڨاريين في بلاصة مخبية
منار: مراد شوف طونوبيلات
شاف وين راهي تشوف جبدها من يدها وتخباو ورا شجرة حتى يشوفو سعيد هبط من طونوبيل وفاضل كان فماك لز مراد على قبضتو ومنار لاحظت غضبو وخايفة يتهور
منار: سيي احكم روحك مراد
مراد: هيا نروحو لكان ماراكيش معايا راح تخلصت منهم خايف عليك برك
مايحسو غير بصوت رصاص خرج ورجال دايرين بيهم منار ترعبت ومراد خلى ملامحو باردة منار شدت روحها وقوات نفسها شدت في يد مراد اكثر حتى يهدر اسوء صوت

سعيد: اوه القاسي واخيرا لقيناك علاش تهرب مني يا الخواف
مراد: حذرتك من قبل ماتلعبش معايا ولا تسيي تخرب في ساحتي وانا من لول عندي حساب معاك دوكا حضر لموتك
ضحك سعيد بصوت
سعيد: سمعتو فاضل قال بلي نحضر لموتي القاسي مش شايف كمية الرجال لدايرين بيه مزالو واثف من نفسو
فاضل وجه نظرو لمراد لي كانو نضراتو قاسية وباردة ولكان يصيب يقتلو
مراد: واش فاضل ولا نقولولك عمي ولل الخاين خير واش نقولولك
فاضل:نبقى عمك مهما صرا حطها في راسك
مراد ضحك ضحكة لخوفتهم ومنار كانت ساكتة وتشوف
مراد: وشمن عمي تع ******* حذرتكم من قبل مادروش في ساحتي بصح حبيتو تلعبولي بأعصابي وزيد استغليتو نقطة ضعفي ي*****
سعيد: ااوه على فكرة مرتك شابة وحلو
ماكملش هدرتو حتى ضربو مراد بوكس لوجهو شدوه رجال سعيد ومنار شدوها ثاني
منار: اطلقوني يا الكلاب
من رجال لشادينها جا يمسها سعيد وهي دورت وجها ومراد حالتو مش أقل منها فك روحو من يدين رجال وضربهم واحد ضربو بوكس على وجهو دمدمو وهوما ماقدرولوش واحد ضربو براسو وواحد بين رجليه وواحد في كرشو وخذالو سلاح ولوخرين كامل خافو طيحهم كامل راح عند سعيد حكمو وحط سلاح في راسو
مراد: يقرب واحد نقتلو ي******
منار: مراد
دموعها في عينيها
مراد: ماتخافيش
طمنها بنظراتو رجال كامل خايفين منو
سعيد: هههههه زعما تقتلني
مراد: ماتخافش راح نقتلك بطريقة خاصة ي******

رايكم جماعة في البارت واش تتوقعو يصرا ❤️