القاسي والبريئة (قصة جزائرية🇩🇿)

✨الحلقة 61✨

قاعد يمشي في الغابة لقاها كبيرة بزاف وقادر تضيع فيها وتنسى طريق الرئيسي تع ساحل قاعد يتبع في تلفونو بلاصة الكوخ بالضبط حتى طفالو تلفون وعيط
مراد: ن******* مشي وقت تخلاصلي الباتري
تنفس بقوة وتنهد وهدر مع نفسو
مراد: راح ننقذك ااا زينة قلبي اصبري برك
كمل المشي حتى يشوف من بعيد كوخ عرف بلي هذاك نفسو راح يجري حتى وصل وتخبى مور الشجرة شاف الرجال منتشرين فماك بصح ناقصين راح جيهة مور الكوخ وين ناقصين رجال شاف تاقة دخل منها بشوي شاف كرسي فماك طايح عرف بلب منار كانت هنا بصح دوكا ونراهي هكا قال مع نفسو حتى دخل واحد ڨارد بالغفلة ومراد ماكانش مركز حتى يحس رصاصة اخترقت جيهة كتفو في يدو دار وضرب الڨارد برصاصة راح ليه
مراد : وين البنت لجبتوها احكي وينها
ڨارد بسيف باش يهدر
ڨارد : ه هربت
ضربو برصاصة بين عينيه وهدر مع نفسو : وين هربت لازم نلقاها قبلهم لازم
شاف دم بدا يسيل لقا فماك قماشة دورها على جيهة الجرح مش سامع بروحو كأنو ماراهوش مصاب برصاصة  وراح خرج من تاقة
...........................................................
كانت تجري سمعت لڨارد يعيطو موراها ويجرو ورجليها توجعها بسيف راهي تجري حتى ماقدرتش تكمل تخبات في بلاصة مغطية بالشجر والحشيش وقعدت فيها متخبية ودموعها يطيحو ماتحس غير صوتهم لحق ويهدرو
ڨارد : مانلقاوهاش البوص يقتلنا
لسوء حضها كي تحركت دارت صوت سمعوه وشافوها
ڨارد : هايليك الحقوها
ناضت تجري حتى طاحت وجع رجلها زاد حتى حكموها وهي تعيط
منار: اطلقوني يا حيوانات
قاعدة تضرب في لي ڨارد لي حاكمها وهو ماحملش حتى ضربها كف
ڨارد : بلعي فمك يا
ماكملش كلامو حتى طاح في أرضو وصوت رصاص دار حالا ومنار مااستوعبتش حتى تشوف مراد قرب منها وهي دموعها شلال
راحت تجري سوطات عليه وحضناتو وتبكي بالشهقة حتى هو حضنها بقوة ومزير عليها لكان يلقى راهو دخلها بين ضلوعو طاحت دمعة من عينو ومسحها تمتم مش حاب يبينلها ضعفو والمشكلة الكبيرة أنو مصاب ومتحمل
قاعد يبوس فيها من رقبتها ويشم في ريحتها ويتأكد انو هي بخير
مراد : راني معاك راني هنا اشششش ماتبكيش ماتقتليش قلبي يا زينة قلبي
منار بعدت  بشوي شافو في عينين بعضاهم شافت كمية الخوف في عينيه
مراد: راكي مليحة يا عمري حاجة مراهي توجعك
منار دموعها شلال ونطقت بصعوبة
منار: مليحة مليحة كي راك معايا مش راح نخاف من حاجة
حط يدو على خدها وشاف أثار واحد ضربها وفمها فيه دم جنون حمرة دارو بيه
مراد: ط****** مدو يدهم عليك الموت راح يشوفوه راح نعذبهم تعذيب كي فكرو يمسو حاجة خاصة بيا
منار حطت يديها على لحيتو وخدو
منار: مش حابة نخسرك مش حابة هوما حيوانات خايفة عليك
مراد باسها من وجها ومن عينيها بكل صفة عامة قاعد يبوس في وجها كامل ودموعها زادو طاحو
مراد: ماتخافيش عليا يا روحي مش راح يصرا شئ ثيقي فيا كلهم راح يدو عقابهم ونتي حاجة ماتقيسك
باسها في جبهتها بوسة طويلة وبعد شوي وكمل كلامو

مراد : راكي زينة قلبي ومرتي وحياتي وكلش نتي لهوا لنتنفسو
منار قلبها دق بالقاوي قربت منو وحطت شفافها على شفافو وباستو وهو تفاعل معاها هذا واش قادرة تعبر على شعورها ليه قعدو متفاعلين يعبرو على وحشهم لبعضاهم وحبهم الكبير لي موحال يتنحى من قلبهم رغم كل المشاكل ماحبسو غير كي النفس راح يتقطع بعدو على بعض ينهجو حط جبهتو على جبهتها
منار: عارفة انك راح تحميني عارفة انك ماراح تسمح شئ يقيسني
مراد: كلشي بسبابي
منار بعدت عليه شوي وشدتلو وجهو بين يديها
منار: ماتحكيش هكا مش بسبابك نتا غايتك تنتقم من قاتل باباك وأنا راني واقفة معاك
مراد: المهم تكوني معايا
تأملوا في عينين بعض كل نظرة تعبر على الحب بيناتهم رغم المشاكل لمروا بيها بصح حبهم مزالو محفور
فيقهم صوت رجال يعيطو عرفو بلي لحقوهم تع سعيد حكمها من يدها
مراد: هيا
حكمت فيه وبداو يجرو ومنار رجلها قاتلاتها بالوجع سمعو صوت رصاص
مراد: هيا لازم نلحقو لطريق الرئيسي المشكل مش متذكر طريق الغابة كبيرة ورجالي ضاعو
منار: ايه نكملو نجرو ونشوفو وين نخرجو
كملو يجرو ومنار رجلها ماقدرتش ممبا تمشي عليها وليل بدا يطيح حبس في بلاصتو كي شاف من عينيها تتألم قرب منها
مراد: وشبيك واش واجعك
منار: هيا نكملو مش وقت نحبسو
مراد: خبرتك وشبيك واش يوجع فيك أحكي
منار شافت في عينيه
منار: رجلي برك طحت عليها راهي توجعني
هبط لمستواها هزلها رجلها حطها على ركبتو وهي قاعدة تشوف فيه ولإهتمامو بيها
مراد: ماتكسرتيش منها برك تفلعصتي
منار: امممممم مش حاجة كبيرة هيا نكملو
ناض ومااستوعبت كي رفدها ناسي جرحو لينزف مع انو توجع بصح خبى المهم هي تكون مرتاحة
منار: واش راك دير مكلاه تهزني نقدر نتحمل ونجري
مراد: مشي مليح تزيدي تجري عليها توجعك أكثر من دوكا
منار دورت يديها على عنقو وللحظة شافت جيهة كتفو دم وتخلعت وهدرت بخوف ودموعها بداو يطيحو
منار: مراد راك تنزف
مراد: مش وقتي انا
منار: تصاوبت وماخبرتنيش وقاعد تتوجع في سكات
مراد: منار مش وقت هذا الشئ المهم نلحقو لطريق رئيسي ولا كاش دار ندبرو رواحنا
منار: راك تتوجع
مراد شاف فيها
مراد: مش حاس بما أنو راكي في حضني وحبسي دموع وارحمي عينيك شابين مايستاهلوش البكا
منار: لهذي درجة أنا مهمة بالنسبة ليك
مراد: وأكثر ما تتخيلي يا زينة قلبي
منار باستو من خدو
منار: لازم جرحك نداووه
مراد: كي نلقاو بلاصة يا طبيبة تاعي
منار: هبطني نقدر نجري راك تتوجع وانا مش حاملة
مراد: ريحي عاقلة وسكري فمك ماتبدايش في هبالك
منار : نتا ماينوضلكش هبالك راك تتوجع ورافدني
مراد: موالف هكذا وهاذي ضربة خفيفة بالنسبة ليا
منار: بصح بالنسبة ليا لالا
مراد شاف فيها وسكت وكمل يمشي قاعدة تشوف فيه برك وعاجبها اهتمامو بيها شافتو بدا يتعب وهو يخبي في وجعو بصح عينيه كشفوه
منار: مراد عيشك هبطني
مراد: اسكتي عليا
منار: هيا نحبسو هنا نرتاحو شوي راهم ضيعونا بعدنا عليهم هبطني عيشك
شاف فيها وهبطها بشوي مسايسها وليل بدا يطيح
مراد: علأقل نلقاو دار قبل مايطيح ليل
منار شافت مع جرحو وبزاف ينزف
منار: اقعد هنا
مراد: مش وقت نضيعو وقتنا
منار: مراد خبرتك اقعد لازم نشوف جرحك عيشك
قعداتو وقعدت هيا قدامو كان لابس قمجة كحلة بدات تفتحلو في قفالي وهو قاعد يشوف فيها حتى نحاتهالو وشافت الجرح ينزف بزاف
منار: راهو ينزف بزاف كيفاه تصاوبت خبرني
مراد: راجل من رجالهم غفلني
قطعت شوي من فيستا الخفيفة لي لابستها وربطتهالو على الجرح وهو قاعد غير يشوف فيها مش حاس بوجع لي حاكمو هو ذاق كترمن هكا هذا والو بالنسبة ليه
منار: هكا باش مايزيدش ينزف وزيد حمى راح جيك بيدما نلقاو وين نقعدو
شافت فيه لقاتو غايس فيها ويشوف فيها بنظرات مافهمتهمش لدرجة هبطت راسها وحشمت وهو فاق على روحو وانتبهلها بلي حشمت حتى ضحك
مراد: حشامة تاعي حشمت مني راكي مرتي ااا حطبة
منار: مش وقت تمسخيرك حبس ماتزيد عليا نتا راك متصاوب وكلي مشي رصاصة دخلت في كتفك
مراد: هاذي اصابة خفيفة بالنسبة ليا
شافت في عينيه والالم باين منهم
منار: واش عشت في طفولتك ونتا ماحكيتليش على طفولتك
مراد: مش وقت سيرة هاذي هيا نروحو
منار: علاش مش حاب تخبرني
مراد: منار خبرتك هيا مش وقتها
منار سكتت ماحبتش تزيد عليه هدرت مع نفسها:
راح يجي نهار تحكيلي فيه عارفة عشت حوايج بزاف مش ملاح
لبس قمجة تاعو عاوناتو فيها خلاها مفتوحة ماغلقهاش جا يرفدها بعدت وحبساتو
منار: مش حابة تهزني حبيت نمشي
مراد: رجلك واجعاتك
منار: لالا نقص وجع دوكا
حكماتو من يدو
منار: هيا
مراد: راسك اا حطبة

جماعة رايكم في البارت اذا عجبكم ❤️