ناضت تتحرك في بلاصتها حتى فاقت ناضت بشوي لقات مراد مكانش ماعلابالهاش علاش حست بالخوف في قلبها كي مالقاتوش بجنبها ناضت تعيطلو منار: مراد وينك خرجت من باب الكوخ حتى لمحاتو في الواد 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كان الواد شوي بعيد على كوخ راحت تجري لعندو حضناتو وهو حضنها مراد: صباح الخير ااا أميرتي منار دموعها طاحو حاسة بالخوف مش عارفة علاش بعد عليها مراد شوي وشاف في عينيها مراد: علاش البكا دوكا منار: خايفة خايفة يصير شئ مسحلها دموعها وباسها من راسها مراد: ماتخافي من شئ بما أنو راني معاك فاهمة منار: حبس نزيف شافت في كتفو هو كان لابس قمجة فاتحها مراد: حبس يخي دويتيني اا طبيبة تاعي منار : امممممم دوكا كيفاه نديرو مراد: نقعدو شوي هنا ومبعدا نروحو نمشو في الغابة حتى نلحقو للطريق الرئيسي منار: اوك مراد نزل على رجليه وهي استغربت حتى شافتو حطلها رجلها على ركبتو مراد: رجلك مزالها واجعاتك منار: لالا برك تفلعصت وراحلي وجع طلع ليها ماحسو غير بصوت واحد يمشي مراد حط منار موراه حتى يشوفو مرا كبيرة في العمر هوما استغربو جميلة: ولادي واش راكم ديرو هنا مراد: حاجة ضعنا في الغابة منار: امممممم ضعنا هنايا جميلة: إيه تبانو من حالتكم أنا عندي هنايا كوخ صغير ساكنة فيه أنا وبنتي برك اذا حبيتو اوراحو تاكلو راني عارضتكم مراد شاف في منار هوما مش حابين يديرو ثقة في حد منار: لالا حاجة مكلاه تعبي جميلة: نجيبلكم ماكلة تاكلو عالأقل منار شافت في مراد لاحظو بلي مرا كبيرة وباينة من وجها حابة تعاونهم برك كي شافت حالتهم هكاك وهوما اصلا ماعندهمش ماكلة ياكلوها مراد: معليش حاجة جيبيلنا جميلة: ايه ولادي دوك نرجع ليكم مراد: شكراً حاجة معليش نسقسيك عندك تلفون تمدينا نهدرو منار: يعطيك صحة حاجة تعبناك معانا جميلة: ماعنديش ولدي تلفون انا حياتي كامل جايبتها هنا في الغابة وعادي ولادي انا من عادتي نحب نعاون الناس راحت لدارها جيبلهم ماكلة ومنار ومراد ماحبوش يحشموها وشافو من وجها بلي ناس ملاح وتحب تعاون ناس دخلت منار للكوخ حطت طابلة قدام الفوتاي لسڨماتو سڨمت حالة الكوخ بعدما كانت حالتو مخربة حتى تشوف مراد داخل ورافد في يدو صينية تع الماكلة حطها فوق الطابلة منار: يعطيها الصحة مراد: امممم شافت حالتنا هكاك علابيها هيا ناكلو
