القاسي والبريئة (قصة جزائرية🇩🇿)

✨الحلقة 67✨

حط جاسر مع العيلة ووصاهم و راح لغرفة نقل الدم جا يدخل حتى تفتح الباب وخرج منو فاضل
فاضل: كيفاه حالتها
مراد: مليحة ونتا كيفاه حتى تبرعت
فاضل: تبرعت لبنت ختي ومن حقك مش داير ثقة فيا بصح مع الوقت تفهم كلش
مراد: امممممم
جا يروح مراد حتى يوقفو فاضل

فاضل: رايح لسعيد
مراد دار ليه وشاف فيه خزرة واعرة
مراد: من دوك مادخلش نفسك ووشمن حق تسقسيني وين رايح
فاضل: اممممم خلاص ماهدرنا والو
راح مراد وتمتم فاضل
فاضل: تشبه لباباك بالضبط نفس تصرفات

خرج من السبيطار لقا أنس يستناه
أنس: ماراحش تشوف منار
مراد: أولا ماتنطقش أسمها على لسانك قدامي لنقطعهولك وزيد مش راح تنوض دوكا وأصلا مش قادر نشوف في عينيها وأنا مزال ماديتش روح سعيد
أنس: هههههه إيه خلاص ماقلت والو كيما تحب دير

ركب مراد في طونوبيل ومعاه أنس وديماراو للمصنع

إيناس: دكتور نقدرو ندخلو عندها ولا لالا
طبيب: من أحسن تخلوها حتى تفيق وادخلو عندها والحمد لله على سلامتها
راح لطبيب
خديجة: مش قادرة نستنى حابة نشوف بنتي
فاطمة: اهداي يابنتي نخلوها حتى تفيق أحسن وترتاح شوي
إيناس: ايه خالتي هيا دوكا نروحو لكافيتيريا لهنا لازم تاكلي خالتي سكر يكون هبطلك
خديجة: مش قادرة ناكل
فاطمة: يابنتي يخي منار قوية وراح تكون بخير كي خرجت سلامات من العملية
إيناس: ايه خالتي هيا
نوضوها وراحو لكافيتيريا لي كان فاضل فيها يشرب قهوة بعدما تبرع بدم
حتى شافهم قاعدين في طابلة وكان حاب يطلب سماح من خديجة وزيد من يماه لي خلاها تان
خلاهم يكملو ماكلة وينوضو ويروح عندهم
كملوا كلاو حاجة خفيفة وناضو تمشاو خديجة وفاطمة وإيناس راحت تخلص
لحقهم فاضل وحبسهم بصوتو

فاضل: يما
دارت ليه فاطمة وخديجة تان
فاطمة: واش حاب دوكا
جا يسلملها على راسها حبساتو ودموع في عينيها
فاطمة: حبس كيما راك نتا مش وليدي فاهم
فاضل وجعو كلامها ومن جهة عذرها باسكو عندها الحق
فاضل: عارف أنو غلطت وندمان عالشئ لدرتو بصح من جهة درتو لمصلحة شخص سامحيني ا يما وجربي تفهميني واعذريني
فاطمة: كيفاه نعذرك رغم كل شئ وزيد ختك لدرتلها حالا ومشاكل
شاف فاضل في خديجة لدموعها على خدها
فاضل: عارف ضلمتها وبزاف وأنا علاجال مصطفى من لول ماكنتش حابو وضلمتها كي اتهمتها بشرفها وهي كي هربت عينيا عماو ودرتلها مشاكل لدرجة راحت وماولاتش بسبابي وكنت غالط على واش درت وسامحيني ختي
خديجة: موحال نقدر نسامحك اا فاضل نتا درت حالا في حياتي وماثقتش فيا غير خويا أحمد الله يرحمو لوقف معايا وثاق فيا
فاضل: عارف ونتمنى تسامحيني
خديجة: رغم كل شئ نشكرك كي تبرعت بدم لبنتي أنا لكان مشي مريضة راني قدرت نتبرعلها
فاضل: هي تكون بنت ختي ومادرت والو كي تبرعتلها
فاطمة تشوف وساكتة هي ماذابيها يتصالحو ولادها وتشوفهم مجموعين بصح القدر غير كل شئ وتفرقو ولادها من نهار مات راجلها ربي يرحمو لي يكون باباهم