صوت طونوبيل حبست قدام الألعاب تع ملاهي جابهم لبلاصة مخيرة فيهم والحاجة لماعلابالهاش منار بيها أنو مدينة الملاهي كراهالها ليهم وحدهم برك ماحبش الغاشي يكون فيها يصح لڨارد كاينين فماك باش يعسوا ويحموا هبطوا وجاسر فرحان دخلو لداخل منار لاحظت غاشي مكانش استغربت
منار: وينهم ناس ماجاوش
مراد: كريتها لينا برك
منار شافت فيه بصدمة
منار: وشنو لينل برك
مراد: ايه مشي لازم ناس يكونو معانا وباش جاسر يلعب كيما يحب
جاسر: بابا نبدا لعبة هاذيك تهبل هيا ماما نروحو
منار شافت في مراد وسكتت ماتوقعتش يكري مدينة ملاهي علاجالها هي وجاسر خذات جاسر يلعب اول لعبة لعب وهو فرحان جات لعبة تع الأحصنة 👇منار راحت تجري ركبتها تحب تلعبها مع انو تع ذراري صغار بصح هيا مزال في داخلها طفولة ركبت هي وجاسر وفرحانة وتضحك ومراد حاير في خلق ربي وتأكد أنو تزوج طفلة صغيرة مش مرا كملو لعبوها و زادو لعبو تع طونوبيل ودخلو مراد يلعب باش يكونو زوج مراد ركب معاه جاسر ومنار وحدها 👇
قاعدين يزدمو في بعضاهم ومنار ميتة بالضحك ومراد فرح كي شاف وجها يضحك تمنى تقعد هكا زدمت فيه حتى عيط
مراد: بلعقل يا حطبة قريب تيرتيني منا
منار: هههههه نتا سوڨ مليح
جاسر: بابا ماما تعرف تسوق خرمنك
مراد: زيد نتا شجعها دوك نشوفو شكون يسوق مليح
لعبو وقاعدين يتزادمو والضحكة مالية وجوهم مش عارفين المكتوب واش مخبيلهم كملو لعبو زادو لعبو لعبة هاذي ركبو فيها في ثلاثة مراد بسيف باش قبل يركب ماكانش حاب بصح منار أصرت عليه باسكو تخاف لعبة هاذي من صغرها ومش حابة تركبها هي وجاسر برك 👇
أنت تقرأ
القاسي والبريئة (قصة جزائرية🇩🇿)
General Fictionعندما يتحد القلب والعقل ياترى ماذا يحدث أول قصة لي أكتبها وأتمنى أن تنال اعجابكم ❤️