القاسي والبريئة (قصة جزائرية🇩🇿)

✨الحلقة الخامسة والاربعين ✨

بعد مرور 5 سنوات:
ماتسمع غير صوت طالون يخبط مع لرض ودخولها ليخلي ناس كامل يحبسو ويشوفوها شكون من غيرها منار لغيرت كلش في حياتها اسمها وخدمتها ستايلها لوك شعرها لقطعاتو قصير كلش تبدل فيها ورجع أسمها ايدا اوغلو كانت تمشي بكل هيبة وفخامة ولا هامها الناس لتشوف فيها وتكيلها راحت لمكتبها ولبست طابليتها البيضة حتى يدخل
عمر: مدام ايدا هاذوين وصلت اسعاف جابت واحد دار اكسيدون حالتو خطيرة
ايدا: أوك راني جايةو عيط للخدامين يوجدو رواحهم تان
لحقوها الطاقم كامل دخلت الغرفة وين موجود المريض فحصاتو
ايدا: حضرو غرفة العمليات يلزملو عملية
******: حاضر
وجدو غرفة العمليات ودخلوه وبداو عملهم
ايدا: اعطيني مشرط
مدلها لخدامين معاهم حتى صونات الآلة لتقول بلي قلبو ضعيف وراح يحبس
ايدا: صرالو نزيف
بدات تحاول ترجع نبضو حتى رجع
كملت عملية ونجحت وكيفاه ماتنجحش وهي لولات من أشهر الأطباء الجراحين في تركيا عملياتها كامل ينجحو من ذكائها ورزانتها خرجت من غرفة العمليات و راحت لمكتبها حتى صونا تلفونها رفدت
هيثم: ايدا إيناس راح جيب جاسر من روضة ولا شكون يجيبو
ايدا: وصيت أدهم يجيبو مكلاه تعبو رواحكم
هيثم: أوك
قعدت في كرسي وكسلت راسها وولات ذاكرتها للورا
✨Flash back ✨:
خديجة: تروحي وتخليني بنتي
منار: ماما قررت ربي عالم بيا وارواحو نتوما اوقات يجيبك بابا ونشوفو بعضانا يخي عادي
خديجة: معليش بنتي المهم راحتك ونتي راكي قتلتي روحك شوفي حالتك كيفاه ولات ماتنسايش داخلك روح راهي تكبر
منار: نحاول ماما
عنقو بعضاهم
منار: نروح لشمبرتي نجيب واش نحتاج مابقاش بزاف الطيارة توصل ومزية مطار قريب
خديجة: اوك بنتي روحي جيبي واش تحتاجي
طلعت منار لشمبرتها ودموع طاحولها
منار: لكان قعدت في شمبرة هاذي وحياتي قديمة ماكانش صرالي هاذ الشئ بصح اجمل حاجة صرات كحملت
حطت يدها على كرشها ومسحت دموعها لمت واش تحتاج حتى تفكرت بلي لازم تدي معاها ورقة تحتاجها وتديها كلما تسافر راحت لشمبرة يماها وباباها تفكرت بلي موالفة يماها تحطها في خزانتها فتحت الخزانة وقاعدة تحوس كتى لقاتها حتى يلق انتباهها تصويرة رفدتها وشافتها
منار: شايفة تصويرة هاذي من قبل
حتى تذكرت وعينيها تحلو صفاحي
منار: نفسها نفسها لي لقيتها عند مراد هذاك نهار في دريسينغ
قاعدة تشوف فيها حتى كملت
مناره: واش علاقة احمد القاسي بماما ويمكن هو يكون بابات مراد على حساب شكي لازم نسقسي ماما
هبطت عند يماها وهي رافدة تصويرة هاذيك في يدها
منار: ماما شكون هذا
خديجة تخلعت
خديجة: منين جبتي تصويرة
منار: ماما جاوبي
خديجة: خويا
منار تصدمت معناها يكون خالها
خديجة: واش علاقتو بمراد
خديجة: وليدو
وهبطت راسها وطاحو دموعها
منار: معنتها معنتها مراك يكون وليد خالي هكذا
خديجة: بنتي انا صروالي مشاكل ككنت صغيرة بابا حاوزني من دار علاجال كحبيت باباك وماكانش راضي عليا وماكانش حابو والعيلة كامل ضدي خويا أحمد برك لوقف معايا وماننساش وقفتو وعاوني تزوجت بباك
منار دموعها طاحو
خديجة: وكسمعت بموتو قريب قتلت روحي باسكو نحبو بزاف غير هو خويا الحقيقي لوقف معايا من غير خواتاتي لوخرين
منار: ربي يرحمو وشحال عندك من خواتات
خديجة: 2 وأحمد ثالث
منار: ونراهم
خديجة: واحد سافر اسمو عيسى وواحد ماعلاباليش واش صرالو مابان حتى خبر عليه اسمو فاضل
( راح تقولو بلي كفاضل خوها علاش مصطفى ماقالهاش بلي راهو يخدم معاه دونك مصطفى ماعلابالوش بلي مجهول اسمو فاضل ممبا يسميه غير بوص غير سليمان لي علابالو ان شاء الله فهمتوني)
منار: عمري ماتخيلت يكون عندي خالي والراجل لمتزوجة بيه يكون وليد خالي مزالني مصدومة ونتي خبيتي عليا
خديجة: سمحيلي بنتي باسكو ماقدرتش نتحمل اكتر وكلما نتفكر أحمد قلبي يتكسر
منار: إيه علابالي صعيبة عليك ماما وعانيتي في حياتك معليش ماما مشي مشكل
✨End back ✨:
فاقت من تخمامها وناضت سڨمت روحها وخرجت رايحة لدار
في بلاصة خلاف:
تسمعو صوت راجل يتعذب ويعيط بعدما عذبو ضربو برصاصة جات بين عينيه خرج راح خذا دوش ولبس وخرج رايح للبار دخل داخل وقاعد يشرب ويتكيف حالتو تبدلت بزاف ولات أسوء رجع بارد ويقتل بدم بارد مايهمو شئ عيلتو عندو بزاف ماراحش يطل على جداتو لمسكينة عيات فيه يولي مليح بصح بلا فايدة حتى يقعد قدامو
أنس: مراد تقعد هكا دير في روحك شوف حالتك كيفاه قاتل روحك بالخدمة وبالشراب وتعذيب
مراد: من أحسن ماتتدخلش في س***** فاهم
أنس: علابالي تعذبت في حياتك وصعيبة بزاف وخاصتن من نهار راحت م
ماكملش هدرتو حتى ناض ليه ضربو على وجهو دم صاح من فمو وعيط
مراد: واش قتلكم ماتزيدوش تجبدولي اسمها ولا تهدرولي عليها. هي دمرتني و خدعتني وحدة كيما****** ماتستاهلش واحد يعاملها بملاحة راني نكرها ماتجبدولش سيرتها على لسانكم فاهمين يا******
أنس: خلاص ماقلنا والو
راح خرج ديراكت ديمارا بطونوبيل لحق لوجهتو وبلاصتو سرية لكلما يتقلق يجي ليها بلاصة فيها جبل عالي ويطل على بحر راح قعد فماك حتى بدا يتفكر تفاصيلها وناض يعيط
مراد: اخرجي من عقلي اخرجي من قلبي مالازمش نخمم عليك علاه جازو 5 سنين ومزالكي قي قلبي لهذي درجة تعلقت بيك لالا مشي تعلقت بيك عشقتك ايه عشقتك ونتي رحتي وهربتي مني في يوم لي لازم كنتي فيه توقفي معايا دوكا وليتي اسوء شخص بالنسبة ليا نكرهك فاهمة نكرهك واذا جا نهار وشفتك فيه غير اهربي باسكو نقتلك نورمال كامل واش درتيلي نعاقبك أضعاف حوست عليك بزاف ومالقيتكش بصح يجي نهار نلقاك
داه عقلو ملور
✨Falsh back✨:
راح للمصنع هو وأنس دخل لقاه مربوط راح نحا فيستا تاعو يفرغ كامل غشو فيه ضربو في وجهو وزاد في كرشو وهو بدا يضحك
سليمان: هههههههه مهما يصرا نتا كيما باباك وراح تكون نهايتك كيما هو لأسف
مراد قاعد يضرب فيه حتى داخ سليمان جاي لما فرغو كامل عليه وفيقو
مراد: اهدر شكون لتخدم عندو
سليمان: ضحكتني عالابالك انسى نهدر فاهم
مراد ضربو لفمو
مراد: بنتك تموت خير
سليمان تصدم خلع كيفاه يعرف بحكاية بنتو لمخبيها حتى على فاضل
سليمان: ك كيفاه تعرف بلي عندي بنت احكي يا الكلب
مراد زاد ضربو
مراد: وشبيك دوكا خفت على بنتك احكي ولا والله العظيم تموت قدام عينيك في الكاميرا خير
سليمان: بلاك تمسها فاهم تمسها نمس مرتك
مراد تقلق وزاد ضربو
مراد ': ماعنديش مرتي انا ماعنديش فاهم وماتجبدهاش على لسانك*****
جبدو انس باسكو لكان يقعد هكذاك راح يموت سليمان
أنس: كالمي روحك مراد راح تقتلو
كالما روحو وقرب ليه
مراد: اخر مرة نعاود هدرتي شكون لتخدم عندو
سليمان: عمك فاضل
مراد تصدم هاذوين عرق بلي لشافو قبل مايدوخ مليح عمو وماكانش يتخيل
مراد: من وكتاه تخدم عندو
سليمان: من لما خنت باباك ورحت نخدم عندو
مراد ضربو وشدلو وجهو
مراد: شكون قتل بابا
سليمان: سقسي عمك
مراد: احكي نتا تعرف والله بناك ودعها فاهم خير تقولي ولا بنتك تموت دوكا
سليمان: سعيد لقتلو
مراد زاد غلو كتر وبعدو وقاعد يضرب في سليمان ويخرج غشو فيه حتى جاب سلاح وضربو برصاصة بين عينيه
أنس خلاه على هواه يعرف بلي هو تعذب
✨End back✨:
مراد : راح نلقاك يا سعيد راح نلقاك ونشرب من دمك ونتا يعمي اصبر برك عليا ونتفاهمو
ناض راح ديمارا ديراكت للقصر حاب يشوف جداتو فاطمة لعندو بزاف ماشافهاش