قاعد في كرسيه ڨارو في يدو ويد لوخرا خدام بيها على لورق مايقاطعو غير صوت طبطيب في الباب ......: ادخل دخل ڨارد منزل راسو خوفا من الشخص لي قاعد مقابلو ڨارد : سيدي زوجة مراد القاسي حالتها رجعت مستقرة وداوها للقصر .......: اممممم مليح أي اخبار جديدة توصل مفهوم ڨارد : مفهوم سيدي امرو باش يخرج وهدر مع نفسو ........: مابقاش بزاف ويتكشف كلش راح جيك صعيبة مراد القاسي بصح كل حاجة فيها سبب رفد تلفونو وحط رقمو وقاعد يصوني حتى رفد .........: كيفاه الأحوال كي رحت فاضل: كيفاه حبيتها تكون تلاقيت مع يما وختي خديجة ..........: اممممم فاضل: وشبيك نتا لدرجة هاذي رجعت بارد ماسقسيتش ممبا على يما كي شافتني كيفاه وختي لي ضلمتها .........: علاه نسقسيك بردة فعلهم وأنا علابالي فاضل: ومنين علابالك .........: حاجة ماتخفى عليا سي فاضل فاضل: مااستغربتش وأصلا راني خايف من ردة فعلهم كي تتكشف الحقيقة ..........: لازم عليهم يتقبلو الواقع فاضل: الواقع المر ادعي برك يتقبلوك بصح ماشكيتش ........... :عندي أسبابي كوبا عليه
في سبيطار:
مراد: تقدر تخرج ليوما طبيبة: من أحسن تزيد تبات الليلة باسكو مزال عندها نقص مراد: تخرج ليوما طبيبة : ماعليكم غير تقدمولها الاهتمام اللازم مراد: وي شكرا دكتورة خرج من عند طبيبة متجه لعند مسؤولين على أوراق الخروج باش يسنيي عليهم
العرق يسيل من جبهتها ترمش عينيها وتتحرك بشوي تشوف روحها في جبل عالي بزاف وتحتو واد ليطيح فيه الله يرحمو كانت تدور في بلاصة هاذيك وتعيط بأسمو منار: مراد وينك...وينك حد مارجعلها بدات تبكي ودموعها يطيحو طاحت في الأرض ماحست غير بصوتو الرجولي لنطق بأسمها مراد: منار ناضت بشوي ودارت لمصدر الصوت وشافتو واقف مقابلها شهقت وحطت يدها على فمها فور مالمحت شوميز تاعو البيضة فيها دم راحت تجري عندو ماجات تلحق ليه حتى طاح على طولو وعيطت عيطة بأسمو لخلاتها تفيق من حلمتها الخايبة و دموع في عينيها عرفت بلي غير كان حلم قلبها يدق بالقاوي ماجات فين تستوعب حتى تحل الباب لدخل منو رافد سنيوة فيها لسوب وكاس الما وياغورت لمح حالتها مشي نورمال حط تمتم سنيوة فوق طابلة لي على جنب سرير وراح قعد جنبها في سرير وحكمها من وجهها ويحكي بنبرة خوف مراد: عمري وشبيك واش صرا وشبيه وجهك مخطوف ه ماجا فين يكمل كلامو حتى تلاحت في حضنو وتبكي بالشهقة زيرها في حضنو وغرق راسو في عنقها يشم في ريحتها مخليها على راحتها مراهش حاب يضغط عليها وهو عارف لجوزاتو معاه صعيب بزاف بعد مدة نطقت بصوت ضعيف مخلط ببحة بكا وهي مزالها معنقاتو وشاداتو من عنقو منار: ماتخلينيش وحدي عيشك اهئ اهئ ابقا معايا ماتخلينيش أنا وولدك اهئ اهئ كيما واش حلمت مراد : اشششش اهدي موحال نخليك كيفاه نخلي روحي اا زينة قلبي أنا معاك نتي جاسر موحال نخليكم ولا نخلي حاجة تقيسكم طول ما أنا حي بعدت عليه شوي وحطت يدها على لحيتو طلعت عينيها جاو نيشان (سواسوة) في عينيه نظراتها كانت كلها خوف وهو نظراتو كلها حب وأمل باسلها يدها لفي خدو ونطق مراد: مجرد حلم خايب حلمتيه ماتخمميش فيه أنا راني معاك منار ابتسمتلو قرب منها حط شفافو على جبهتها سكرت عينيها مستحلية شعور بعد بشوي حتى تفتح الباب عليهم لدخل منو مجد رافد في حملتو جاسر لهبط يجري من حضنو وراح يجري لمنار حضنها وهي زيرت عليه ومراد يشوف ويبتسم جاسر : مامي راكي مليحة يخي منار: راني مليحة اا بطلي وكي شفتك زدت وليت كالحصانة مراد: وأنا ماجيش تسلم على باباك أ برهوش جاسر : ماما هي الأولى ا بابا وبعدتيك نتا مراد: صار هكذا اا فصعون منار: اا ولدي مشي فصعون جاسر: نتوما بين زوج نحبكم بزاف حضنوه بين زوج ومجد يشوف فيهم ويبتسم ماهي إلا لحظات دخلت إيناس عندهم إيناس: اووو اجمل عيلة ربي يخليكم لبعضاكم إن شاء الله مجد: بلاكي تضربيهم بعين إيناس خنزرتلو: كيفاه هذا نضربهم بعين إلتها بروحك أحسن يخي حالا يخي مجد: مكلاه تكثري هدرة معايا إيناس: نتا لبديت جابلي ربي منار: اي والله بداو تان مراد: نهايتهم يتزوجو من لخر منار شافت فيه وابتسمت منار: بدايتنا هكذا كانت مراد: اممممم أجمل بداية راني سنييت على خروج تاعك منار: كيفاه معنتها نخرج درك مراد: إيه جاسر: يووو مامي راح تروح معايا لدار إيناس: وأخيرا حمد الله عندك حوايج واش تلبسي منار: لالا إيناس: علاه ماقلتيليش نجيبلك مراد: راني شريتلها لبسة ماتخموش منار: يو شكرا حبيبي مراد: حبيبي عجبتني هاذي هههه منار: هههههه إيناس: المهم راني نستناك برا منار مجد: هيا جاسر نخرجو برا نستناو راح جاسر يجري عند مجد رفدو وخرجو هو و إيناس مراد: نعاونك في لبسة منار: لالا عاوني برك نوقف عاونها مراد بشوي وقفها حست بوجع خفيف وماحبتش تبين لمراد باش مايخافش منار: نقدر نلبس وحدي مراد اعطيني نشوف واش شريتلي مراد: شريتلك روبة باسكو ساهلة في لبسة ونتي راكي مصابة منار: ههههه خممت فيا بزاف مراد: كيفاه مانخممش فيك وغمزها فتحت منار ساشي خرجت روبة عجبتها جاية طويلة وبيضة ومرسومة فيها ورد ك منار: اوو عندك ذوق بصح طويلة مراد: واش حبيتي مالا نشريلك قصير شاف فيها بنظرة واعرة فهمت من خلالها بلي غيرة
روبة 👇:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كملت لبست وخلات شعرها مطلوق على طبيعتو خرجت من باب شمبرة لقات مراد يهدر في تلفون حس بيها كوبا كيلها من فوق لتحت وعوج فمو مراد: ندمت علاه شريتهالك علابالك منار: علاه أنا عجبتني برك طويلة مراد: هايليك طويلة وجاتك تهبل قرب منها ورفدها منار: خليني نقدر نمشي مراد: لالا مزال جرحك جديد لازملك اهتمام
