القاسي والبريئة (قصة جزائرية🇩🇿)

✨ الحلقة 51 ✨

راحت منار لشمبرة فاطمة دخلت لقات مجد معاها برك
مجد: اوه منار
منار: كيراك مجد
مجد: هاذي غيبة كبيرة مليح ونتي
منار: أحوالي مليحة جدة كيراكي
فاطمة: مليحة بنتي
منار دارت نظرات لفاطمة علاجال مجد لتقدر تهدر قدامو
وفاطمة فهمتها
فاطمة: ولدي حبيت نخبرك حاجة
مجد: خير جدة
دخل مراد في هاذي دقيقة ومنار ماكانتش حابة يكون هنا وهي موجودة بصح صبرت على جال فاطمة كي راح تديها معاها ليماها تجاهلاتو وكأنو مكانش وهو تان
مراد: جدة كيفاه حالتك
فاطمة: مليحة ولدي
فاطمة ماحبتش تهدر على علاقتو مع منار باسكو علابالها بلي علاقتهم مشي مليحة وخلاصت من نهار خلاتو ولهي لدوك ماعلابالهاش علاه
مجد: اهدري جدة واش جيتي تقولي
فاطمة: شوفو ولادي يخي أنا كان عندي بنتي وراحت علاجال جدكم
مراد: امممممم عارف
فاطمة: رايحة نشوفها هيا دارت عملية وحابة نشوفها هي بنتي لعندي سنين ماشفتهاش
مجد: ايه حتى حنا لازم علينا نشوفوها بالأخير هي عمتنا
مراد طلع عينيه في منار وهي لاحظت شاف فيها توترت
مراد: وهاذي واش علاقتها هنا
فاطمة شافت في منار وبعدتيك فيه عرفت بلي هدروا مع بعضاهم من قبل هي حابة ترجعهم بصح تعرف راس ولدها قاسح
فاطمة : هيا تكون بنت عمتكم
مجد: وشنو
مراد: امممممم وحنا هاذوين عرفنا مليح مانعرف واش مزال مخبي عليا
مجد تفكر طفل هذاك لكان مع منار وبلي وليد مراد اما منار تحكمت في روحها
مجد: عندي شرف كبير كي جيتي بنت عمتنا
منار: مرسي مجد حتى انا عندي شرف كبير كي جيت وليد خالي
مراد: جدي عندو الحق كي هيا كي يماها
منار تقلقت من هدرتو
فاطمة: ولدي واش راك تهدر هاذيك تكون عمتك
مراد ناض وراح خرج ديراكت حتى فاقت منار على روحها
منار: هيا جدة نروحو
عاونوها نوضوها هي ومجد

مراد وهو خارج ومقلق حتى صدم في واحد
هيثم: بلعقل
مراد: نتا شوف قدامك
مراد شاف فيه تفكرو نفسو لتلاقا بيه في تركيا حتى يفيقو صوتو
جاسر: اوه هذا نتا
مراد هبط راسو شافو ابتسملو
جاسر: انزل ليا
مراد هبط قعد على ركايبو
مراد: واش راك دير هنايا نتا مشي تسكن في ترك
جاسر: ماما عندها خدمة هنا وجينا ونتا
مراد: انا جداتي مريضة
جاسر:  مام أنا جداتي مريضة شوي و فرحان كي شفتك مرة ثانية
مراد ابتسملو ورفدو بين يديه ومانحكوش على حالة هيثم تسمر في بلاصتو ما لقا مايدير أصلا هو دايما يطيح في مصايب ويلاحقوه
مراد: حتى انا فرحت كي شفتك يا بطل
جاسر عنقو مراد ماعلابالوش علاش حس بإحساس غريب لزو ليه كتر وباسو وهيثم مابقاش ويبكيلهم هنايا مشهد مؤثر انو عبد يكون رافد وليدو لاهو علابالو بأنو وليدو ولا لوخر علابالو حتى فاق على روحو وخاف انو منار تشوفهم وتڨلبها عليه
هيثم: هيا جاسر نروحو طولنا
جاسر: افففف خليني شوية
مراد: خليه شوي يقعد عندي
هيثم مالقا مايقول يهدر ولا يقعد أصلا راهو يتعامل مع زوج نفس العقلية ونفس الشكل بصح خايف من منار
هيثم:ماماه تتقلق عليه
مراد: ايه معليش
زاد مراد باسو وحطو
مراد: نتلاقاو مرة ثالثة يا بطل
جاسر: إيه ماذابيا حبيتك بزاف مع انو لقائنا ماكانش مليح
مراد :  حتى أنا حبيتك يا فصعون و دوكا نتا عمرك 5 سنين ماتبانش من هدرتك يا ستوت
جاسر: أنا راجل حطها في راسك هذا فاهم
مراد شاف فيه نظرتو لواعرة وجاسر تان شاف فيه نظرة هيثم قاعد يشوف فيهم في زوج تخلع فيهم حتى نظرة كيفكيف حكى مع نفسو
هيثم: نفس النظرة تان ياربي وانا نقول لمن خرج الفصعون خارج لباباه
مراد: امممممم راجل
هيثم: هيا دوكا نروحو باي باي
جاسر: باي
مراد: باي