كُلها تتفارّگ وتِنسى
شَمعنىٰ أني ؟
وذَيچ الأيام العظميّة
شلِون ناسِيها بّـ ثواني
ليّش ما صِرت مَثلك
ورحِت حَبيت ثانيّ
ليّش بَاقي لـ هَسة أتاني
چِنت أطول بالموادع
بلكي منك تَطلع
حچاية التِردني
رَدتك تحسسني أهمك
مِن أگُلك هِدني
تُرفض ما تِهدني .
من وعيت وانا ضايع
ماكو عنوان اعتنيله
ولا اكو واحد دَكلي صدره
وگَلي ذب حملك واشيله
بيه حزن الناس كُله
وعيني بالدمعه بخيله
وهمي ما سولفته لأحد
خاف يحسبني اشتكيله
.................................................................................
الكاتبه اسيل:اعتقد اغلبكم راح يستغرب انو مندوبه توصيل؟ بنيه؟ حقكم تستغربون لان اغلب المحلات يكون عدهم مندوبين ولد يوصلون الطلبيات...بس طبعا اذا جانو محلات عاديه... اما. عن محل رضا ف هوَ مو عادي لان رضا من خلال هاي باقات الورود او بكچات الهدايا...يوصل مخدرات للزبائن والاشخاص الي يطلبون من عنده..وطبعا اسير متعرف بهل شي وكل ظنها انو دتوصل طلبات عاديه ... وطبعا رضا ميتعامل ويه زبائن عاديين ...رضا يتعامل ويه زبائن من طبقات راقيه...مثل الاستاذ الجامعي او الدكتور او المهندس او حتى الفنانيين او الفنانات او الاعلاميين او الاعلاميات ...يتعامل بس ويه الاشخاص الزناكيل والي عدهم منصب وناس راقيه ... وطبعا اذا جان عدهم منصب او فلوس فـ هذا الشي ميمنع انو يكون عندهم مشاكل عائليه او مشاكل نفسيه او امراض نفسيه تخليهم يتعاطون المخدرات...وطبعا هيچ اشخاص تحاول قدر الامكان انو تتجنب الكلام عنها او الاشاعات ...ودائما يكونون مراقبين من قبل الناس ...ومنو طبلهم ومنو اجاهم ...فـ لذلك قرر رضا انو يختار بنيه مرتبه ...توصل الطلبات ...حتى محد يشك بيها...كلنه نعرف لمن نشوف بنيه مرتبه ومظهرها حلو...مستحيل شخص يشك بيها انو هي توصل مخدرات او اشياء ثانيه ... وطبعا كل هذا ...واسير متعرف بأي شي ..وبعدها راح تتعرفون اكثر ع تفاصيل ثانيه حتصدمكم ...
اسير:بعد ما كملت اتصالي ويه رضا .... رحت ويه البنات وضلو يسألوني هاي منو وشنو ...طبعا متعوده على اسئلتهم....طلعت حجه وكتلهم امي ومشه الوضع ...
لينا:بنات اليوم اتفقنا اني ومحمد نطلع سوه ... وهسه بعد ما عندي محاظرات مهمه ...فـ راح اروح 😭😭ادعولي
طيبه:هاي شنو عيني صارت كله طلعات وحركات وبركات
براق: ادعيلجج من كل كلبي انو تكون طلعه حلوه
طيبه:وادعيلها يعترف الها
براق: 😂هو اصلا هذا الشي الي تريده
لينا:لا ع شنو احنه بس اصدقاء مقربين
طيبه:اصدقاء مقربين؟😂😂😂😂لزموني حوگع بالگاع من الضحك
مريم:هاي اذا اصدقاء هيچ لعد اذا ارتبطتو شلون 😂؟
لينا:هسه خلي نرتبط يمكن على هاي الملحه مالتكم ولا نرتبط
أنت تقرأ
ليالي مشتتة
Action- تلك القِصصِ التي لم تحمِل مُقدِّمة إطلاقًا لم تُختم سقط منها الوَداع فجأَة لم تحمِل حتّى عنوانًا واضحًا تلك القصص هي متاهاتنا الأبديّة. في عام 2004 ولدت خمسه أقمار تلمع في هذه السماء الواسعة ...فاقت جمال القمر الاكبر بحد ذاته .. اختارت هذه الاقمار...
