عجيب هو الحب في أوله
، يصنع للمرء اجنحة لامرئية
، لأن جسده لم يعد قادرًا على الثبات والوقوف لفرط خفته ورقة مشاعره، ثم ما هي إلا محطات قليلة من التراكمات والتقلبات حتى يشعر بالنقيض تمامًا، لدرجة أنه لا يستطيع أن يحرك إصبعًا واحدًا لأجل النهوض.
………………………………………………………………
اسير:ما اريد اجي، راح ازعجهم
لينا:اسير شنو هذا الحچي!
اسير:تمام راح اجي، بس اذا ايشي صار اني راح اروح لأن صدگيني نفسيتي ابدًا مو متقبله هيچ سوالف، سديت التلفون وضليت امشي بطريقي متوجهة للنادي، بصراحه اني امشي وافكر، شلون الحياة ممكن تتغير بثواني ...بأسبوع حياة الانسان تنقلب رأساً على عقب! تندمت على كل لحظه من حياتي ما استمتعت بيها ....لازم الانسان يستغل وقته ويستمتع بكُل لحظه يعيشها ...لان بثانيه وحده يفتقد كلشي وحياته تصير عباره عن مشاكل ... بعد مشي وتفكير طويل ...وصلت للنادي ودخلت وشفت لينا من بعيد تأشرلي ..رحت يمهم وسلمت عليهم وگعدت...
غاده:شلونچ اسير
اسير:باوعتلها وبعدها باوعت لتلفوني واستمريت اتصفح بدون ما انطيها اي اهميه لحد ما حَسيت بشخص دغني من چتفي باوعت لگيت براق
براق:بـ هَمس: ليش هيچ سويتي ويه البنيه
اسير:هذا استحقاقها
براق:عيب
اسير:لعَد مو عيب لمن طردتني برا الغرفه بالمستشفى كدام الكل؟ ههههه العيب بس يم اسير،هاي تصرفاتي معاجبها خلي تگوم
براق:ما اعتقد لهل سبب
اسير:لعد شنو ممكن السبب الي يخليني اتعامل وياها بهل اسلوب؟
بَراق:سويت حركه ما ادري وكملت اشرب عصيري
اسير:مو صاحيه بُراق،رجعت اباوع بالتلفون وبهل اثناء صاحت غاده فززتنه كُلنا ...
غاده:كرممميييي،
اسير:اباوعلها شلون گامت من مكانها ركض وراحت تسلم عليه وهو الابتسامه شاگه حلگه،الكل صار يباوعلي بنظرات توجهت نظراتهم من كرم وغاده تحولت الي...
كرم:السلام عليكم شلونهم الحلوين؟
اسير:گعد يسلم بالاسم عليهم واحد واحد يسلم على الگدامي وعلى الي بصفي واني ما باوع الي اصلًا ..
غاده:والله هاي اللمه الحلوه بوجود كرومتي الحلو تستحق كيكه واحتفال مو؟
اسلم:اي ونفاخات وشرايط ملونه ونغني ماما جابت بيبي، مو؟
غاده:اوييي شگد غثيث، اصلا فكرتي تجننن
اسلم:من ط****
غاده:شنوووو؟
اسلم:لا هيج مو وياج ويه محمد
محمد:اني شعليه وچه الچلب
اسلم:هسه دكول اي واسكت لو متگدر دوده
أنت تقرأ
ليالي مشتتة
Action- تلك القِصصِ التي لم تحمِل مُقدِّمة إطلاقًا لم تُختم سقط منها الوَداع فجأَة لم تحمِل حتّى عنوانًا واضحًا تلك القصص هي متاهاتنا الأبديّة. في عام 2004 ولدت خمسه أقمار تلمع في هذه السماء الواسعة ...فاقت جمال القمر الاكبر بحد ذاته .. اختارت هذه الاقمار...
