وبعد ذلك تسأل نفسك، أين ضاعت أحلامك؟ وستقوم بهز رأسك وأنت تهمهم ما أسرع مرور الوقت، وتعيد سؤال نفسك مرة أخرى، ما الذي أنجزته في فترة حياتك، وأين دفنت أفضل سنوات عمرك، وهل كنت على قيد الحياة أم لا.
………………………………………………………………………
اسير:للاسف الشديد بعد فتره من استنزاف طاقه هائله ....وبعد فتره صعبه مريت بيها واني چنت مؤمنه بيوم من الايام راح اگدر اطلع من عدها واني سليمه، بس للاسف اني چنت غلطانه، او ربما ايماني ما چان كافي، وربما قصرت في جزء ما، ما اعرف، بس الشي الوحيد هو اني فشلت، فشلت بالحرب، ما قاومت ولا ضل عندي رغبه بالمقاومه، انسحبت من الحرب،ما اعرف هل شي مؤقت، استراحه محارب! لو ما راح اعود لساحه الحرب ابدا.....بس الفكره الاصعب من هذا كله، بأنوا على الرغم من انو اني انسحبت وعديت ومشيت بدون ما التفت ورايه، الا انو ضلت اثار الحرب بيه، والندوب تسكن كامل جسدي من الرأس للقدم ... وكل ندبه وكل جرح اله قصه مختلفه، والاصعب اكو جروح داخليه متنشاف، بس تاكلني من جوه يوم وره يوم، چانت الفكره ابتعد وانسى، ابتعد واعيش، ابتعد مؤقت وارجع اقوى ...هيچ چانت افكاري! ،بس الواقع تغلب على افكاري مثل عادته، نسيت كلشي، اله الي اريد فعلا انساه، ....المفروض اجد ذاتي بالبعد والعزله والراحه،بس العكس اني دا احارب كل يوم نفسي، جنت احارب ناس، هسه صرت احارب نفسي، صرت احارب نفسي حتى اوقف تفكير، ! صرت اسمع اغاني بشكل مفرط، مو حباً بيها بس حتى يكون صوتها اعلى من صوت افكاري الملعونه، يبدوا اني انولدت للشقاء،وللحرب،واني والراحه والسكينه خطان لا يلتقيان، مهما حاولت وسعيت الهم،....مو مبالغه بس الي اتذكره بكل مراحل حياتي چنت انسانه تعبانه من المقاومه،انسان تعبانه من قوتها، قوتها الوهميه يلي جانت غطاء على ضعفها الداخلي ورجفه ايديها من نسمه الهوى ...،بس الاهم اني حاولت حاولت اعيش حاولت اتخلص من هذا التعب يلي هدم چتافي، حتلو ما فزت وبعدني تعبانه، الاهم اني نلت شرف المحاوله....،
حالتي كـ من ترك كلشي وراه وراح يبحر بسفينه بنص البحر، ميعرف وين توديه وشنو الوجهة الي يريد يروحلهة وهل راح يعيش بسلام او لا، كل الي يعرفه هو يبتعد، يروح، يعيش، يتنفس، يتمنى يحصل على مبتغاه بعد كل هذا التعب! بس ما حصل، عاش بخوف زياده،صار يخاف من امواج البحر،صارت قطرات المي تسببله رعب وتذكره بكلشي، صار شريط ذكرياته يشوفه كل ما رفع راسه للسماء ..... مهما ابتعدت اكو اشياء تضل ساكنه بداخلك لو وين ما رحت تضل وياك،لآنها للاسف الشديد صارت جُزء منك....
اسير: اي اي جايه عمه بس ثواني خليني انطي مي لهذا الورد ،ايهاب مكاعد يسقيه ليش؟
نورس:يا عيني ما تدرين ايهاب ما يجي لهنا اله كل 5 ايام وين اله مجال
اسير:اي اعرف بس هو من يشوفني اسقيهن،يجي يگلي هاي مهمتي ما يحتاج تسقيهن، عوفيهن الي، وبالاخير يعوفهن ويرجع
أنت تقرأ
ليالي مشتتة
Action- تلك القِصصِ التي لم تحمِل مُقدِّمة إطلاقًا لم تُختم سقط منها الوَداع فجأَة لم تحمِل حتّى عنوانًا واضحًا تلك القصص هي متاهاتنا الأبديّة. في عام 2004 ولدت خمسه أقمار تلمع في هذه السماء الواسعة ...فاقت جمال القمر الاكبر بحد ذاته .. اختارت هذه الاقمار...
