ثگل وجهك عليمن والزعل طال
مو اول قرار فراگنه تجربه
عشت وياك عيشه تبهذل الحال
تهجرني وتگلي شلونها الغربه
بعد زحمه من ارد للبيت سكران
واحساس الخساير عيب اجربه
انطيني گلبي وگلبك اخذه وياك
وخلينه كلمن ملتهي بگلبه
………………………………………………………………………
البارت 34 من قصـه ليالي مُشتته.....
مريم:گعدت الصبح، نفسيتي احسن من الايام ال 3 يلي قبلها بسبب الضغط والاحداث يلي صارت ويانه، البنات كلهم بقو يم اسير ومحد يگدر يجي وياي للعزيمه،واني انطيت كلمه لسجاد بعد ما راح اگدر ارفض، قررت اروح وحدي، گمت غسلت وبدلت وتريگت ودزيت مسچ لسجاد
مريم:يكتب...اني جايه بس ما اكدر اتأخر اكثر من ال 12 لانو بعد ال 12 صديقاتي يطلعون من جامعتهم ويرحون للمستشفى ...على قُصه كرم يلي حجيتلك عنها،
مريم:ضليت انتظر دقايق واني اسوي مكياج لحد ما اجاني رده...
سجاد:يكتب...عادي جدًا، شوكت ما تحبين اوصلج للمستشفى او لجامعتچ،
مريم:يكتب...تمام،سديت التلفون وحطيته بالجنطه وخلصت المكياج وحطيت عطر وطلعت من البيت وصرت اتمشى بالفرع واني مبتسمه وكلي طاقه وحيويه، رحت اجرت تكسي وگتله يروح لمحل كيك بالبدايه،ونزلت اشتريت الكيك والمشروبات وبعدها اتجهنه للزوراء،صورت ستوريات ونشرتهم ،بعدها دخلت لحساب سجاد وصرت اتابع ستورياته، وشفت ستوريات نشرهن قبل دقايق وهو بالزوراء ويه اصدقائه، لاحظت اكو وحده لابسه بنفسجي، هواي لازگه بسجاد،يع شخصيتها محلوه ابدًا واضح مطايقها بس هيَ لا احساس ولا شي،غثتني بصراحه،اكره هيچ شخصيات يغثوني بشكل لا ينوصف بعيدا عن قصه الغيره او هيچ بس بحياتنه اليوميه نشوف شخصيات بالفعل نحس بالخجل نيابه عنها،او نحس بشفقه عليها ونگول يا تُرى شنو يلي وصلها لهاي الحاله؟ ....وصلنه للزوراء واول منزلت من التكسي ودفعتله الفلوس اتصلت على سجاد وبعدها دخلت للزوراء، وضليت اتمشى لحد ما اتصل بيه وگال اني جاي، وضليت واكفه انتظره لحد ما شفته من بعيد ....شفته وانحييت، شفته وازهر كلشي بداخلي، ضليت واگفه متصنمه واني اشوفه يقرب مني والابتسامه يلي مرسومه على وجهة بدت توضح اكثر واكثر، لحد ما صار قريب عليه حيل وفززني من صفنتي وهو يگول
سَجاد:مريمانه شلونچ
مريم:الحمدلله بَخير وانتَ؟
سجاد:اني صَرت بخير بشوفتچ،
مريم:بعدت نظري عنه وابتسمت وسمعته وهو يگول:
سجاد:الله
مريم:شنو الله
سجاد:الله الله!
مريم:شبيككك؟
سجاد:اللههههه
مريم:ولك شبيك(گمت اضحك واهز بأيدي بأستفهام)
سجاد:ماكو شي واحد ميذكر اسم ربه يعني؟
مريم:لا عادي عادي بس
سجاد:لا بَس ولا شي، امشي تأخرنه على الجماعه اريد اعرفچ على كُل اصدقائي متأكد راح تحبيهم هواي، يلا امشي
أنت تقرأ
ليالي مشتتة
Action- تلك القِصصِ التي لم تحمِل مُقدِّمة إطلاقًا لم تُختم سقط منها الوَداع فجأَة لم تحمِل حتّى عنوانًا واضحًا تلك القصص هي متاهاتنا الأبديّة. في عام 2004 ولدت خمسه أقمار تلمع في هذه السماء الواسعة ...فاقت جمال القمر الاكبر بحد ذاته .. اختارت هذه الاقمار...
