ليالي مشتتة

.تعريف عن اقمارنه .

...................................................................
ليس عظيماً أن تصنع ألف صديق في عام ، ولكن العظيم أن تصنع صديقا لألف عام .!أحيَانًا يَكُونُ الإِنْسَانُ دَوَاءً لِإِنسَانٍ آخَر..!

الكاتبه اسير= أنا الآن اكتب هذه السطور على أمل أن استطيع أن اوصل هذه الحكايه بكل جوانبها....في عام 2004 ولدت خمسة أقمار .. هذه الاقمار هي ابطال قصتنا قصه ليالي مشتتة ... وهسـهہ نترگ آلگلآمـ آلآدبي وآلشـآعري ورآح نبلشـ بوصـفهم قمـر قمـر وگل وحدهہ بيهم راح تحجيلكم عن حياتها وعن شخصيتها وعن المواقف الي اثرت بيها.
هم(اسير.طيبه.لينا.مريم.براق) هذوله الخمسه صديقات طفوله لحد ما صارو بعمر البلوغ 18..عاشو كل الحظات سوة سواء كانت سعيده او حزينه. نبلش بأول وحده وننطيها القلم.

……………………………………………………

مرحبا اني لينا والان راح ابلش احجيلكم مختصر عن حياتي.

لينا:   كاعدة بمكاني المفضل مثل كل يوم اباوع ع الأطفال الي تلعب كدامي وخلوني أتذكر الي صار وياية بالطفولة
نرجع للماضي قبل9سنوات  .
جنت كاعدة مثل كل يوم جاي أقرة بغرفتي واسمع صوت أهلي وهمه يتناقشون بصوت عالي .
عبد العزيز:لازم نسافر امي مريضة بين الحياة والموت
شمس:بس اني ماكدر أعوف شغلي ومدارس الاطفال هنا راح تخرب حياتهم وأمك تكدر تطمن عليها من التلفون
عبد العزيز:انتي بشنو جاي تفكرين جاي اكلج امي مريضة لازم نسافر ...سكتت اصواتهم وادركت انو خلص النقاش ..بعد دقائق
اباوع على امي اجتي والدموع بعينها
اجتي تلم بهدومي وتكول راح نسافر ام ابوچ تعبانه .
لينا:ماما بس اني ماكدر أسافر بيتنه هذا احبه ومدرستي اهنا. وصديقاتي شلون اعوفهن؟
شمس:ابوج هيج قرر وبعد لازم نروح
كعدت ثاني يوم الصبح مقهورة شلون راح أعوف مدرستي وبيتنة. وصديقاتي الي احبهم اكثر من روحي من القهر حته مرحت للدوام  .
نرجع للحاظر تحديداً بالأمارات ابو ظبي  كدام البحر  .
اني لينا عمري18 انولدت بعائلة حالتها المادية حيل زينة عائلتنة متكونة من6اشخاص .
أبوية عبد العزيز عمرة46 مدير موؤسسة .
امي شمس عمرها41 موظفة  .
اخوية الجبير علي عمرة26 خريج للغات ومتوظف .
اخوية الوسطاني عمر  عمرة23قسم إعلان مرحلة ثالثة .
واخوية الصغير عيسى عمره13طالب أول متوسط .
أما اني صف سادس ادبي هدفي إدارة أعمال .
الشكل .
(بشرتي بيضة وشعري بني فاتح عيوني زرق ع خضار خفيف طولي165 وزني45 .)
نرجع على حاظر .
كمت من المكان امشي للبيت واني افكر بحياتي ودراستي وافكر بصديقاتي الي افترقت عنهن بسبب الضروف  .!!!!
اتخطيت التفكير ورحت بسرعة امشي للبيت اريد بس أوصل يم غرفتي حته ارجع اتذكر الأحداث بالماضي . ..رجعت لغرفتي وضليت افكر بحياتي الي عفتها ورايه ومشيت مرت اسابيع وام ابويه توفت وابويه قرر نرجع للعراق متتخيلون كميه الفرحه الي عشتها بهذاك اليوم .. واخيرا بعد غياب سنين رجعت للعراق رجعت لبيتنه وشارعنه وكلشي ...التقيت ويه صديقاتي وجان يوم ملييئ بالدموع والحزن والفرح ...وطبعا هسه دور البنات يعرفون عن نفسهم وعن حياتهم +ننطي القلم لطيبه.