الليلة اموت الليلة
الليلة اخـر ليلة
بس عندي سؤال؟
ياهو گلك عوف اهلك وروح؟
تراب المگبره بليل بارد،
ياهو الگلك عوف اهلك وروح!
تراب المگبره بليل بارد
حضن امك الدافي بچمره العوز
يفكر بيك اليوم وين گاعد
اتعنى لمچاني وياك،ما الگاك
بس رايد اثر منك
بلچن چلمه ضلت ما نگلها الريح
الگاها وتچاوب بالنشد عنك
لو ادور عطر منك بقه على الكاع
احط نفسي عليه افيششش اشمنك،
اجدامي من النشد دوخن راس الكاع
يدورن اثر منك بي يتبعنك
بويه عگده براس فكري
گلي احلها شلون؟
آيس لو اضل للموت انطرنك؟
عبدالله الشاوي
انت يابو ضحكه حلوه،
يابو ملگه ويابو موقف،
هيج تاليتك؟
ذاك الجمال الچان طاغي،
چان ساحر،چان ورده بنص مگابر،
هيج تاليته؟
بوسط التراب بهل عمر؟
فزيت احاول انتحر والحگ جنازه
روحي
اي روحي الراحت تندفن، ما ودعت محبوبي
صعبه شلون اودعنه؟ وانا امس وياه من كثر العشگ
تشابگنه،چان صاحب ،چان خلي، ما چان شخص عادي حتى انفضه واگوم،چان نسمه هوه تحييني
لو چفت سنيني،چان گطره ماي ترويني،راح وعافني بعد ما چان يحويني،...
اسيل رباح……………………
………………………………………………………………………
اسلم:ضليت اصرخ بقوه وادگ على صدري واني ممصدگ للحظه حسيت نفسي اني بحلم او ضليت ادعي ربي واتمنى اني بحلم واصحى من عنده ويطلع كلشي عشته چذبه ،هذا الصراخ يلي ديطلع مني ويطلع من كل شخص بهل ممر، چذبه، هاي الدموع يلي تحرگني چذبه، اباوع على اسير، عاف بنيه مثل الورد وراه بنيه ماتت وراه ،ضليت منزل راسي واباوع الها واني ابچي لحد ما شفتها اغمى عليها وضلت طيبه تصحي وتضرب بيها وهي ماكو فاقده،وكانو حجر، ممكن الحجر يحس اكثر
طيبه:اسسسسلممممممم اسير اسيررررررررر
اسلم:گمت ركضت على الدكتور نفسه يلي گلي خبر موت كرم،رحت ركضت عليه لزمته من ايده اندار عليه وگال
الدكتور:شنو سالفتك يا ابني
اسلم:دكتور حبيبته اغمى عليها بس سمعت بالخبر
الدكتور:حبيبته؟ شنو حبيبته؟ ليش انتَ مو ابنه؟
اسلم:شكاعد تحجي ابنه شنوووووووو اني صاحبهههههه! صاحب الي ماتتت دتفهم صاحبي ماتتت
الدكتور:ابني الرجال چبير شدتحچي انت، تگدر تتفضل وياي نخليك تضرب ابر مهدئه حالتك حاله
اسلم:عن منو دتحجي الولد شاب مثل الورددددد
الدكتور:ابني الرجال داوود كاظم توفه، واهالي المرحوم چانو تارسين هذاك الممر لذلك گلت للبعض منهم ينتقلون لهذا الممر لان هناك صارت هوسه، وانتو مو المفروض من عدهم؟
أنت تقرأ
ليالي مشتتة
Action- تلك القِصصِ التي لم تحمِل مُقدِّمة إطلاقًا لم تُختم سقط منها الوَداع فجأَة لم تحمِل حتّى عنوانًا واضحًا تلك القصص هي متاهاتنا الأبديّة. في عام 2004 ولدت خمسه أقمار تلمع في هذه السماء الواسعة ...فاقت جمال القمر الاكبر بحد ذاته .. اختارت هذه الاقمار...
