SaiYa : Jaan Ban gaye

Chapter 31

Virat - Aakhir aisa kya hai iss Satya mein jo mujhme nhi hai. Pyar to mai bhi tumse boht....

Sai - Humesha pyar hi sab kuch nahi hota Virat. Bina pyar ke rishta chal sakta hai lekin bina izzat ke nahi. Aur tumhare pyar mein mujhe har bar meri self respect ko sacrifice karna padta tha. Tumhe humesha Patralekha ka dard dikhayi deta tha lekin mera nhi. Magar Satya, usse mera dard dikhta bhi hai aur vo usse dur karne ki poori koshish bhi karta hai. Aisa kaisa pyar tha tumhara jo tumne mere hi bete ko mujhse cheenkar iss Patralekha ko de diya tha ? Aisa kaisa pyar tha tumhara jo tumhe kabhi meri baton par vishwas hi nhi hota tha lekin Patralekha ki kahi har baat tumhare liye sach hoti thi ? Are tumhe to mere college friends tak se problem thi lekin Satya jab mujhe hospital mein mere male colleagues ke sath batein karte hue haste hue dekhta hai to usse gussa nhi ata. In fact, vo mere chehre par smile dekhkar khush hota hai. Tumhare liye humesha mai aur tumhari family alag hote the lekin Satya ke liye mai uski family ka hissa hu. Tumne humesha apne feelings apne emotions mujhpar thopne ki koshish kari lekin Satya ne humesha meri feelings ko importance di hai. Jab Satya ne mujhe propose kiya tha na tab pucha tha maine usse ki kya jawab sunna chahte ho tum ? To pata hai usne kya kaha tha ? Usne kaha ki "koi aur hota to han sunna chahta lekin mai vo janna chahta hu jo tumhare dil mein hai phir vo han ho ya phir na." Tumhari vajah se mai itne saal apne bete se dur rahi lekin Satya ki vajah se mera vahi beta aaj mere pass hai aur mujhe Aai kehkar bulata hai. Satya meri batein sunta bhi hai samjhta bhi hai aur unpar vishwas bhi karta hai. Usse mere talakshuda hone se fark nhi pada mere do baccho ki maa hone se fark nhi pada fark padta hai to sirf isse ki mai kya sochti hu mai kya chahti hu. Tumne to itne saal baad mujhe Jagtap ke sath dekhkar mere character par ungli uthai thi ye jante hue bhi ki mai Jagtap se kitni nafrat karti hu. Custody case ke time Jagtap mujhse milne aya tha ye janne ki case mein mujhe uski koi help to nhi chahiye. Tab Satya ne mere character par ungli nhi uthai. Usse Jagtap ke bare mein sab pata tha lekin phir bhi usne kuch nhi pucha kyunki usse mujhpar vishwas tha. Use bharosa tha ki agar kuch important hoga to mai usse bata dungi. Ab samajh aya tumhe ki kya fark hai tumme aur Satya mein ya aur janne hain.

Patralekha - Kitni ehsan faramosh ho tum ? Virat ne tumhe padhaya likhaya tumhe apne ghar me rakha aur tumhare andar zara sa bhi gratitude nhi hai.

Sai (to Patralekha) - Mujhe lagta tha ki tumhe mere Virat ki wife hone se problem hai kyunki tum Virat se humesha se pyar karti thi. To ab jab maine kisi aur se shadi kar li hai kisi aur se pyar karne lagi hu to tumhe jalan kyu ho rahi hai ? Aur rhi baat Vinu ki to vo mera beta hai aur ab mai apna haq na chhodungi na kisi aur ko chheenne dungi. Aur rhi baat ehsano ki to mere college ki fees meri scholarship se jati thi Virat ki jeb se nahi. Aur mere baki ke kharchon ke liye agar Virat ne mujhe paise diye bhi to kya Patralekha... mai biwi thi uski aur apni patni ke kharche uthana ehsan nhi responsibility hoti hai. Lekin phir bhi for your kind information maine Virat ko unke kharach kiye hue sare paise tabhi vapas kar diye the jab Shruti ki vajah se humara divorce hua tha. Maine to inke sare ehsan chuka diye par kya ye mera ehsan chuka sakte hain ? (To Virat) Bolo Virat, chuka sakte ho mera ehsan ? La sakte ho mere Aaba ko iss duniya mein vapas ? La sakte ho ? Nhi na... To apni wife ko samjha dena ki agli baar mujhe ye ehsan wala tana na mare. (After a few seconds) Mere Aaba ne tumhare liye apni jaan de di thi Virat. Tum aur tumhara pariwar kam se kam mujhe chain se jee lene do. Meri khushiyon mein kadwahat gholna band kar do. Please...

Sai couldn't control anymore. The flashbacks of her Aaba's death and years of mental abuse by the Chavans started haunting her mind. Her legs started feeling weak. Sensing her problem, Satya held her from her shoulders. He wiped her tears with one hand while holding her with another.

Satya - Aaj aakhiri baar tha jo aap sabke karan meri Sari ki aankhon mein aansun aaye. Aaj ke baad agar aisa kuch bhi hua to mujhe Sai ki kasam uss din mujhse bura koi nhi hoga. Ye baat aap sab apne dimag mein baitha lijiyega especially tum dono (pointing towards Virat and Patralekha) aur aap Mrs. Bhawani Chavan.

Mohit - Sai vahini ko aaj achanak kya ho gya ? Itna gussa...

Karishma - Achanak nhi Mohit. Pichle 7 saal se Sai vahini apne gusse, apne sawalon, apne dard ko apne andar chhupaye hue thi. Aaj nhi to kal inn emotions ko bahar aana hi tha. Aaj jab Kaku ne Satya dada ke bare mein ye sab bola to Sai vahini ka sara gussa bahar aa gya. Ek tarah se accha hi hua kam se kam unke dil ka bojh to utar gya.

Ninad - Vahini ! Kaha tha na maine aapse ki mujhe Sai ko lekar koi tamasha nahi chahiye. Phir kyun kiya aapne aisa ? Jab Sai Virat ki patni tab aap khush nhi hain. Ab Sai Virat ki patni nhi hai, usne kisi aur se shadi kar li hai to bhi aapko problem ho rahi hai. Aakhir chahti kya hain aap ?

Bhawani - Mai bas Virat ki khushi aur apne pariwar ki shanti chahti hu.

Ninad - Maaf kijiyega vahini lekin ab chahe Virat khush rahe ya na rahe lekin Sai uske pass vapas nhi ayegi. Mai apni beti ko ye galti dobara nhi karne dunga.

Harini - I can't believe aapne meri Aai aur Baba ke sath aisa kiya. Are koi apne hi bacche ke sath aisa kaise kar sakta hai. Mai ab yha ek pal bhi nhi rukungi. Mai abhi apne papa ko call karke bula rahi hu. Aaj ke baad mera aapse koi rishta nhi hai Mrs. Bhawani Chavan... koi rishta nhi hai.

Satya made Sai sit on the bed and forwarded her a glass of water. Sai took it and drank the water.

Satya - Tum thodi der rest kar lo. Mai breakfast banata hu aur baccho ko bhi utha dunga.

He got up to leave but Sai held her hands.

Sai - Thodi der mere pass ruk jao plz.

Satya nodded in yes and made her lay down. He laid beside her taking her in his arms.

Sai - I am sorry. Meri vajah se tumhe aur Aai...

Satya - Shh ! Tumhari vajah se kuch nhi hua hai. Just relax okay.

Saying this he kissed her forehead. Sai closed her eyes feeling his touch on her forehead. After a few minutes, Satya noticed that Sai had fallen asleep. He quietly departed from her and went to the kids room to wake them up. He then went to the kitchen and prepared breakfast.

Savi - Sattu uncle Aai kahan hain ?

Satya - Beta vo so rahi hain.

Vinu - Aai itna late tak to kbhi nhi soti.

Satya - Ah... actually... unki na tabiyat theek nahi hai. Thoda sa headache ho raha hai unhe. Isliye aaram kar rhi hain. Aap log jaldi se breakfast kar lo. Phir hum aapki Aai ke sath time spend karenge to unhe accha lagega.

Savi and Vinu - Okay.