صديقات في الخليج 2🍂مكتملة🍂

🍂الجزء 135🍂

💋صديقات في الخليج 💋
#الجزء_التاني
🚫مسموح النشر مع دكر اسمائنا والاحتفاظ بنفس الصورة🚫
بقلم #ليالي_ندى_غلا....
بارت:🔥135🔥
#بعد_مرور_البريك
فتحت الجلسة وطلبو من الشهود  يدخلو دخل بشار عرف على نفسو وحكالهم كيفاش ولا كيتردد على الاوطيل وكيفاش تعلق بالبنت اللي ولا كيبغي وكيفاش قتلوها وقتلو ولدو ولا بنتو اللي مزال مشافو الدنيا وعطاهم الفيديو كدليل على هدرتو وقالهم على انو مآخرا اكتاشف بلا شمايل وابو علي هوما مهربيين ومغتصبين وقدم وثيقة كتبت بانو علم الشرطة وانه الحين شاهد ملك ومعندو حتى دخل فهادشي لا من بعيد لا من قريب....
....
كذالك حسن اللي صرح باسمو والسن ديالو وصرح بانه موضف في الفندق وعطاهم الدلائل اللي جمع مورا الفندق وكيفاش عتق عائشة .... وصرح كدالك بالشرطة اللي كان كيقدم بلاغات هاتفية وكيرسل نسخ من الفيديوات والوثائق لكن حتى شي مركز مدخل ولا دار مبادرة لذالك بقا غير كيجمع الدلائل حتى لنهار باش تعرف على  اسامة وبشار عاد جبد الدليل وعاود ليهم كلشي ....
. .
تقدمو  ضباطنا وحكاو لقاضي التفاصيل المهم وكذالك ب واسراء وايوب واسامة  ..حكاو بانهم خدمو متخفيين في داك الفندق على اساس موضفين وتاهوما جامعين الصور والفيديوات وايوب قدم دلائل مهمة في حق الجوفا وشمايل وابو علي .....
بعدها يعقوب وخلدون  وجواد قدمو شهادتهم على اساس انهم كانو كيمشيو كزبائن وكل مرة كيفاش كيلبسو ويغيرو اللوك ديالهم وكيفاش جندو ثلات  بنات وشاب متحول جنسي لصالحهم بعد ما عرفو بانو المتجندين مغربيات وتم اختطافهم وتشغيلهم تحت التهديد وكذالك انهم الحبل اللي وصلهم لهاد الشبكة اللي سنين وهوما متابعينها ...
القاضي : تفضلو لاماكنكم وناديو على آخر الشهود ....
دخلو كل من ليالي وندى امونة وعزيزة طبعا حشومة نبقاو نقولو فرطوطو وهي دات سيد الرجال البايرات 😂😂😂....
القاضي ... اسمكم وسنكم ومحل الاقامة
ليالي نسيم ... 24 سنة مغربية مقيمة الدار البيضاء
ندى العمر ...25 سنة مغربية مقيمة بالدار البيضاء
امونة فاريسي ...25 سنة مغربيه مقينة الدار البيضاء...
عزيزة .. "بينو وبين نفسو "...ووحله هادي شنو نقوليه عزيز ولا عزيزة..."نطق بالخلعة من بعد مسمع صوت القاضي كيطالبو باش يدوي "....سميتي  ..عزيزة السن معاقلاش عليه كنسى....
القاضي ...كيفاش دخلتو لسعودية وفين كتعرفو محمود وكيفاش وصلتو لفندق ....
مع سالة القاضي هدرتو ليالي هزات راسها شافت ناحية الدراري كلهم طمنوها.. الا خلدون دار ظحكة جانبية ومبقاش شاف فيها ...ديك الظحكة كانت كفيلة تخلي دموعها ينزلو ....
ليالي حكاتليه على كيفاش تعرفات على محمود وكيفاش جمعو الفلوس وكيفاش شراو كونطرات وتنصب عليهم وكملات ندى على كيفاش ملقاو لا كفيل لا خدمة لا والو وكيفاش محمود نزلهم في الفندق ديالو وشوية وتقلب عليهم وجات شمايل هدتهم الا مدروش اللي بغات غتقتلهم .....بعدها كملات كيفاش عزيزة عوناتهم وكيفاش كينومو الرجال اللي كيبغيو يغتاصبوهم وكيفاش تعرفو على الضباط وكيفاش ساعدوهم وجندوهم باش تشد هاد العصابة  طبعا محكاوش على اغتصاب ندى وحملها وكذالك عزيزة حكات كيفاش جابتها شمايل وكيفاش كانت كتقتات البنات وكيفاش كتعذبهم ولا تقتلهم لخدمو وتاهيا حكات كيفاش جندوها ابطالنا تال لنهار اللي تكتاشفو طبعا مذكرش الاحدات بالضبط لكن لمح وصافي ....
دابا جا وقت السؤال
الضابط يمكلكم تستريحو والحكم بعدا المداولة ...لكن قدامنا ملف شخصية كان عندها دور في القضية وتاهيا ساعدت البنات لكن تقتلات بغينا نعرفو كيفاش ....سؤال موجه للجراح
الضحية فتيحة علاش قتلتيها ......البنات سمحو فتيحة ماتت شهقو ودموعهم نزلات ...
الجراح ..كيما قلت انا غير عبد مأمور وفتيحة قتلت الايد ليمنا لشمايل ومطلوب مني نفد  لكن متكرش انها شخص سبيسيال ليا .......
ليالي ..."ناضت  كتجري باغة تلاح عليه وكتغوت وتنوح"....... الله ياخد فيك الحق الله ياخد فيك الحق ..."شدوها ابطالنا وارجعوها مكانها قبل ميخرجها القاضي"...
القاضي ...سكوت ولا خرجو برا الحكم بعد المداولة
دخل القاضي والمستشارين للمداولة وبقاو الدراري كيهدنو البنات...
ندى معنقها جواد وكتبكي في حضنو..بقات فيها فتييحةة... امونة في حضن  امين وايوب والباقي مساندين ليالي لان خلدون خرج يشم لهوا على ما دوز ساعه المداولة ......
↙↙↙#تتمة_البارت
#بعد_ساعه
سكووووت 👏👏 النطق بالحكم
القاضي بعد الاطلاع على الوثائق والمستجدات والاستماع الى الشهود والمتهمين ومحامي الدفاع والرأي العام قررنا الحكم بالاعدام شنقا لكل من محمود الجوفا والجراح مع سجن لقبرهما مدى الحياة والتعويض لضحايا بمبالغ مهمة .التعويضات مغتعوضش لي داز لكن كدخل للي مزال جاي انتهت المحاكمة ....
تعالت الهتافات والبكاء مخلط مع الظحك واصعب انواع التحدي ان تظحك والدموع في عينيك .....جووفا غير واحد من بزااف...الا تشد ولا تقتل مكتساليش هاد المافيا...ولكن يمكن لينا حنا بيدينا منلوحوش ريووسنا لتهلكةة....شحال من واحد عندو لفلووس ومالاقي رااحة البال...وشحال من واحد مرتااح ومعندوو صحتو...وشحال من واحد ...مخصووص من المال والجاه...هادي هي الحيااة ...ميمكنش يكوون كلشي كحل  وميمكنش يكون كلشي بيض...كاين الايجابي وكاين سلبي...كاين الفرح وكاين القرح....كاين الفقر وكاين الثراء....كاين لي كيجيبها بعرق كتافو...وكاين لي كيشفر..كاين لي راضي بالقليل و بزااف.عينوو في لكثير....بزاف دالبناات كيطمحو يمشيو الخليج...يخدمو ويديرو لفلووس...ولكن القلةة لي ممكن تصدق ليهم وميطيحووش في بحال شماايل وهاد العصاابة...كل ما تحكى من قصص في هاد الجزء اول الاول فهو حقيقي...قصص عاشووها بنات ورواوهاا ليناا....وحنا نقلنااها ليكم....لاخد العبرة منها وباش كل وحدة فينا تحيد ل غشى على عينيهاا وترضى بالقسمة والنصيب....