💃صديقات_في الخليج💃
#الجزء_التاني
بقلم♡♡ندىالعمر♡♡ليالي نسيم♡♡غلاالروح
بارت♨191♨
🚫🚫نحلل النشر مع ذكر اسمائنا والاحتفاظ بنفس الصورة🚫🚫
ن بعد الضلام ومطبات الحياة اللي عاشتها بطلتنا الدلوعة...وبعد ظهر مشمس ...والفرحة نفرقة بين الناس ....وناس غادة وجاية وكلشي كيشقى ويزغرز ..ولابس ومزيز..ومكاين لاشر..لا غبينة ...هادو هوما ناس الكرياان ...شي كيساعد شي ...وكلشي كيكون فرحان لان بنت ..من بنات هاد القزدير ..غتزوج..وعلى حد قولهم غتزوج بشاب لباس عليه ...ويعوضها .ويهنيها ....
في براكة متوسطة الحجم كانت الموسيقى مجهدة البنيات ...اللي عندها شي قفطان صلحاتو ..وشي عكر جبداتو..راه ليلى الحنة هادي...واكيد الدفوع جاي ...وغيجي معاه التيتيز...وبغاو تاهوما ربي يحن عليهم .تاهوما ويتهناو من هاد الكرياان ..
غير كتقربي لدار كتسمعي ....يالله يالبنات قولو لجيرانة ...يجيبو الزغراتات الليلة ليلة الحنة ...حبيبي غدا يجيبلي هدية....دفوع بعيساوة والدقايقية ....حبيبي غدا يجيبلي هدية...دفوع بعيساوة والدقايقية .....كلشي يفرح معايا وانا بالعمارية....كلشي يفرح معايا وانا بالعماريه ...
كان حلم ليالي انو هاد الاغنية في يوم حناتها ...شطحات هي وصحباتها ...وعويتقات الكريان ...عاد خرجو الحمااام المغريبي ..اللي غيطبقوه بالحرف ..ليالي غتخلص على جميع البنات اللي غيمشبو معاها اللي ممزوجاتش ...لكن اكيد معاها خواتاتها ..ندى خلات ولدها لعدوزتها باش تكون مع ختها في فرحتها وعاد ترجع لانها من اهل العريس وخاص تدي معاهم الدفوع ..وفي نفس الوقت مبغاتش متنتهش الفرصه ديال الحمام يكفي انها مدارت لعرس لا حنة لا حمام ...وكذالك امونة ..حاضرة بزغاريتها وحيحتها ...
امونة ....الصلاة والسلام على رسول الله الا جاه الا جا سيدنا محمد الله معاااه الله مع الجااه العالي لولولولولولولي وليالي والمرضية وقاتلك مك وسيري الله يرضي علك
البنات ...وليالي والمرضية وقاتلك مك الله يرضي علك
ندى ....يله البنات مزال تبعنا شلا وبلا والي ...امونة هزيتي العشوب .
امونة ...هههه ربي ربي انا غنساهم اليوم نديرو ليها غسيل البطانة ...وجدي احبي عضماتك
ليالي ....لولولولي ..اححح بلاتي نكمل 3 التزغرتات باغين تصيفطوني ناقصة ....اححح اليوم غتكسلوني ...تهلاو فيا راني عروسة ...وعنداكم تحردوني سيدي خلدون بقشاش ..يلقى شي حردة يشوهني
امونة ...''كتعيبها '' سيدي خلدون يشوهني ...يخليك بالخلا ...زيدي زيدي عرام البنات يتسناوك ليوم تخلصي اللي وراك واللي قدامك ...مولات الحمام غدير لباس من وراك
ليالي ...لقلاوي لا منفوتش 10 ...ماشي يبقاو عاصرين عليا تنديهم لحمام نخلص عليهم....ايوا صافي
خرجو البنات بالسطولة ....وصوبيرت الاعشاب ....وتلقاو ليهم البنات بي الزغاريت ...ليالي شافتهم تخلعت وهي دير ايدها علا جنابها
ليالي .....ويلي جيبو معاكم القصدير تاهوا لحمام راني واخدة سعودي دوك اللي قل من 20 غير رجعو والله لديتكم ....فعلا داكشي اللي كان تفرقت الجماعة ...وتقريبا 12 بنت اللي مشات معاها... وغادين بالزغاريت حتى وصلو ....خلصت ليالي لانها العادة تخلص على البنات اللي ممزوجينش ....اما امونة وندى خلصو على راسهم ....ايوا غير دخلو نصلو الحوايج وكلها شدت سطل ...وهاك بلاك حتى سخفو ....ودخلو لسخون انتشرو ....بغاو يديرو الصواب مع ليالي ساعة ...امونة وندى بالمرصاد تكلفو بالعشوب والحنة وتبريمة ديال العروسة .....وحكوها..قالوها وووفاو ...دارو ليها غسيل لبطانة تولات تزاوك....خرحها بالصلاه والسلام ولبسوها دوبياس في البيض وسروال وظوني في ..... خفيف بلوكاصي وتلحفت بالملخفة ...البيض والارونج وخرجوها بالصلاه والسلام تال عند الكوافورة ....اللي غتكلف بيها هي والبنات ...اما بنات الجيران ...فانتشرو مل وحدة مشات ..لقنت ....بعد 3 ساعات كانت عروستنا بأحلى حلة ..اكتفت بس بشعر بوكلي وجمعاتو من القدام ....ومكياج خفيف ..لانو مزال غدا غدير المشكة ومكياج ثقيل ...وكذالك امونة وندى غير سشوار ومكياج خفيف ...
الكوافورة ....تبارك الله عليكم الله يحجبكم ....من العيد والحاسدين .....
البنات ....اللهم امين وتانتي الله يعطيك الصحة
خرجو البنات غير على رجليهم... ملحفين ومغطين وجاهم ....لانو غير شارع ...اللي بين الكوافورة والكريااان.....غير وصلت لدار واستقبلوها بالزغاريت والطعارج ...هكا كتحسي بالجو العائلي ...وحب الناس ليك في بحال هاد الاوقات ...دخلوها ولبسوها اللبسة الخضرا اللي ديجا ...النكافة وصلات وقادت ليها البلاصة وخلطات الحنة وكتساين غير فيها ...طلعات ماشاء الله حورية فوق الارض ...برزوها بالجاه والعالي والعونيات محيحين ...والنقاشات كيحنيو ...لعويتقات وصبقو ندى وامونة ...لانهم من اهل لعريس وخاصهم يمشيو يجيبو الدفوع ....كملات ندى وامونة ونشفات ليهم الخنة وتسالمو مع ليالي ...وخرجو عند جواد ...اللي ميتسناهم ومعاه عمرانو كاسر الدنيا بغواتو في كرسيه لور
دخلو لطموبيل وجواد غير مخنزر ركبات امونة لقدام وندى اللور ....
جوااد.....داك الدري نرضعو انا قلتي غمشي لحمام ونجي ماشي من 12 تال 9 الليل ....لهدرة ماشي دابا من بعد
ندى ...عليكم السلام مدرتهاش بلعاني من هادي لهادي مسليتش وولدي مخليتوش لبراني خليتو مع جداه وخليت ليه لحليب
جواد ...ندىىىى متجعريش ديلمي في هاد الليلة صافي سكتيه و...
امونة ...بابابابا مالكم نعلو الشيطان صافي مطرا باس سمحلينا اخويا والله مردينا لبال لوقت .....غير بردو
مهدرش جواد ديريكت لفيلا .....وصلو بظلو حوايجهم وبدلات ندى لولدها ونزلو لقاو العديزات لابسين حلالب بالقفاطن والدراري ماملين لابسين البلدي ...احححح قلبي ...والدهاز محطوط قدامهم مصايب مقاد شهوى منو ....جاو العمال وخرجو الدفوع في الطموبيلات حيت غيتلقاو مع الدقايقة وعيساوة حدى الكريان
خرجو سيادنا بتلطموبيلات وحدة ...تنسيك في الاخرى والموسيقى مجهدة ...وطوطوطو زطروطوط حتى لحدى الكريان ...لقى الطيافر وعيساوة واقفين كيساينو ...قادو داكشي ...وتاصل بليالي علمها غيدخلو لكريان دابا ...وصاتو يخلي الكموبيلات6 معندهمش فين يدخلو ...
داكشي اللي كان ....دخلو عيساوة محيحين .....حتى وصلو لدار وبداو ...اوحنا عندمن جايين ..عند ليالي جيين ....واحنا عندمن جايبن بنت عبد المولا حيييي لولولولي ...الصلاه والسلام على رسول الله الا جاه الاحا سيدنا محمد.......وناس كلشي ميطال والبنات مخشيين وصط الهدية كيشطحو لعلا وعسى تبان لشي بوكوص وتهنى تاهيا وندى اكتفت تصور ليالي الاحداث ...لانها مغتقدرش تنوض من بلاصتها ....كملات الاهاجيز ودخلوهم بالصلاة والسلام والترحيب تال قدام ليالي ...حطوليها دفوعها اللي معرفاتوش امتة تصايب ولا تخيط ...وصل تال عندها عرا الشبمة وباس راسها وجلس حداها وهز ايدها فرحان وهمس ليها
خلدون :::طلعتي واعرة بالبلدي سعداتي واخيرا غنتجمعو بالحلال....اووووف سخفتيني ...عاد تهرس ليك داك الراس
ليالي ...كشتي نت ..كنتي ضريف ...راسك قصح ..من راسي
عبد المولى...سيدنا العدولات جاو
ناضو الرجال ....واكيد ليالي وكلات باباها مجاتش تجلس وسط الرجال ...كيما كان الحال ..ناس شعبيين..وعارفين الصواب..
ناضو توجهو لبيت.. امين،، جواد ،،خلدون ،،خليفة ،،وعبد المولى ،، وزوج عدولات
كان جواد وامين،، الشاهدين على عقد قران لاقصح راسين ..في العالم ...
ثلى العدول دوك الجمل كالعادة ..وحدد ليها مهر خيالي ...وعطاه للاب ديالها ...اللي رفض يشدو وقاليه يعطيه ليالي في ايدها ....ودابا خاص غير امضاء العروس ...خدى عبد المولى الكتاب وتوجه لبنتو ....اللي غير شدات الكتاب والستيلو دموعها نزلو
ليالي ...لبنات 😭😭 بصح بصح غنتزوج بحبيبي مكنحلمش ياك
ندى.. والله مكتحلمي وجمعي خناينك غتخلعي لعريس
امونة..(بقرصة حارة ) هانتي باش تعرفي مكتحلميش ..وسيني كلقينا ..دابا يحي هتلر ..يقلب علبنا هادشي
ليالي..اححح المسمومة .زرقتيني....بسم الله ..هانا سينيت
لولولولولوليليل....مبروووووك عليناااااا
ام ليالي..ويلي سكتي كاين شي عروسة ...كتزغرت ..سكتي شوهتيني خدى.عبد المولى الكتاب ..محمول بالزغاريت ..والصلاة والسلام ...ومن بعدها سينة خلدون والشهود ...ودابا ولات حلالو ..واخيرا قلبو برد ..
خرجو مولاي السلطان بالصلاة والسلام ...تال عند العروسة ...عاود باس راسها ولبسها كقم خفيف ...وحطاها كموسة كبيرة..حمرة وفبها الدهبي ...حلاتها وتخلعات ..فيها مبلغ مهم ديال الفلوس ...شافتهم وسهقت ..ليالي..ديلاش هادو ...اخلدون
خلدون..حبيبتي صداقك هداك ...
ليالي...ويلي على صداقي بزااااف...ماشي تال هاد الدرجة ...يمفي انها جبتيلي الطقم ...ودرتي ليا عرس ...ودفوع ...واصلا نت عندي بالدنيا ...بلا هدشي كامل.. يكفي انك حطيتيني على اسمك
خلدون...واخة نعطيك عيوني ...ميفوكش حقك .. وغنبقى نطلب السماحة...على الوقت اللي بعدت علك
امونة ...من وراهم وطلقونا ونتومة مخشيين في بعضياتكم خليونا نفوجو حتى تلاقاو في داركم وارى متحتو 😀😀😀😀
امين ..(من وراها)وتي بعدي منهم وباس ايدها وجرها معاه ..خلى الجيران غير كيشوفو وبالخصوص واحد الشخص متحصر في واحد القنت ودموعو ..نازلة ومعندوش الشجاعة يمشي يهدر معاها ...لانو اول واحد عطاها بالظهر ...قبل متعطيها الدنيا
*في غمار الشطيح والحيخة والبنات كل وحدة شادة زمانها ليطيرو بيها تسمع صوت نواقص ... والشطيح غريب التحت ...وصوت كلما قرب ...والبنات كيزيدو يتأكدو ..واش فعلا نفس الشخص ....حتى وصل عنهم ...واللي شافوه ..من لتحت رجلين عريانين .. وغادين طالعين تال لوجة .وهنا كانت ..الصدمة ..اللي مكاين بعدها حتى صدمة
😵😵😵😵😵😵😵
أنت تقرأ
صديقات في الخليج 2🍂مكتملة🍂
Lãng mạn💎مكتملة💎 ⛔⛔⛔⛔⛔ مسموح بالنشر مع ذكر اسم الكاتبات و الاحتفاض بالبوسط ⛔⛔⛔⛔⛔⛔ 🌹🌹كبيدااات الحبيباااااات❤❤ #بالجزء_لثااااني ديال القصة ديالنااا🌹صديقات في الخليج🌹 قراااو الشروووط مزيااالن باش تعرفووو شنو النضاام لي غانمشيو عليه حاليا حيت داكشي ديال...
