صديقات في الخليج 2🍂مكتملة🍂

🍂الجزء 142🍂

💋 صدیقاات فی الخلیج 💋
بقلم....لیالی....ندی....غالا...
#الجزء_الثانی
بارث...♡ 142♡
🚫🚫 یحلل النشر مع الاحتفاظ بنفس الصوره 🚫🚫
#مر_اسبوع على البنات دوزات فيه امونة احلى ايام حياتها ..و فرطوطو ما كاانش كيقل عليها .. حتى هو مشا مع طوني هايش لا في .. اما ندى فأصرت انها تبقى مع ليالي فالفيلا حتى تجي امونة .. و نيت جواد مزال ما كمل التجهيزات فالدار ديالو داكشي علاش خلاها على خاطرها ..اما خلدون مابقااش عتب الفيلا ولا شافتو ليالي من يوم العرس ..و اليوم بعد ما رجعات امونة الكل كانو مجمووعين على مائدة العشاء .. لكن حتى فرحة ما كاتكمل ليالي غاتزف ليهم أسوء خبر ممكن يسمعوه ..
جواد .." موجه كلامو لامين " و الله هاذ الجمعة ليها وحشة ..
امين .. هههههه واييه اصاحبي ما خصها غير خلدون ..
ليالي .." كي سمعات سميتو تقرصات .."
امونة.." بغات تغير الموضوع" لولو حبي توحشتك رقاقيتي الصكعة😱..
ليالي .. ههه ماتزيديش فيه..
ندى .. راني قلت لها بدات ترقاق و ماتيقاتنيش ..
امونة .. كلو الا فقدان المقومات👊 هاذي كانت هضرتك .. و لا لا 😉
ليالي .." شافت فيها بانكسار" كانا هضرتي .. شحال هاذي ..😏
ندى .. و شنو لي تغير بالسلامة .. امممم ..
ليالي .. كولشي .. احم ..المهم بما انكم كلكم هنا .. انا بغيت ندوي معاكم فواحد الموضوع ..
ندى.. عمري شفتها كدوي بهاذ الجدية تا فاش كنا فديك المصيبة .. ياك ما غاتنضمي لداعش ..😱
امونة .. ههههههههه بحال والو
ليالي .. انا قررت نرجع للمغرب ..
ندى .."وحلات لها اللقمة" شناااواااا ..😳
امونة .. صافابا ابب ؟
ليالي .. دويت مع سي يعقوب و هو تكلف ليا بكاع اجراءات السفر ..
ندى .. كيفاااش دويتي مع من اختي 😠..
ليالي .. اه .. قبل عرس امونة دويت..««« فلاش بااك «««
ليالي .. سي يعقوب .. ممكن ناخد من وقتك شوية ..؟
يعقوب .. اوه و حنا فديك الساعة لي الاميرة ليالي تاخد من وقتي .. خديه كلو لو حبيتي
ليالي .. الله يعطيك الخير .. 🙂..
يعقوب .. نعم ..بغيتي شي حاجة ابنتي
ليالي .. مابغيتش ندخل معاك للتفاصير ولكن انا عندي ختي فالمغرب و ..
يعقوب .. بغيتي تجيبيها لعندك ..؟
ليالي .. لالا .. بغيت نمشي لعندها .. خصني ضروري نرجع للمغرب .. ما بقى عندي ما ندير هنا .. ختي محتاجاني و غبت عليها بزااف ..
يعقوب .. و البنات ..؟
ليالي .. ههه البنات دابا طمأنيت عليهم كل وحدة تزوجات الانسان لي كاتبغيه و غايحطها فعينيه .. انا شنو غانبقى ندير هنا .. و عندي ختي محتاجاني ..
يعقوب .. " تنهد و شاف فيها بحزن .." واخة ابنتي .. براحتك واخة غانتوحشوك بزااف ليالي .. حتى انا غانتوحشكم بزاف .. بغيتك تعاوني .. باش نرجع ..
يعقوب .. كوني هانية كاع اجرائات سفرك غانتكلف بيها .. المهم عندنا هو راحتك ..
ليالي .. شكرا بزاف .. هاذ الخير عمري ننساه ليك ..🙂..
»»»انتهاء الفلاش باك»»»
امونة .. بهاذ البسااطة ..؟ .. و كاتنطقيها فحال لا غاتقولي لنا غانمشي لطواليط و نرجع
... #يتبع😭😭