صديقات في الخليج 2🍂مكتملة🍂

🍂الجزء 26🍂

🔪 صديقات في الخليج 🔪
بقلم....ليالي....ندى....امونة...
#الجزء_الثاني
بارت....♡ 26♡
🚫🚫 لا يحلل النشر 🚫🚫
بعد مرور يوماين ...دوزها البنات فمكانهم الجديد كيحاولو يندامجو مع الوضع ويولفو عيشتهم هنا...واخا لمكان لا يطاق والكن حكم القوي علي الضعيف...كانو كيخدمو فاليل كيف العادة وفالصباح ينعسو والكن ماشي كيف ولفو حيت هنا كلشي بقوانينو هوما لي كيصبنو حوايجهم وهما لي كيطيبو ماياكلو وهوما لي كيجمعو بلايصهم والي شي وحدة غدرها النعاس ولا تهاونات فالنوبة مع لبنات كتصدر ليها ديك وجه لويل ديال فوزية.... انسانة متوحشة مافقلبها رحمة عدوها شي واحد يرتاح وكتكره كلشي ...واخا هكا البطلات ديالنا بربعة ماكانوش كيتسوقو ليها حيت عندهم هدف واحد خاصهم يوصلو ليه....بقاو كيتقربو من البنات علي لله يطيحو علي راس لخيط ولا شي حاجة لي تعاونهم فالمهمة ديالهم....كيديرو جهدهم وكثر باش البنات يتيقو فيهم ويرتاحو من جيهتهم ويعاودو ليهم قصصهم او كيفاش حتي تلات بيهم فهاد لمكان لقذر حيت مايمكنش شي حد يجي لهاد لحبس برجليه حتي واحد مايقدر يتحبس بلا دنب ويسيروه يمين ويسار كأنو دمية لا روح فالداخل ديالها واكيد كل وحدة موراها سر كبير حيت فوقت الخدمة كيلبسو قناع الفرحة والرضي بينما مع راسهم كيبان عليهم الحزن والخزى من نفسهم داكشي علاش لبنات كيحاولو ما امكن يعرفو اشنو ورا هاد الحزن... فالصباح ديال النهار الثالت فاقو لبنات عادي ظارو النشطات ديالهم كيف مولفين...

أمونة ..."مشات وقفات قدام وحدة من البنات جالسة فوق ناموسية ديالها ومهمومة حاطة يديها علي خدها جلسات حداها و ابتسمات ليها .." لباس عليك ..؟ اممم انا امونة .. جديدة هنا .. اه و اهم حاجة انا مغربية و نتي ..؟
......انا ..حنان .. "عنقات امونة شحال تالوقت عاد عاقت براسها و بعدات عليها " سمحي ليا شميت فيك ريحة بلادي 😭..
امونة ... "شافت فالبنات لي وقفو حداها و كلهم سلمو عليها " حتى هوما مغربيات .. و جايين هنا بالسيف علينا😥
حنان .. و شكون لي جاي هنا بخاطرو 😏
ليالي .. هي حتى نتي جاية بالسيف عليك ..
حنان ..واش حالتي حالة وحدة جاية بخاطرها .. ؟ كتشوفي هادو لي هنا كااملااات سواء الصغار ولا الكبااار  يكذب عليك الكذااب لي يقول لك جايات محبوسات هنا بخاطرهم ..😏..
اسراء .. عاودي لنا قصتك ..كيفاش حتى وصتي هنا ..؟
حنان .. قصتي قصة .. خليكم ترتاحو .. من بعد ندويو .. نهار ديال تخمال كيدوز صعيب
ندى .. "جلسات حداها" لالا حنا مرتاااحين غير فضفضي اصلان مولفين بتمارة ماكيكٌرش فينا داكشي
اسراء .. غير عاودي لينا .. كنوع من التعارف .. ونسيو هموم بعضياتنا
حنان .. "تنهدات بارتياح فحال لا كانت كتسنااا شي حد تخوي عليه قلبها وكانت كتشوفهم فهاد ابمدة كيف كيتعاملو مع بعضياتهم وكيواسيو بعضياتهم هادشي خلاها ترتاح ليهم''  واخة .. كيف قلت لكم سميتي حنان عندي حاليا 37 عام و 12عام وانا في الامارات جيت بزواج بعقد مغربي مع سعودي كنت مزال صغيرة وتغريت بالفلوس والهداياا وغرقني وغرق دارنا فلوس ودار معانا غنديرو عقد مغريبي ونمشي معاه لسعودية ويدير ليا عقد سعودي  وغيجيب بابا وماما لعندي ويدير لي عرس تما درنا العقد طبعا بالفلوس ومشينا لسعودية دوزت سيمانة ديال العسل وقالي نمشيو لامارات شهر العسل وجابني لهنا ولاحني في العسل كيما كتشوفو هههههه اكتشفت انو عمرنا متزوجنا واني مجرد طرد وصلو لماليه لكن استمتع معايا ومن داك الوقت عمري عرفت على دارنا شيحاجة وكنت انا لفوق ملي كنت عاطية لعين وملي شرفت نزلت لكاااف "شافت فالبنات اوخرين لي كل وحدة كانت جالسة فنموسيتها و كيشوفو فيهم "بحال اللي قبل مني .. هههه عرفتي شحال خايبة تكوني كتحلمي تحسني مستواك و فالاخير طيحي فحفرة ديال الدعارة يبيعو و يشريو فيك 😭 بغيت حاجة وحدة بغيت غير واليدياا بغيت نشوفهم ولو مرة وحدة و مالقيتش ليهم جهد ينعلبو الطمع لي لاحني هاد اللوحة ..

#يتبع🔥🔥