صديقات في الخليج 2🍂مكتملة🍂

🍂الجزء 200🍂

💃صديقات في الخليج💃
بقلم ....ندى العمر ♡ليالي نسيم ♡ غلا الروح
#الجزء_التاني
بارت...♡200♡
❌❌نحلل النشر مع الاحتفاظ بالصورة وذكر اسم الكاتبات❌❌
فكنزلو  كل عام تقريبا ...وكنتجمعو  مع ناسنا  تماااك ...وكيفرحو بينا وتاحنا كنفرحو بيهم.....
من بعد متحولو  من للكريان وبناو ...وكانو حدى بعضياتهم ماشي ملاصقين الديور ...لكن نفس الحي ....خالي فؤاد اللي طلق مرتو وخدى براكتو اللي كانت ناوية تستعمرو فبها ....وتزوج وولد زوج وليدات .... وجداتي  سعاد  ...اللي قرات ..متفكرش تزوج مرة اخرى ...وربات بناتها مزياان وتزوجو ...وحدة منهم عايشة معاها مونساها والتانية كتزورها رفقة زوجها كل اسبوع ....وجدو ع المولى وجداتي زهرة ....وخالتو  اللي كبرات وتزوجت وعندها تربية صغيرة سماتها تسنيم ..وتاهيا مستقلة بدارها لكن اسبوعيا كتزور اهلها ....وكيتجمعو وتاهوما تزادت ...محبتهم لبعضهم ...واكيد الفضل لدوك ثلات  الصديقات  اللي حكرهم الفقر والكريان ...لكن اتحدو وبينو بلا مزال ...الصداقة كاينة...خاص غير الصبر والثقة ثم الثقة
في الجلسة الاسبوعية ككل وكاند ....مجموعين  اهلي وحبابي وعزوتي وما املك في الدنيا ...ابائي الاربعة وجدودي بي ثلاتة   ...يناقشو موضوع رواایتی ....اللمة لهاد الاسبوع غير  ...اللمة فرحة بيا  ...وتتويج لامهاتنا البطلات ...اللي قاصمونا اكبر سر ...ليهم واللي يستحيل يعاودو  شي حد ...لولادو ...لكن ثقت اهلنا فينا تعدات الحدود وفاقت الخيال ....وعودو لینا تجریبتهم وشجاعتهم لی خاصها تدرس..
يعقوب ...."تزادو شيب على شيب..ولات صحتو على قدها "... کاتبتنا  المبجلة ...اكيد اسمك غيطلع بالعلالي ...من بعد هاد الكتاب...😘
جنات ..."عينيها لمعو بالفرحة "...اوووه طبعا غيطلع بالعلالي مانا بنت امونة هانم والظابط امين..😍
جواد ..." رغم تقدم سنو الا انو مزال محافظ على لياقتو الشيء لي كيبينو صغير "...هاهيا بدات تاني..اللهم زدني تواضعا .نزلي لرض ابنيتي شويه😡
جنات...عمو حرام علم ديما كتحطم معنوياتي ....😟
ندى....."باستها في حنكها "...حبيبتي نتي ...ولا يهمك منو ...انا فرحانة ليك بزاااااف ...☺
ليالي .."كتدلع "...اكيد طالعة لخالتها ليالي ...☺
امين ....."شيب خرج ليه قبل لوقت "...سلام قول من رب رحيم ...مطلعاش ليك ...طالعة لماماها والعار نلقى السلاكة ...😒
"الكل ظحك على ليالي اللي غوبشت "
عمران...."جر ليالي عندو حوطها بدراعو "..ايه بعدولي من لواليدة  ...دابا نبدا نخلط 👊🏻
ليالي .."زيرات عليه"...يخليلي ...حبيبي اللي يدافع عليا .....💋
امونة...ناضت عنقت ليالي ...مالكم تحاميتو ليا على ختي ...مصاب تطلع فحال ليالي..
خلدون...." باقي هو هو لي سمعو يقول هادا عاد مدوز ايامو "....احححححح لطلعت فحال ليالي باز اللي غياخدها ....
"الكل ظحك الا نادر اللي شاف فيها بنضرة مممفهومات ...من ديما ناذر  ..في شكل عكس الكل ....شخصيتو محبوبة ومتفهم وديما حواراتو اكثرها معايا  ...اما انا  مرة مرة كنبتسم ليه ...ولنضرتو اللي وتراتني ...واكيد كنتمناه يكون يحس شوية بداكشي اللي كنحس بيه من جيهتو اللي مزال معرفاش اشنو هو ...لكن اكثر واحد كنرتاح في الهدرة معاااه  ...عكس خوه نبيل ....اللي متسرع ..وديما راجع يعتاذر ..بسبب سرعة الانفعال ...اما افنان ...على قد ماهي حنونة وطيبة الا انها مكتسكتش على حقها ...ولكان غير الهدرة فهي فليفلة....لكن ملي كتوصل لعمران ....كيتقداو ليها معاه ..  ....واخرا وليش اخيرا بشاير ....الحب ديال العائلة الهادئة المرزنة ...اللي متنوضش الدجاجة على بيضها ومحبوبة ولاد عمامها وبنات عمامها ....وريحانة اللي مشاغبة العائلة اللي طالعة فرفارة ...ونفسها حارة شابها خالتها ليالي في الاخر كتجيبها غير في عضامهم .....نمشيو عند ....جميلة ...الاحفاد .دانة جميلة الوجه والتصرفات ...ضريفه ومسالمة لابعد حد والصديقة الانتيم لنبيل ...
كيفاش ....صابرة عليه الله اعلم ...واخر عنقود  للعائلة ودلوع اخته الطفل الوسيم  بهاء الدين...
قاطع حديتي مع نفسي ووصفي لاهلي بابا امين"
امين ...حبيبتي .مالك ساكتة ؟؟
جنات.....معندي منقول داك الشي اللي بغيت هاهوا معايا وحدايا ...مبغيتش كثر..
"اكثفى بقبلة على راسي"..
دانة .....دابا اتصال للاهل والاحباب ...يله تجمعو نهدرو مع طاطا عزيزة وعمو طوني ...
خلدون ..امين..ايوب..جواد.......اووووف عاد طاطاكم مبغاتش تهد 😡😡
البنات ......هييه صاافي بعدو من فرطوطو....
الاباء ...."قلبو وجهم كيف ديما "....
افنان..."لی نفزات هی لوله هضرات "....طاطاتز ..دیالی انا بووحدی توحشتک ☹☹
فرطوطو...."دایر ماسک لوجهو وبزز باش کیدوی "....مجمووعین تانی....باغین تکلاطیونی..بالحق مزیان نتفق ومنضحکش علی ود لمااسک...😒
ندی...."غمزاتو"..مکرهناکش تکون معانا غدا ...حیت نهاار مبحالو نهار...
لیالی....ناری یا فرطوطو کون غا جیتی سکتی هنا کنتوحشووک ..
فرطوطو..."حس بقلبو کیزدح "...ویلی قلتی سکنی هنا وانا تشدنی لخلعه ...اما کون جیت عندکم ..یحیبی تبول لا ارادی....ایوا تانا مکرهتش نکون معاکم غدا ....صیفطو لیا طیاره ونجی...من دابا ولا غا کتاف عمران کافین 😒😒😒 "افنان تهزات علیه بالضنک حتی عقد حواجبو "
عمراان..."شاف فی لیالی بمعنی علی ودک صابر ورجع خنزر فی فرطوطو "...خلینی محتاارمک ...راه بزز شادینی علیک...ونتی "شاف فی افنان لی نبره صوتو خلعتها ".....تجمعی ولا نجمعک....ودیک ساع میفکک منی حد..."غمزها ودور وجهو ...اما هی میلات راسها حیت عارفه غتجیبها فیه معاه ....وکیف دیما من ورا کل تناگیرا لیهم کیدخلو بیناتهم وکلها فیهم نافخ ریشو عمران کلمتو مکیبغیش یتعلی علیها...وافنان کدیر لی فراسهاا وحالفه تجننو..."
فرطوطو...."ناض غسل وجهو وجا "...صافی بردتو صالحوکم یالله تعالو ...نشطحو البنات...🤣🤣.
ككل اسبوع  رقصنا حنا لبنات وظحكنا مع طاطا عزيزة محبوبة الكل رغم كل شي ...خلاتنا نبغيوها بطيبوبتها ونتغضاو على شكون وكيفاش هي ...استمر الحديت نصف ساعه ...بعدو مباشرة اتثال فيديو ...لعمو خليفة رفقة زوجتو كوثر وابنو ياسر  ...واللي قرر انو يستقر بالمغرب ...ويباشر اعمالو تماك ...وبعدها ربطنا الاتصال مع اهلنا المجموعبن عند جداتو كلثوم  ...اللي مزال تاهيا  محافضة على اجتماع العائلة كل جمعة ....كذالك هدرنا معاهم وسولنا فيهم وباركولي على الرواية كتبت ولي مرشحة للفوز بافضل رواية في وطن العرب...
#يتبع
#النهاية_اليوم