صديقات في الخليج 2🍂مكتملة🍂

🍂الجزء 20🍂

💋 صدیقات فی الخلیج 💋
بقلم.....ندی....لیالی....امونه...
#الجزء_الثاني
باارت.....🔫 20🔫
🚫🚫 لا يحلل النشر 🚫🚫
دخلات ليالي لشومبر بعد ما خذات الباست من عند شمايل .. دخلات ديريكت للحمام فزكات عنقها و شافت وجها فالمراية ..قلبات جهة صدرها كل ما كتشوف دوك الطبايع لي قربو يتمحاو كتفكر ديك الليلة لي سلمات فيها شرفها لخلدون فطابق من ذهب وكل لي قاهرها انو مرفضش .. ضحكات بالجنب فمها .. "وعلاش غايرفض على اساس حبيبتو باش يخاف على شرفي" ..صاوبات حوايجها و زادت عكر فوق لي دايرة ابتسمات و عاودات نفس النضرة لي كدير باش طيح الزبائن من اول نضرة .و خرجات من الحمام .. وقفات قدام السرجم كطل منو تفكرات المخدر لي حاطة بين صدرها و السوتيامات ..
ليالي .."دمعو عينيها" على اساس هانحتاااجو مزال بففف 😏
حسات بالباب ديال الشومبر تفتح و غمضات عينيها بألم كاتحاول توتجه مصيرها .. فتحات عينيها ...ابتسمات و ضارت تشوف الزبون ديالها لي كانت لابس لبسة خليجية ابتسمات ليه اكثرو تمشات لجهتو كتلوى ..وقفات قدانو باستو جنب فمو و رجعات شافت فيه...
ليالي .... اكيد تَبِ تشرب شي .. "جراتو و جلساتو على الكنابي .. "دقيقة باجي ..
مشات لجهة البار كبات كاسها و كبات كاسو حتى كانت هاتخليه بلا مخدر لكن تراجعات نعلات الشيطان و حطات ليه المخدر هزات الكيسان و عاودات رجعات ليهلكن كي وصلات عندو طاحو الكيسان من يديها بالصدمة .. كان خلدون حيد اللبس السعودي و حيد الشلاغم و اللحية الكثيفة لي كان مغطي بيها لحيتو ... و حيد العدسات حتى هوما ...
خلدون...مالك شفتي جن ....؟
ليالي .. ا.. ااا.. انتاااا اش جاابك هناا اش كديير هناا ..
خلدون ...زبون و جاي يقضي ليلة عندك مانع ..
ليالي ....مع من مع جنون .. كنتي هاتشرب مخدر لولا شفتك و طاح من يدي ...
خلدون .... كنت هانشرب من دمك واش ديلمك لي جا كتزللي عليه هكذا ..؟ هااه ...! حمدي الله ما درت فيك والو ..
ليالي .. اش هادير هاااه .. شنو غاديييير شكووون نتاااا هااااه شكووون... ؟
خلدون...انا خلدوون اماما .. خلدووون مكانبغيييش حاجتي يتشاركها معايا شي قواااد كيف ماكاان يكوون ...
ليالي .. دغيااا سميتيني ديااالك دغيا واش هبلتي اخلدووون فيق فييييق ...
خلدون .. ثم انا كنت كل نهار كنتصل بيك علاااش مكاتبغييييش دوي معيا ..
ليالي .. دوي بشوية .. ماااتغوتش عليااا.....

خلدون .. "زفر بالجهد" اووووف .. اوكي اوكيي .. اجي بغيت ندوي معاك فواحد الموضوع خلينا ندويو كناس بعقلهم ولو لمرة ..
ليالي .. "دمعو عينيها" ّ..قبل ماتقول اي حاجة خصك تسمعني فهاذشي لي هانقول لك .. وقدر هاذشي لي نتا باغي تقولو ليا نيت .. جلس ..؟
خلدون .."حاول يفك التغوبيشة و جلس ".. احم .. دوي ..
ليالي .."جلسات حداه كتلعب بصباع يديها لي كانو عرقانين"بغيت نقول لك اي حاجة وقعات داك النهار انت ماعندك حتى ذنب فيه
خلدون .. ولكن انا..
ليالي .."حبساتو بيديها بمعنى سكت" خليني نكمل عفاك .. ..انا لي شربت و قدمت لك راسي بسهولة .. انا عارفة بلي رميت راسي عليك الى كنتي جاي هنا حيت حاس بالذبب بغيت نقول لك تقدر ترتاح حيت انا مامقلقاش منك انا مقلقة من راسي .."بداو دموعها ينزلو بجهد" ههءهءهءهءهء انا هءهء اناا ماعرفتش كيفاش قدرت ندير هاذشي كيفاش قدرت نخون واحد الانسان لي كنبغيه و واعدتو غانكون غير ليه ههءههءهءهء ماعرفتش كبفاش وقع هاذشي .. ماااعرفتش ههءهءهءهء ...
خلدون .. كتب.. كتبغي شي حد ....؟
ليالي .."مسحات دموعها و شافت فيه وعويناتها فازكين بالدموع " اه .. و داكشي لي وقع بيناتنا عااافاااك بغيتك تنساااه انا غانمحي ديك الليلة من ذاكرتي غانمحي داك النهار ههءهءه نسى بلي انا وياك كانت بيناتنا علاقة بهاذ الشكل شي نعار .. نسا واش نتااا لي خذيتي عذريتي بلاصة الرجل لي كنبغي 😖😭😭
خلدون .. وقف بصدمة من كلامها حط يديه على عينيه و بعيد عليها بقى غادي جاي فالشومبر كيحاول يستوعب شنو قالت له بانت ليه الطبلة لي قدامو دفعها حتى تشتتات ناضت ليالي قافزة منو ..
ليالي .. اويلي شنو درتي😳...
خلدون .. قرب ليها عينيه حمرييين كي الجمر و عروق عنقو باينين غايطرطقو جرها من شعرها و لسق وجها مع وجهو" شووووف انا شنووو جاااي نقووول لديلمك .. و نتي شنووو كتقووولي .. من نهااار رجعتي و انا كنحااااول نتصل بييييك باااش نقووول ليك بلي كتعجبيني و قربت نبغيك عههههه حسيت براسي كنبغيك داك النهار كنت باااغي نقوول لديلمك ماغااانخليييكش و لي كااان بيناااتنا ماهايخلينيش نبعد عليييك ..مااشي خديت لي بغيت و غانهرب .. ولكن .. بففف ماااتستااهلييش دابا عااد جاية تقولي لياا كتبغي شي زامل اخر هاااااه ..
ليالي .."كترطااا فيديه و تغوت" بعااااد الخرااا بعاااد .. انت ماكاااتعني ليااا واالو الزمر فين عمري عطيتك امل باش تبغيني فييين عمري بينت لك بلي كتعجبني باااش تقووول هاذ الهضرة هاااااه .. سنييين و اعوااام و انا كنبغييييه كنمووووت عليييه على ودووووو جيت لهناااا على ودوووو قدرت نقنع البنااات باش نجيو لدبي باااش تقوووليااا نتااا كنعجبك ولا منعرف شنووو انا قات لك نسى نسااااا اي حااجة وقعاات بيناتنا داك النهاار حيت فغيييمووون انا ماكنتش فوعيي و لو كنت فوعيي نتا عارف مزيااان بلي ماغانقبلش بحاااجة بحال هاااذي ..
خلدون .." طلق منها " نتي لي سرحتي ليا طريق باش نزعم .. حتى فاش مكنتيش سكرانة . عينيك كانو كيقولو كلااام ماااشي بحال هذااا لي كتقولي دابا ..
ليالي .. هههههههههه .." مسحات دموعها " هههههههه من نيتك عيني هههههههههه عيني كيقولو شي حوايج ماكاانحسش بيهم اخلدون هههههههه انا عيني هكذا كيبانوو ولكن لي فقلبي غييير.. خلدون .. رجع لباميلا .. رجع لباميلا حسن لك .. هههه يااك كتبغيي السويدية ديالك .. علااش كتقول هاذ الهضرة داباا ..؟
خلدون..."دوز يدو على راسو و شاف فيها بنضرة فشكاال .."تعرفي شنوو .. باميلا حسن منك .. حسن منك ببزااف .. على الاقل ماشي انانية .. كان ممكن تقولي هضرتك هاذي بطريقة اكثر لباقة يمكن كنت نقدر نتقبلها ولكن لااا نتي ليالي .. عنيدة و متكبرة عاااجبك كرك و حاااسة ببيه بزااف مستحييل توصلي كلامك بطريقة متجرحش الاخر ..
ليالي .. "فتحات فمها بالصدمة" هاذ الهضرة كتقوولها ليا انااا
خلدون .."كارز على سنانو و كيحاااول يشد راسو باش مايتعصبش عليها كثر من هكذا .." قودي اليالي .. ماباغييش نشوووف وجهك ..
ليالي .. اييه تا انا مابااغاااش نشوووف زلااافتك حيااتب كاااملة😡
ضربات فيه و خرجات نزلا للشومبر ديالها كانت الوقت تقريبا قرب الفجر دنص حوايجها حيداتهم فالطريق كي وصلات تلاحت على البينوار عمراتو و تخشات فيه كتحاول ترتااح لحمها كان مشوك و كلها كترعععد ..اما خلدون ماخلى حتى حاجة فديك الشووومبر الا و هرسها دخل خدا حمام كبح فيه غضبو وقف قدام المراية بقى مدة كيشوف فوجهوجمع قبضة يدو وخشاها فالمراية حتى تشتتات ..
خلدون .. بسيييطة يا ليا .. وعد مني لا ماكنتييش ليا بربي لا كنتي لشي قوااد ...