.
.
.
•
دخل غيث البيت ، اليوم راجع بدري علشان يلحق ينام له ساعتين لانه وعد ورد يسهر معها ولانه طول اليوم يفكر وش تسوي وش لابسه وهل هي تنتظره او تشتاق له
سمع صوت عيال اخوانه في المطبخ دخل وشافهم متجمعين على طاوله المطبخ ويراقبون ورد اللي تسوي كيك ، نزلت الطاسه اللي خلطت فيها الكيك ، وغمست اصبعها في باقي الخليط ولحسته : اممممم لذيذ
ذوقون ، مدوا الصغار اصابعهم وبدوا يلحسون باقي الخليط
قرب غيث وسال : وش ذا
الصغار : كيك ورد سوت لنا ،،،، خالو لذيد ذوق
شاف غيث ورد تغمس اصبعها وسحب غيث يدها ، ورفع اصبعها لفمه ولحس الخليط اللي في اصبعها ، وعيونه على ورد ، انحرجت ورد من حركته وسحبت يدها بقوه من فمه وشالت الصينية تدخلها الفرن
تنهد غيث : متى تخلص
ورد : بعد ٤٥ دقيقه ، بس تحتاج نص ساعه علشان تبرد ونزينها
غيث : خبي لي قطعه
ورد : ما اضمن
ضحك غيث : عادي اكل الكيكه ثانيه
كانت في خد ورد اثار عضته لها ، حطت يدها عليها تخبيها ، طلع غيث وهو يضحك للغرفة وبدل ونام
ورد انتظرت مع الاطفال حتى جهزت الكيكه ، بعدين زينتها
وقطعت ، تركت قطعه لغيث على الجنب
قطعت الباقي للاطفال ، اكلوها وهم يسولفون عليها ويضحكون
نغم : وش هذه
اشرت على العلامه في خدها ابتسمت ورد وقالت : قرصتني حشره كبيره تخوف لها قرون
خافوا الصغار وصرخوا ، ورد : بس انا ضربتها بقوه على راسها
نغم : ماتت
ورد : لا بس هربت من البيت
صرخو يشجعونها ويصفقون لها ، حست بيد على خصرها
وغمضت عيونها لانها عرفت من هو ، لحظات وسمعت صوت ضحكته العالي
