بين الهقوات والظنون

لا تستحي قول أحبك و إكسر الحاجز ‏مشاعر الحب .. لا ( تستر معانيھا )

.
.
.
•
مرت ثلاث ايام هادئه على الجميع ، سلطان وشذا ارجعوا يفتحون المكتب ، وداومو  بعض الموظفين معهم ومنهم عادل ، زيد رجع لشغله المتعب في المزرعة و ندى كانت تقضي اغلب وقتها لوحدها ، وبعض الاحيان تجي عندها نجوى ، ماتدري ليش زيد حرص عليها ماتطلع من البيت ولا تروح لبيت ابوه حتى انها سالت عن السبب كل اللي قاله : نفذي رجاءً بلا اسائله
فهمت ندى ان اهله باقي زعلانين علشان موضوع حسين الله يرحمه
ورد في بيت غيث وغرفته وهو باقي مختفي ، الكل هنا يحترمها ، صح ام غيث تتجاهلها ، وتتعمد تتكلم قدامها عن تجهيزات زواج غيث وبنت ضافر ، حتى انها تفتح سبيكروهي تكلها وتضحك معها واضح تحبها كثير
فادية اليوم راحت بيت امها ، البيت فجاه من العصر امتلى اطفال من جميع الاعمار ، ورد انتبهت ان البيت عبارة عن ثلاث فلل بجنب بعض كل زوجة من زوجات ابو مصعب تعيش فيه ، ام مصعب متوفيه بس ولدها مصعب يعيش فيه ، مع اخته عبير وعيالها لانها مطلقه ، الثاني بيت ام متعب ، يعيش معها ولدها الكبير مع زوجته وعياله
لكل منهم حديقه خاصه ، بس السور يجمع كل الفلل
كانت ورد اغلب الوقت جالسه لحاله في الغرفة ماتطلع الا وقت الاكل او وقت يناديها ابو مصعب تتقهوى معهم ، وبعض الاحيان تطلع من فادية للحديقة ، واليوم كانت طول الوقت جالسه لوحدها في الغرفة ولا طلعت حتى للغداء ، طفشت وقررت تنزل تحت وتشوف الاطفال اللي صوتهم واصل لها ، انزلت الدرج وسمعت صوت سوالف وضحك جاي من مجلس الحريم ، بس هي ماهي مستعده تطلع لاحد حتى لبسها كان عادي كانت لابسه لقنز اسود لنص الساق على بلوزه صفراء طويله مايله على كتف واحد ، راحت المطبخ اللي له باب يفتح على الحديقة الخاصة ، طلعت وصارت تتمشي كانت فيه اشجار ورد وفخاريات ومصابيح زينه وجلسه قدامها طاولة خشبيه كبيرة ، كان الوقت ليل واصوات الاطفال  يلعبون في الحوش عاليه مره ، توجهت لهم وشافتهم يلعبون اول ماشافوها تجمعوا حولها يطلبون تلعب معهم طبعا هم صاروا يعرفون انها زوجة غيث ، ابتسمت ورد وسالت : تعرفون الغميمه ( هي تغمض عيونها وهم يهروب ويتخبون في مكان وبعد العد لعشره تدورهم  )
تكلم ولد صغير : ايه دائما نلعبها مع خالي غيث
ورد : يلا انا بغمض عيوني وانتم اهربوا وتخبروا بس لاتروح بعيد او جهه مجلس الرجال
صاحت بنوته : او داخل البيت
ضحكت ورد : صح ،، يلا  
لفت على الجدار وبدات تعد ( واحد ، اثنين ، ثلاث ، فجاه حست بشخص يوقف وراها ،التفتت وشافت غيث واقف ويناظر فيها بنص ابتسامه ، لا ايرادي غمضت عيونها ، ابتسم غيث من حركتها الطفوليه مالحق يتاملها زين لان  الاطفال صاحو باسمه وركضوا له يحضنونه ويتجمعون عليه
كان غيث معطي ظهره ورد ، سال الاطفال : فين ورد احد شافها
نغم : وراك 
لف غيث نص لفه : فين ما اشوفها
صاحو الاطفال بصوت واحد : شوف وراك
مسك غيث يد ورد وسحبها لظهره حتى لزقت في  تماما  ولف : مافيه احد
بدات ضحكات الاطفال ترتفع وهم يعلمونه وهو يسحب ورد وراء ظهره كل مادار ، اخر شي هجمو عليهم الاطفال وسحبوها : هذه هي ،، ماتشوفها
ورد اندمجت معهم وصارت تضحك 
سحبها غيث ووقفها قدامه : حصلتك ،،  انت هنا
مسك يدها وابتسم لها ابتسامه دوختها خلتها تفتح فمها مذهوله ، ركض غيث  وهو ماسك ورد اللي اركضت معه والاطفال وراهم يصرخون ، وقف غيث ولف عليهم وكشر ورفع يدينه مثل وحش ، وصرخ ، هربو الاطفال منه وهو يصرخون ويضحكون ، سحب  ورد ودخلو المطبخ مع الباب الخارجي
كانت ورد تضحك بقوه لانها مبسوطه كثير نست ان هذا غيث ، اما غيث اللىي ماتوقع ان اللقاء اللي اخره راح يكون بهذه السهوله ، كانو مندمجين مع بعض وكان لهم سنين متزوجين مو ثلاث ايام ، ناظر فيها ، كانت اقصر منه بشوي توصل لكتفه ، وشعرها لنص ظهرها جامعته ورافعة ( ذيل حصان ) وفيه خصل نازله على وجهها ورقبتها الطويله ، شفايفها مليانه وفمها صغير ، خشمها حاد وعيونها الواسعه المدعجه  بلونها الاسود الجميل
دفها على الجدار وراء باب المطبخ ووقف قدامها قريب مره منها وحط يده على فمها يمنع صوت ضحكتها وهمس: اوششش
بعدت ورد يده وهمست : بيحصلون  مكانا مكشوف
حط غيث اصبعه على فمها يسكتها : عندي خطه 
كان غيث يتمني يبقون كذا وقت طويل يبغى يتاملها ويشوف ابتسامتها ووجها السعيد ، ياكثر ماتمني يشوف هذا الوجه على الطبيعه ويلمس شفايفها
انفتح الباب واندفعو الاطفال عليهم ، صرخت ورد وصرخوا معها ، وهجموا عليهم غيث حضن ورد وصار يدور  فيها ، علشان لايمسكونها
فجاه صوت ضرب على الباب : خير انت وهو
الكل سكت والتفت لصاحب الصوت ، كانت ام غيث وخلفها ضرتها وبعض من خوات غيث ، ترك غيث  ورد ولف لهم وورد تخبت وراء ظهره من الاحراج
ام غيث بحده : وش هذا الصراخ
غيث بابتسامه خجوله : نلعب
ام متعب : تلعبون ، فجعتونا  نحسب فيكم شي
ام غيث كانت نظراتها الحاده مصوبه لورد وكانها تلومها   سالت : متى وصلت من السفر
هنا غيث انتبه على نفسه وتقدم يبوس امه وعمته واخواته : تو وصلت
ام غيث : تو وصلت وتلعب مع الصغار
غيث بخبث : العب مع زوجتي 
ام غيث غمضت عيونها من العصبيه ، وخوات غيث صاروا يضحكون ويطلعون من المطبخ ، وزوجة ابوه همست : مجنون ولقى شبيهه
ابتسمت غيث وناظر في ورد اللي كانت حاضنه نفسها ورافعه وحده من يدينها لفمها ، قرب منها ومسك يد ورد : عن اذنكم بنروح غرفتنا
طلع غيث من قدامهم وهو يسحب ورد اللي نزلت راسها من الاحراج ،  اول ما دخلو الغرفة قفل الباب ودخل وهو مازال ماسك يدها ، جلسها بجنبه  وسال : اشتقتي لي
رفعت ورد واحد من حواجبها وهي تناظر فيه ، من عقله يسال هذا
غيث : انا بدخل اسبح واغير ، جيبي لي قهوة وسوي حلا ، لا تنسين حلفتي تسوين كل يوم لي حلا
وقف غيث ودف ورد قدامه فتح باب الغرفة وطلعها ، وسكر الباب ، طلعها غيث قبل يفقد السيطره على نفسه ويهجم عليها لانها كانت مغريه لابعد حد  جسمها ووجها وخدودها الحمراء من الركض  وشعرها المتطاير وريحتها الذيذه ، صح غيث شاف صورها بس هي على الطبيعه اجمل مره لدرجه ان عقله توقف تماما عن التفكير ولا عاد فيه غير فكره وحده وهو مايبغى يستعجل ويكرهها اكثر فيه