.
.
.
•
نزلت ورد للمطبخ علشان تاخذ لغرفتهم وكان جوالها معها ارسلت لشذا تطلب منها ان سلطان يتحرك في المحكمه و يرفع قضيه طلاق على غيث ورد كانت ناويه تحط حد لهذا الزواج قبل يصير شي بينهم ، صحيح هي خايفه من ردت فعل غيث بس هي مو مهتمه له ومتاكده ان الطرق تسكرت على غيث الحين ولا عاد يقدر يهدد مثل اول ، اخذت القهوة وراحت للغرفة وفي الطريق شافت رحاب وامها يطلعون كانت نظرات رحاب لها كلها غضب واحتقار ، وورد استغربت منها ، في داخلها قالت : اوريك
وورد قالت لشغاله : لا تحسبون حسابنا على العشاء احنا بنطلع نتعشى برا
بعدين صعدت غرفتها وهي تحس بنتصار لانها شافت القهر في وجهه رحاب دخلت الغرفة وسكرت الباب وراها ونزلت الاغراض على الطاوله وغيث كان في الحمام ، وصلت لها رساله من شذا تبلغها ان بكره راح يرفع لها قضيه عن طريق موقع المحكمه الاكتروني بس محتاج معلومات كامله عنها ، ردت ورد انها الحين ماتقدر لان غيث وصل
شذا : ورد متاكده انك تبغين الطلاق
ورد : من اول يوم وانا مصممه عليه ، شذا ترا ماسمحت له يلمسني
شذا : حلو ، اثبتي على كذا و بكره تعالي عندنا ان شاء الله نكون قدرنا نرفع قضيه مستعجله
سمعت ورد صوت باب الحمام يفتح ارسلت : لا عاد ترسلين شي
وحذفت المحادثه بسرعة
طلع غيث وتوجهه لتسريحه تعطر ومشط شعره وراح يجلس بجنبها كانت يبتسم لها وصدت ورد حست بنغزه في قلبها لانها راح تخدعه
غيث : ورد ، خلينا نتكلم بجد ،، انا ماراح اظلمك ابد ولا اسمح لاحد يهينك وكلام رحاب
قاطعته ورد : ممكن مانتكلم في هذا الموضوع لانه مايهمني فعلا انا متقبله هذه الحياة وكل ما فرضته على
تنهد غيث وناظر في يدها وهي تمد له الفنجال ، اخذه وقال : حلو كل ما تقبلتي واقعك قدرتي تعيشين مرتاحه
دق جوال غيث وكانت فادية ، نزل فنجال القهوة ورد : هلا بفادية ، شكلك ماعاد تبغينا
جاه صوتها وهي تبكي وتتمتم ، فز غيث : فادية فيك شي
فادية بخوف : مممممات ،،،، مااااات ،،،، ذذذذذذبحته
صرخ غيث : فادية انت فين
فادية : البيت ،،،، عمي ،،، تعال
وصرخت بصوت عالي مخيف ، قفل الجوال وناظر في ورد اللي تناظر فيه : انا رايح فادية مدري وش فيها
اخذ مفتاح السيارة ونزل يركض ، شاف حسام يوقف بسيارة ، ركب معه على طول وهو يصرخ : روح بيت ام فادية
حسام : ما اعرف بيتهم
صرخ غيث ونزل يركب سيارته حسام لحقه وركب معه ، انطلق وهو يضرب على الدركسون
حسام : خالي وش فيه
غيث : مدري مدري
شذا لبست عباتها وتغطت بالطرحه واخذت معها صحن حلا ، فتحت باب الشقة وشافت ان باب شقة سلطان مفتوح ، تردد كثير وكانت راح ترجع بس طلع عليها سلطان وهو يبتسم همس : ادخلي
شذا : خالتي فين
قرب سلطان واخذ منها الاغراض : داخل يلا قبل احد يمر ويشوفنا
سكرت شذا باب بيتهم ودخلت شقته سلطان ، سكر الباب ومشى قدامها للمجلس دخلت وشافت ام سلطان جالسه قربت وباست راسها : كيفك يا خاله
ام سلطان : ياهلا والله فيك ، اجلسي يمك
نزل سلطان الاغراض وقال زين ان فيه قهوة خلينا نتقهوى اول ونحلي ، جلست شذا ولفت الطرحه على راسها ، صب سلطان لامه فنجال
ام سلطان : بقوم احيب صحون وملاعق
وقفتها شذا : انا ياخاله انا اجيب
سلطان : تعرفين مكانهم او اساعدك
ناظرت شذا في سلطان نظره فهمها وصار يضحك : لا تناديني اذا تورطت
دخلت شذا المطبخ واخذت الصحون والملاعق اللي سبق وشافتهم يوم تجي وقت كان سلطان تعبان دخلت المجلس ونزلت الصحون وبدات تقطع الحلا
ام سلطان : عطيني قطعه صغيره لا تكثرين لي
انتهت شذا وجلس ، فجاه قرب سلطان وجلس بجنبها تماما وانكمشت من الاحراج ،صب قهوة ، تقهوو وهم ساكتين
سلطان : خل نشغل الفلم ، اخذ الريموت شغل الفلم وهمس : لا تستحين ، نزلي طرحتك
شذا نزلت الطرحه على كتفها ، واخذ فشار علشان تشغل يدينها بس ، بدا الفلم وبعد خمس دقايق قامت ام سلطان وطلعت ، شذا كانت تنتظرها ترجع بس هي طولة ، وسلطان كان واضح مندمج في الفلم ولا انتبه انها طولت
شذا : سلطان
التفت لها ، وكملت : خالتي
سحب سلطان الريموت ووقف الفلم : وش فيها
شذا باحراج : خالتي طلعت
طلع سلطان ورجع وهو يبتسم وجلس مكانه : امي ماتبغى تتفرج معنا تقول بتنام
فزت شذا بخوف واحراج : اجل امشي
سلطان مسكها ورجعها تجلس : اجلسي خلينا نكمل الفلم لا تخافين ماراح اقرب منك ابد
شذا : سلطان تكفي
قاطعها سلطان : انت اللي تكفين اعتبري اننا في السينما والناس حولنا ،، وعلشانك
اخذ خدديات وحطها بينهم وابتسم : كذا تمام
شذا هزت راسها ورجعت تناظر في الفلم اللي معاد تقدر تتابعه وراس سلطان قريب منها ، كان متكي على الخدديات وجسمه مايل لها لكذا راسه باقي شوي يضرب كتفها
سلطان : هذا الممثل دائما افلامه تفوز
شذا : الصراحه انا مو مره احب الافلام بس اتابع علشان ندى مجنونه افلام
سلطان : انا اتابع الافلام بس مو مدمن عليها يعني فلم كل شهر او حسب المزاج ، بس احب اكثر القراءة وخاصه كتب الشعر ، انا ماعندي وقت كثير في الايام العادية ارجع خمسه واكون تعبان ، اجلس مع امي شويات ماصدق ياذن العشاء وادخل غرفتي وانام ، وبعض الاحيان اسهر للفجر اذا كان عندي تصميم او تخطيط مشروع اما القراءة احب بعد الفجر اقراء
شذا : تعرف ان ابوي دائما يمدحك ويقول لنا لو سلطان مو معي غبت عن البيت ايام
سلطان : والله اني احبه واعتبره مثل ابوي الله يرحمهم الاثنين
جرفتهم السوالف ولاعاد يناظرون للفلم ، كانو ياكلون ويسولفون ويضحكون شذا شافت جانب جديد في سلطان فوق انه يعرف كيف يستمتع بوقته بعد هو مستمع جيد ، ومتحدث مقتع كان يكلمها عن افكار واحلام وقناعات حست شذا انها صارت تايده فيها ، التفتت شذا وشافت الساعة وحده ونص الليل ، شهقت وفزت : تاخرت
ناظر سلطان التلفزيون وشاف الفلم موقف مايدري متى وقفه ضحك : نسينا الفلم
شذا : نكمله المره الجاية
سلطان : ماعندي مانه نحدد ليله له ماراح اكمله ابد الا معك
شذا بدات تجمع الصحون والملاعق وسلطان يساعدها ، اخذوها للمطبخ واصرت تغسلها ، بعد ما انتهت رجعت للمجلس تاخذ اغراضها
سلطان : انا اشيلهم لك
توجهت للباب ، ولفت شذا الطرحه على وجهها
فتح سلطان الباب وطلع قبلها ، طلعت المفتاح من جيب البنطلون وفتح ودخلت اخذت الاغراض من سلطان
سلطان : بتنامين
شذا : لا ما اعتقد
سلطان : طيب ليش مستعجله خليك نكمل سوالف
شذا : صعبه الوقت مره متاخر وبصراحه مستحيه من خالتي تنقد على
سلطان ضحك : امي تقول خلها تنام عندك الليلة تراكم متزوجين
انحرجت شذا من كلامه لو درت مارضت تسهر معه
سلطان شاف انه احرجها بكلامه ابتسم وكذب علشان مايضايقها اكثر : امزح امزح
ناظرت فيه شذا بعصبيه ورفعت صحن الحلا تهدده فيه ، بعد سلطان وهمس : ادخلي يلا، اكلمك جوال ، ابغى اكمل سهر معك
ابتسمت شذا : طيب
