.
.
.
•
انصدمت ورد من كلامه هذا يعني انها ماكانت تتغطي وكان غيث شايفها من زمان عصبت ورد وحست انها مو قادره تكتب اكثر فدقت عليه
على طول فتح غيث الخط ، ورد بعصبيه : اوريك انت وبنت اخوك الخاينه والله ماراح اسامحها هذه المره
غيث ببرود قال :
صوتك يريح . خآطري لآ سمعته
يا حي صوتك يا بعد كل الاصوات
حتى كلامك غير لامن نطقته
ودي تعيد اللي حكيته عشر مرات
ورد : وش تبغى
ضحك غيث : انت اللي داقه على
ورد : فادية الحيوانه متفقه معك
تنهد غيث وتمدد على السرير وهو حاط يده على قلبه : بغيت اموت يوم شفتك ،، بالقوه مسكت نفسي لا اهجم عليك
ورد كانت تفكر فين كان متخبي ماتذكر فيه مكان : وين كنت متخبي
غيث : برا الغرفة جهت الشباك ،، بغيت اضرب المصورة وهي تخطبك لاخوها ،، بس حبيت رد فادية عطيني الاشاره يا ورد ،، واجيك كلي
ورد كانت ساكته تسمع له لان ماعندها شي تقوله له
غيث : تدرين اني كلمت سلطان قبل العرس وطلبت يساعدني هو اختك علشان ترجعين لي ،، تعرفين وش قال الحمار
ابتسمت ورد لان واضح من غضبه ان سلطان رافض بس حبت تسمعها منه : وش قال
غيث : قال طبخ طبختيه يا الرفله اكليه
انفجرت ورد ضحك وهو كمل : تخيلي جايه مكسور و ضايق
وهو بكل بروده يقول لي كذا
ورد : وهو صادق
غيث بصدمه : انا رفله الحين
ورد : ارفل كذا راضي
تنهد غيث : قلت لك من اول راضي بكل شي منك
ورد : ليش سجلتني ودفعت لي وخليتهم يكذبون على
غيث : يعني اذا قلت لك بترضين
ورد : لا ،، بس ليش سويت كذا
غيث : علشانك ،، علشان اعتذر منك وعلشان ابين حبي لك وعلشان تحققين حلمك بنفسك ولا تسمحين لرجال يستهين فيه
ورد : بيروح كل تعبك خساره اذا جاء خاطب ووافق على كل شروطي
سكت غيث ماقدر يتكلم ، ورد : او يمكن اكون اكتفيت ولا عاد ابغى اكمل هذا الحلم ووافق على الزواج من اي شخص
غيث بحزن : يكفي اني سويت اللي يبغاه قلبي
ورد : غيث لا تنتظرني تزوج ..
قاطعها غيث بعصبيه : مالك دخل في اللي اسويه في نفسي
واذا تبغين تشكريني على اللي سويته لك ،،
قاطعته ورد : من قال بشكر ،، لا تظن اللي سويته لي كبير او يستاهل
تنهد غيث : صادقه انا ما سويت شي يستاهل ابد
سكر الخط في وجهها وهي انصدمت اول مره هو اللي يسكر ، نزلت دموع ورد وفي داخلها تقول زعلتيه يا ورد
اذن الفجر وتوضت وصلت ونامت
