.
.
.
•
غيث قاعد في غرفته ويقلب الجوال بين يدينه ، وده يرجع يدق عليها بس خايف ترد اختها مره ثانيه ، نزل الجوال على السرير فز يدور في الغرفه ويدينه في جيب البنطلون ، مقهور من نفسه ليش راح لهم ، ليش استعجل وعلمهم كل شي ، ليش ما نتظر ، دق الباب ودخل ابوه ، طلع يدينه من جيب البنطلون وتوجه لابوه : هلا بابو مصعب
سالم : وين رحت اليوم ، مو قلت لك تروح معي لبيت ضافر
غيث : اسف انشغلت ، قابلت اليوم سلطان ، ورحنا بيت سعود وبلغت اهله بكل شي
سالم عقد حواجبه وقال بحده : ليش يابوك ، الناس باقي في صدمة فقدهم لابوهم تروح تزيدهم
شد غيث على شفايفه وهو يحك راسه : صارت عاد
سالم : ترى كلمت ضافر عن زواجك
غيث ضرب على فخذه بعصبيه : ليش يبه ليش
سالم : يا ولد انت وش جاك مو كنت تبغي العرس
غيث : يبه من شهر قايل لك معاد ابغي بنته ، ليش تقول له ليش
سالم بحده : هو لعب مره تبغاها مره لا
غيث : ماقلت ابغاها انت وامي اللي قلتم
سالم : غيث تراك صكيت الثلاثين وباقي ماعرست اللي كبرك معهم عيال ، وانت اول تحجج بالدراسه والبعثه وعقبها الشغل
غيث : يبه انت تشوف حالتي اصلح للعرس ، وانا انام برا البيت اكثر من نومي في البيت
سالم : الحرمه تعدلك ترجعك غصب للبيت
سالم لف بيطلع من الغرفه لحقه غيث ووقف قدامه : يبه وش اسوي الحين ما ابغها
سالم : اجل ادع ان البنت ما توافق
حط يده على كتف غيث وبعده عن طريقه ومشي ، غيث دخل غرفته وقفل الباب مقهور من ابوه اللي سوي اللي في راسه ولا اهتم في رايه وتوجه للجوال ، اخذه وكتب رساله لورد : والله لو ماتردين على الحين جيتكم البيت
ردت ورد عليه : ما راح ارد .. وارسلت فيس الوجه الاحمر الغاضب
انفجر غيث ضحك من رسالتها وانسدح على السرير وهو يتامل رسالتها ، حس ان كل الغضب اللي داخله راح بسببها ، فتح الاستديو ودخل الفديو اللي اخذه من جوالها ، كانت مصوره نفسها وهي تتميحل وترقص قدام المرايه ، ابتسم غيث وهو يتامل وجهها وغمزتها اللي في خدها الايمن وعيونها العسليه وشعرها وجسمها ، عض على شفايفه وهو يراقب حركاتها ودلعها
غيث كان مبسوط بالصدفه اللي خلته ينزل المحل علشان يدور صرف ٥٠٠ وشافها فيه وانتبه لها يوم نزلت الجوال في العربه وقرب يبغي يقول لها عنه بس هي صارت تبكي من كلام المحاسب وكانت الغبيه تبغي ترجع الاغراض مثل ماقال ، بس هو منعها ، وطلعت بسرعه ، كان يلحقها علشان يعطيها الجوال بس هي مثل الطلقه ماقدر يوقفها
ويوم شاف صورة سعود في الجوال قرر يفتحه ويشوف اللي فيه ، علشان يبتزه ، تنهد وقفل الجوال وانسدح وهمس : اوريك يابنت سعود
