.
.
.
.
•بعد اسبوع تحسن ابو زيد وصار يقدر يمشي ويتكلم براحته
كان اخوانه وعيالهم يزورونهم كل يوم علشان يتطمنون عليه حتى سعود كان يزورهم ، لكذا ام ديم وبناتها كانو يشتغلون يسوون قهوة وشاي وبعض الاحيان يسوون عشاء
ندى كانت تدخل معهم المطبخ وتساعد ، وكان زيد كل ماشافها في المطبخ ابتسم وغمز لها ، اما في غرفتهم كانت علاقتهم بارده جدا ، ندى تمنعه وهو ماغصبها ابد
ابوها كان كل يوم يطلب يشوفها اذا زارهم وكان يشوف وجهها التعبان و يستلها اذا تعبانه او محتاجه شي بس هي تبلغه انها بخير
وفي يوم دق ابو ندى على زيد وطلب يجيه للمكتب
راح زيد له وطبعا ماقال لندى ابدا ، دخل المكتب وسلم وجلس
سعود : حيالله زيد ، كيفك وكيف الوالد
زيد : كلنا بخير ويسلمون عليك
دخل سلطان وجلس معهم وكان شايل معه اوراق ، طبعا زيد استغرب منه ومن ميانته مع العم سعود
سعود : زيد وانا عمك ، قبل فتره ابوك طلب مني ادبر لك عمل عندنا ، وماكان عندنا شاغر والحين صار فيه ، لكذا ابغاك تستلمه وهو منصب زين له راتب ممتاز وتامين طبي
زيد : بس انا اشتغل ياعمي ولاني محتاج توظفني
سعود : الشغل مع جدك في المزرعة مايعتبر وظيفه
تعتبر هوايه ، انت تحتاج وظيفه لها راتب زين ومميزات عالية والمزرعة للعائله والكل ياخذ من ارباحها
زيد انقهر من كلام عمه وخاصه قدام واحد غريب
زيد : اللي ماتعرفه ياعمي اني اشتغل في مزرعتي
انا شريتها من جدي ، وقاعد اسدد ثمنها
سعود فتح عيونه مندهش من كلامه كيف كذا ومتي صار ، وهل عمانه راضين بالبيعه
زيد : انا مدري ليش تظن اني مو مرتاح او ناقصني شي علشان تقول هذا الكلام
سعود : طيب ليش ماتاخذ لك بيت خاص
ابتسم زيد ونزل راسه على الارض عرف الحين السبب لعرضه الوظيفة عليه علشان راحة بنته مو علشاني استحقها
رفع زيد راسه : عمي ابوي تعبان وجدى مايقدر يراعيه
والاهل يحتاجون لي ، صعبه اطلع بعيد عنهم ، بعدين انا عندي بيت وانت تعرف وش صار ، بحول الله شهرين بالكثير ويخلص
سلطان : ممكن اتكلم
زيد كان وده يقول لا بس استحي من عمه : تفضل
فيه مشروع جاهز عندنا وفيه فله تناسبك ، من دورين
فز زيد بعصبيه : ماني محتاج صدقتكم
سلطان : لو تركتني اكمل ، كنت بقول قسطها
سعود : زيد ، احنا نحاول نعاونك هنا
زيد : شكرا ياعمي ماتقصر ، والحين تسمحون لي بروح مشغول
طلع زيد من غير مايسمع من العم سعود رده كان طول الطريق للبيت يفكر في ايش قصر على ندى علشان يحس ابوها انها محتاجه ، هو يعرف وش صار من يوم الزواج والمشاكل تلاحقه ، حس ان الدنيا كلها متفقه عليه ومتكاثرة انه تزوج وحب
وصل البيت ودخل معصب كان يبغى يهاوش ندى بس شافها نايمه وتركها
قبل يطلع ويروح للمزرعة نادها جده : زيد لا تنسي بكره يبدء مهرجان التمور روح وخذ معك اثنين من العمال
زيد : ابشر
