#الكاتبه سدرة الطائي
طبيت سلمت كعدت بالديوان ويا عمي
الشيخ. خابرتهم كبل ساعه كالو احنا وصلنه اطلع شوف وصلو لو بعد
مصطفى. زين شيخ
الشيخ. تعال كبل لاتطلع اريد احجي وياك.. گلي انته شكد تحبها
مصطفى. شهل سؤال عمي.. اسف ماكدر اجاوبك هذا شي خاص بيه
الشيخ. ليش ماتجاوبني كول ابني تستحي
مصطفى. شيفيد اذاا احجيلك وانته ماراح تحس بيه
الشيخ ابتسم. كول تعشگها
مصطفى. صدگني مو بس اي عشگ شهد النفس اليصعد والينزل
الشيخ نزلت دمعته. اخخخ جميلة ماخلفتي الوعد
مصطفى. عمي اريد اذكرك شهد مستحيل تكون جميلة واترجاك لاتذكرها گدامها وابتعد عنها لخاطري
الشيخ تنهد. ابني ليش هيا بكيفي انه هم ماكدر امنع نفسي من اشوفها تشبهه ملامحها شكلها
مصطفى. اهدئ عمي انساها ادري انته شكد تحبها بس كافي انساها اذا تظل هيج عايش وتفكر بيها بس عمي تريد تضيع عمرك ليش
الشيخ. اسألك يجي فد يوم تگدر تعوف شهد
مصطفى. مستحيل.. شهد هيا روحي بالحياه شلون اعيش بدونها شلون تريدني اعوفها
الشيخ ابتسم. لعد دير بالك عليها ولاتزعلها
مصطفى. ان شاء
حسين. شيخ شيخ وصلووو
الشيخ. خير ان شاء الله يلا ابني كوم استقبلهم
طلعت بره طببو السياره بالكراج
********************
شهد. جنت اباوع للمنطقه كلش بسيطه وبيها نخيل ومزارع واسواق اكو بيوت بسيطه وبيوت كلش فخمه بس اجوائها حلوه احس المنطقه هادئه طبينا بفرع بعدين وصلنا لبيت كلش جبير باوعت هذوله ولد عمه يعني هذا بيتهم فتح الحارس البوابه انصدمن شكد جبير البيت من بره عبالك فيلا جبيره وكراج ومن الجهتين حديقه واكو باب ثاني خلفي نوب بنايات
بابا نزل الجامه وسلم باوعت شفت مصطفى اجى وسلم على بابا يمي جنت منزله الجام ماحس غير گرصه اجت من خدي باوعت للجام ابتسمت
مصطفى. الحمدلله على سلامتج شلونج
شهد ابتسمت. الله يسلمك زينه بس الجو حار
مصطفى. هسا ترتاحين
شهد. صفينا السياره واجو الولد شالو الاغراض وسلمنا عالكل
قسور. شلونج بطة
شهد باستغراب. انيي
قسور. اكو بطة غيرج هههه
شهد. يااا عزاا انته مو من هسا لزمتني تنمر
قسور. اني شعليه اذا انتي فعلا صايره بطه
شهد بانزعاج. قسوورر راح اخنكك بدي بس خل ارتاح
قسور بضحكه. ارتاحي ارتاحي ولج ماتتحملين شقه يالفاهيه
شهد. هههه ادري.... رحت وكفت باب المطبخ جنت راح ادخل اخر وحده اجى مصطفى.. شبكني حيل وباس راسي
مصطفى. مشتاقلج ام خشم
شهد ضحكت. ههه حبيبي اني هم تدري شكد ابتعدنا اتذكر اخر مره حجيت وياك قبل شهر تقريبا
مصطفى. وجهج صاير طماطه.. اقتربت يم اذنها وهمست... عقابج بعدين خزرته
شهد بارتباك. ب بس ا اني شسويت.. ابتسم وطب للمطبخ طبيت سلمت عليهم وكلهن يرحبون بيه ماعدا سحر وحور من راس خشمهن وحماتي ضمتني وظلت تبوس بيه رحت غسلت وجهي وكعدت ارتاح اجى الينات كعدو بصفي
الاء. شلونج حبيبتي اخبارج
شهد ابتسمت. زينة
مها. ولج سمنانه عن قبل اني انصدمت بااخطوبه جنتي اضعف بويين
الاء بخزره. مهااا. حبيبتي تره ماتقصد شي والله شكد لايكلج السمن اصلا جسمج يخبل
مها. ترا ماخليتيني اكمل ولج والله فعلا خدودج تخبل اريد اسمن مثلج شلون باعي اني عظم واكل ومااسمن
شهد. احسلج والله اني دالعب رياضه واحاول امنع نفسي من الاكل بس مادري ليش ماداضعف
مها. شنو ولج اذبحج هسا عندج هيج جسم حلوو تسوين رجيم
شهد. شكرا حبيبتي بس اني اريد اضعف شويه
الاء. تره انتي مو سمينه كلش
مريم. اي احجو بدوني شجنتو تحجون
مها. ولج دباعي صايره تخبل
مريم. اللهم صلي على محمد عينج حبيبتي
مها. هههه ولج ليش اني احسد بالعكس اكلج لاتسوين رجيم جسمج يجنن وانتي هرموناتج وااو
الاء. يااعزا مها الادبسز
مريم. هئ يمه عزا بعينج ولج بس لاخاله عينج عليها ولييي ولج هاي مرت اخويه تره اكله عليج اخليه يطيح حظج... معليج بيها شهوده تره هاي مها هيا هيج كلامه شكد صلفه هيا هيج عوبه من الله
شهد بخجل. ها لا عادي
مريم بهمس. ادورين عليه تره بره لان اجى الطباخ
شهد. ها اوك
مريم. شنو رأيج بالبيت
شهد. كولش حلوو عجبني وحيل جبير وفخم من الداخل كله ملكي بس بره بسيط
YOU ARE READING
احفاد آل حارث
Randomبين اربع حيطان وحدي احس الدنيه بدت تفتر بيه مادري شنو سبب هاي الاصوات ليش الناس مداتفهمني محد يصدكني اكولهم جاي اسمع صوت راح تأذيهم هاي المره عبالهم تخبلت هه هو اني مداصدك بنفسي اهلي حيصدكون؟ رجعت لفراشي تغطيت وخليت راسي جوه لمخده ورى ربع ساعه دخل ع...
