احفاد آل حارث

بارت35

#احفاد_آل_حارث

الكاتبه: ســدرة آلــطـــائـي

ولمَّا بَدا لِي أنَّها لا تُحِبُّني
وأنَّ هواها ليْسَ عنِّي بِمُنجَلِ
تَمَنَّيتُ أن تَهوَى سِوايَ لعلَّها
تَذوقُ صَباباتِ الهوَى فتَرِقَّ لِي
فما كانَ إلَّا عن قليلٍ وأُشغِفَتْ
بِحُبِّ غزالٍ أدعَجِ الطَّرفِ أكحَلِ
وعذَّبَها حتَّى أذابَ فُؤادَها
وذوَّقَها طعمَ الهوَى والتَّذلُّلِ
فقلتُ لها: هَذا بِهَذا، فأطرَقَتْ
حياءً، وقالتْ: كلُّ مَن عايَبَ ابتُلِي

اسفه على التأخير ولان انشغلت هواي بس جنت كلش مشغوله وراح ارجعلكم شهر7ان شاء الله اقوه من قبل جان مفروض انهي البارت واسوي بارت واحد لكن بسبب تأخري اريد اعوضكم بآخر بارتين❤
ــــــــــــــــــــــــــــــــــــــــــــــــــــــــــــــــــــــــــــــــــ

ظليت كاعده ع الكرسي انتظرهم يجون ومحمد حاير يجهز بالغرفه لابس ماسك طلع نزل الماسك لزم ايدي
محمد. لاتخافين حبيبي ان شاء الله يكوم بالسلامة
ريحانه بحزن. الله يساعد شهد شراح تتحمل
لزم اصبعي مكان الحلقه
محمد. ليش مالابسه الحلقه؟
ريحانه باستغراب. شنو.. باوعت الايدي تذكرت من سويت كيك نزعته خفت تتوسخ.. جنت داشتغل ونسيتها بالبيت.. زعلت؟
عضيت شفتي متوتره
محمد. لاء ماريدج تنسيها بعد لاتنزعيها

التفتنا كلنا نباوع جايبيه بالسديه الممرضين دخلو بالطوارئ محمد راح الشهد يطمنها جر ايدي
محمد. رجعي للبيت خلي لؤي يوصلج
ريحانه بدموع. لاماروح خليني ويا شهد
شهد بجي. الله يخليك خليني ادخل جوه وياه
محمد. ريحانه ديري بالج عليها
دخل لغرفه العمليات وشهد راحت ادك الباب حيل سحبتها من اديها
ريحانه بدموع. شهد اهدي تعالي اكعدي راح يكوم بالسلامه لاتخافين ماتثقين بمحمد
شهد. بلى بس ماكدر اصبر تعبت تعبت

حضنته اهديها انكسر گلبي عليها
ريحانه. اهدي راح يطلع هسا تشوفين بعدين انتي لان ماشايفه هيج جرح جاي تبجين حقج تخافين والله بس عادي كولش راح تشوفين
شهد بحرگه. لج شلون شلون تنفتح عمليته هيج
ريحانه. اهدي واحجيلي شصار
شهد. البارحه بليل كال گلبي يأذيني وكلت ممكن يكون جلطه ظليت كاعده وياه لحد مانام وكعدنا الصبح شفته موزين بس يمثل كدامي هيج دائما للظهر كلي خل نرد للبيت واني شفته موزين رفضت بحجه نبقى اليوم بس اجيت قبل نص ساعه اشوف سابح بالدم وخشمه طك دم وكع و
ريحانه. كافي كافي اهدي افتهمت ولله اشش اهدي وادعيله بمكان ماتبجين

هزت راسها بقت تبجي وتدعيله لؤي ظل واكف بعيد طلع ممرض جايبله بطل دم وراد يدخل كمت جريت
ريحانه. ليش جايب بطل شنو شكو مو انفتحت عمليه
الممرض. خويه ابتعدي عني مستعجل المريض صاير عنده انسداد وتعرض لجلطه لازم نجري عمليه القسطره باسرع وقت
شهد بصدمه. شنو مره الخ؟ شنو جاي يحجي انسداد شنو