شماته وليل غربـه
وچلمه الياحيف
يلتمن دمع ويطيحن بخدي
عريـان السيـد خلـف
ــــــــــــــــــــــــــــــــــــــــــــــــــــــــــــــــــــــــــــــــــ
ريحانه. لاء ماريد نتزوج هسا محمد
محمد. ليش
ـ احس روحي مو جاهزه احـسني صغيره بعدني والزواج مسؤليه اريد اكمل دراسـتي هسـا واخذ شهادتي
محمد. بكيفج بس والله بعد ماكدر اتحمل بعدج انطيني تاريخ محدد
ـ نتزوج ورى مااخلص سادس سنتين تقريباً
ـ جثير سنتين يولي
ــ والخـاطـري ماتـكـدر تـسـوي شـي يـعنـي؟
ــ يولي شلون ماكدر الخاطرج يابه الخاطرج جبيبي لجل عين تكرم ألف عين ولو اني الي محيرني ابوج كل فتره يطلع سالفه لو ماهو ماكلج نتزوج بسرعه وانـتِ تعرفين تصرفات ابوج
ــ ميخالف حبيبي الخاطري الخاطري تحمل وتكمل هالسنتين على خير ونتزوج
سحب ايدي الخالتهه على وجهه وباسها قࢪبني اله باس گصتي واردف
ــ أحبج يغضب
ــ اويلي يابه احب من تحجي لهجتكم بس مافهم عليكم تره احس روحي مثل الاطرش بالزفه
ــ تتعودين يولي هساع شعتفتهمين
ــ افتهم افتهم بس ترجملي
ــ مو تردين نحجي وياج بلهجتنا يولي وتردين اترجملج شنو لغه هي
نزلت راسي وخليته على جتفه
ـ شبيج؟
ــ راسي راسي شو ماتحمل اسمع هواي حجي انت صاير تسولف هواي
ـ انعديت منج هسا يخف
ــ محمد
ــ عيونه
ـ تعبت واريد انام اريد ارجع البيت ماريد اكعد وياهم ماحلو
ـ ليش يابه
قوست شفتي بحزن واردفت
ـ حباب رجعني للبيت
ــ والطلعه وعدتج نطلع
ــ راسي ياذيني نفسيتي تتعب واحس ماريد اشوف احد
ــ حتى اني
ــ لامحمد انت لاتعوفني خليك يمي تعال للبيت خلي اهلي يجون ماريد اروح بمكان
ــ ريحانه هساع اني مو يمج وهاي ثنينه بالغرفه ومحد مضوجج ليش تردين ترجعين ظلي للعصر ارجعج
ــ لعد لاتعوفني
ــ والله ماعايفج لحظه
خلت راسها على جتفي نزلته وياي جوه اقنعها تتحمل وهي هالفتره تحس بالوحده وعدها رهاب اجتماعي رجعت اتواصل ويا الطبيب النفسي وكال حالته جاي تسوء لازم تجيبها وهي مامقتنعه تروح دكتور نفسي
للمغرب اقنعها بس رادت ترجع ولغينه الطلعه علمودها وهي ظلت يومين بالبيت وكاعده بغرفتها24ساعة وماتقبل تسوي اي شي لحد ماارجع من الدوام واول شي افكر بيه"هـيَ"
دخلت بيتهم وسلمت وسألت وينه كالعاده امها تجاوبني
ـ بغرفتها وماتقبل احد يدخل الغرفه
ــ عليش حابسه روحه شلون تخلوها وحدها هي بكيفها وعايفيها هيج
ـ شنسويله متعلقه بيك هواي تكول اذا مايجي محمد ماطلع ومحد يدخل غرفتي
هزيت راسي بيأس وصعدت غرفتها قافلته دكيت الباب بسرعه
YOU ARE READING
احفاد آل حارث
Aléatoireبين اربع حيطان وحدي احس الدنيه بدت تفتر بيه مادري شنو سبب هاي الاصوات ليش الناس مداتفهمني محد يصدكني اكولهم جاي اسمع صوت راح تأذيهم هاي المره عبالهم تخبلت هه هو اني مداصدك بنفسي اهلي حيصدكون؟ رجعت لفراشي تغطيت وخليت راسي جوه لمخده ورى ربع ساعه دخل ع...
