احفاد آل حارث
الكاتبه: سدرة الطائي
مَرات أشوفنكَ تعَب بَــس أنتَ المحليني.
ـــــــــــــــــــــــــــــــــــــــــــــــــــــــــــــــــــــــــ،
وخرت عنه بهدوء وابتسمت
شهد بتوتر. لعد حروح ابدل بس اول شي حروح اكول لبابا
مصطفى. عليش ترحين انه اخابره روحي بدلي وماعليج بالبقيه
شهد. اوك.. رحت بتوتر فتحت الباب كمت اباوع منه هسا يظلون يستفسرون طلعت من الممر
رغد. اوكفي شهد
شهد. هااا اءاي شكو
رغد. مو كلتي راح اطلكيه اني هم راح اطلكه
شهد. ها شوكت نسيت باعي صار عندي شغل لازم اصعد
رغد. اوكفييي.. ههههه ولج شبيج راح تموتين من الخوف
شهد. فززتيني
رغد. كولي تصالحتو؟
شهد. اءاي يعني
رغد. يعني؟ كلت هيج وغمزت هههه
شهد. تصالحنا شبيج وهسا راح ياخذني مادري وين رجاءا لاتقاطعيني
رغد. هههه والله لعد هاي فرصتج راح اصيح مريم ترتبج
شهد. اوك. صعدت للغرفه اطفر ياربي شلبس
مريم. انتي حلوه كلشي حلو عليج
شهد. فززتيني
مريم. هههه جنت خايفه علي وتاليهه طلعتو متصالحين باعي اكولج مو صوج باخويه انتي تحبين تعصبيه يلاترضين
شهد. لاوالله اني هيج
مريم. كولي لعد ماتحبين اخويه؟
شهد. احبه كلش وماتصور حياتي من دونه
مريم. ابتسمت. الله يديمكم يارب كون نفرح بيكم
شهد. ههه ان شاء الله
مريم. اتفقو ع الزواج اليوم لاتظلون تأجلوه
شهد. ان شاء الله. شلبس؟؟
مريم. احمرر لبسي هذا الفستان كشخه كلش انيق
شهد. صدوك ماتوقعت راح البسه باول طلعه
اخذته وطبيت بدلت وطلعت اجت مريم فاتحه حلگها
مريم. لجج يجنن لج يموت اني عجبني كلش شهل موديل شهل فيكه شهل جسم عليج منحوت جنچ راسميج والله صدك طالع من گلبج
شهد. دكافي فاتحه حلگج افتهمنه مابقيتي شي احجي بيه
مريم. هههه دتعاي اخليلج مكياج اليوم اخليج تطلعين صاروخ
شهد. اووو مرايم لج كافي لبختيني مااريد حبابه خففي هسا وين رايحه
مريم. اووي دنجبي عيني طالعه ويا الحب وتكلي وين رايحه لبو موزه رايحه
شهد. خلص خلص هسا اترزل بسببج بس معليج اجيبها اجيبها ماخليه يحاسبني
مريم. اجيبك للدرب متلك اجيبك واتراهن عليك
شهد. دكافي بعدين ركصي راح تخربين مكياجي
مريم. عيني مركزين بيج لاتخافين. الله ولج شنو هاي طالعه ملكه جمال
شهد. ويين عاديه بس انتي هواي ملونتني
مريم. غير طالعه تجننين تحفه وربي ماتوقعتج هيج
شهد بفرحه. شكرا.. كمت وكفت. هذا الكعب عالي كولش شلون امشي بيه راح اوكع
مريم. لاتخافين مايصيرلج شي ديري بالج تنزعيه كولش لايكلج
شهد. احبج كولش تعاي ابوسج
مريم. اييي بعدين بوسيني هسا تسويني حمره وتنمسح
شهد بتفكير. هم صدك لعد راح اروح عزا تأخرت عليه نص ساعه احمم وخري
مريم. ههههه والله خبله
شهد. ظليت احاول اركض بالكعب وصلت الدرج كلت هاهيه مابيه حيل اركض خاف اوكع كمت انزل بهدوء شفته كاعد كبال مكان الدرج ويا رائد يحجي انتبه عليه نازله وبهل لحظه مادري شحس گلبي يدك مثل النغمه هيج حافظتها
كام وماشال عينه عني تقدم وخله ايده حتى انزل بنهايه الدرج ضم ايدي وباسها حجى بهمس
مصطفى. شنو هالجمال رحمي بحالي
شهد ضحكت. عزااا هاي شمسويتلك وتكول هيج
مصطفى. ضربت گصته لان مافهمت الحجي.. شهل فهاوه
شهد. تره مو فاهيه اني ابين هيج بس اني بالعكس
مصطفى كلش مبين عليج مو بس شكلج انتي فاهيه بس تدرين شنو اكثر شي احبه بيج
شهد. شنو
مصطفى. احب فهاوتج. احبچ شهد ولافد يوم اكدر اتخيل حياتي من دونج احبج
شهد. واني هم احبك حييل وراح تثبتلك الايام الجايه انته غيرتني خليتني افتح عيوني زين واشوف الناس الزينه والموزينه
مصطفى بهمس. احبج شهد
اقترب اجى يبوسني
رغد. ولج شهودي شهل جمال يالله ها حمم جيت مو بخوش وكت
رائد. مو كتلج لااطبين بس اتتي الا تعانديني
رغد بخزر. شمدريني هيج؟
شهد بخجل. لاعادي ماكو شي اصلا احنا طالعين مو
مصطفى. اي صح اخذو راحتكم بخصوص اهلج اتصلت بيهم وقبلو بس كالو لاتتأخرون. احنا طالعين
قسور. وين وينن ماخذها
مصطفى بحده. شعليك؟
قسور. اخذوني وياكم مليت ياخي بزعت
رائد. انجب ماخذ خطيبته انته شتسوي وياهم
قسور بخبث. اي عيني لح سُندس ام الطالعات بعذج مجايه يمنه وطكت روحج
شهد. اهوو هسا انته شبيك كلساع متدخل لعد اذا هيج تحب طلعات ليش ماتخطب
رغد ضحكت. لاعاب لسانج ههه
قسور. عن قريب
رغدوشهد بتفاجأ. منو منو احجي
قسور بتوتر. ولكم شبيكم كلت عن قريب شمدريني منو هيا المهم جلمه كلتها
YOU ARE READING
احفاد آل حارث
Randomبين اربع حيطان وحدي احس الدنيه بدت تفتر بيه مادري شنو سبب هاي الاصوات ليش الناس مداتفهمني محد يصدكني اكولهم جاي اسمع صوت راح تأذيهم هاي المره عبالهم تخبلت هه هو اني مداصدك بنفسي اهلي حيصدكون؟ رجعت لفراشي تغطيت وخليت راسي جوه لمخده ورى ربع ساعه دخل ع...
